Kulawa 6

1 Mbali Mndewa Mulungu kamulongela Musaâ “Sambi kwizawona chondanimtendele mfalume wa Misili. Mana kwa shuluti yangu kezawalekelela wanhu wangu, kwa shuluti kezawawinga muna iisi yake." 2 Mulungu kamulongela Musa, “Niye Mndewa Mulungu. 3 Nimulawilila Bulahimu na Isaka na Yakobo fana viya Mulungu yeli na udahiâ mbali zina jangu Mndewa Mulungu siditendile dimanyike kumwawo. 4 Iviya nitenda nawo lagano jangu kuwa nizaweng’ha isi ya Kanaani, uko wezakala fana nyambenyambe. 5 Iviya nihulika kulongelela kwa Waisilailiâ waja Wamisili wawashulutiza kusang’hana sang’hano za chitumwa, ivo nikumbuka lagano jangu. 6 Uwalongele Waisilaili, ‘Niye Mndewa Mulungu! Nizamulavani na kumulekelani kulawa muna utumwa wa Wamisili. Nizawinula mkono wangu wili na ludabwa kuwatagusa Wamisili na nizamkombolani. 7 Nizawatendani kuwa wanhu wanguâ niye nizakuwa Mulungu wenu. Mweye mwizanimanya kuwa niye Mndewa Mulungu, Mulungu wenu yoniwalekelele kulawa kuna uutumwa muna iisi ya Misili. 8 Nizamgalani muna iisi ija yoniilahile kuweng’ha Bulahimu na Isaka na Yakobo. Nizamwing’hani mweye iwe yenuâ niye iyo Mndewa Mulungu.’ “ 9 Musa kawalongela Waisilaili mbuli inoâ mbali wawo hawamtegeleze kwaviya wakala wafa moyo kwa ichimu cha utumwa. 10 Maabaho Mndewa Mulungu kamulongela Musaâ 11 “Hita kwa mfalume wa Misili ukamulongele kuwa kolondeka kuwalekelela Waisilaili wasegele muna iisi yake." 12 Mbali Musa kamwidika Mndewa Mulunguâ “Lola, Waisilaili hawanitegeleze. Lelo mfalume wa Misili kezanitegeleza? Niye sidaha kulonga vinogile!" 13 Mndewa Mulungu kawalagiliza Musa na Haluniâ “Walongele Waisilaili na mfalume wa Misili kuwa niwalagilizani mweye kuwalava Waisilaili muna iisi ya Misili." 14 Wano wawo walangulizi wa ng’holo. Lubeniâ chaudele wa Yakobo kakala na wana wane wa chilume, Henoki na Palu na Heziloni na Kalimi. Wawo wakala lukolo lwa Lubeni. 15 Simeoni kakala na wana sita wa chilumeâ Yemueli na Yamini na Ohadi na Yakini na Sohali na Shauli, mwana wa mwanamke wa Chikanaani. Wawo wakala wa kaye ya Simeoni. 16 Yano ni mazina ya wana wa chilume wa Lawi na nyelesi zawoâ fana viili maandiko yawo, Gelishoni na Kohasi na Melali. Lawi kakala miyaka gana na malongo matatu na saba. 17 Wana wa chilume wa Gelishoni wakala Libini na Shimei, nawo wakala na lukolo lwawo. 18 Wana wa chilume wa Kohasi wakala Amilamu na Ishali na Hebuloni na Uzieli. Kohati kakala miyaka gana malongo matatu na nhatu. 19 Wana wa chilume wa Melali wakala Mali na Mushi. Wano wawo mawasaho wa ng’holo za Walawi fana viili maandiko yawo. 20 Amilamu kamsola Yokebedi lumbu wa tati yakeâ nayo kamwelekela Haluni na Musa. Amulamu kakala miyaka gana malongo matatu na saba. 21 Wana wa chilume wa Ishali wakala Kola na Nefegi na Zikili. 22 Wana wa chilume wa Uzieli wakala Mishaeli na Elisafani na Sisili. 23 Haluni kamsola Elisheba mndele wa Aminadabu, iviya kakalalumbu jake Nashoni, nayo kamwelekela Nadabu na Abihu na Eleazali na Isamali. 24 Wana wa chilume wa Kola wakala Asili na Elikana na Abiasafu. Wawo wakala wasaho wa ng’holo za Kola. 25 Eleazali, mwana wa chilume wa Haluniâ kamsola imwe wa wandele wa Putieli, iyo kamwelekela Finehasi. Wano wakala wakulu wa ng’holo za Lawi. 26 Wano ni Haluni na Musa waja Mndewa Mulungu woyawalongeleâ “Walaveni wanhu wa Isilaili muna iisi ya Misili, lukolo kwa lukolo." 27 Musa na Haluni niiwawo wowamulongele mfalume wa Misili yawalekelele Waisilaili walawe muna iisi ya Misili. 28 Mndewa Mulungu viyalongile na Musa muna iisi ya Misiliâ 29 kamulongela Musaâ “Niye Mndewa Mulungu. Mulongele mfalume wa Misili chila chinhu chonikulongela." 30 Mbali Musa kamulongela Mndewa Mulunguâ “Vino mfalume wa Misili kezanitegeleza? Niye sidaha kulonga vinogile."