Kulawa 3

1 Siku dimwe Musa viyakalile yodima ng’hondolo na luti wa Yesilo mkoi wakeâ mkulu wa nhambiko wa Midiani, kadilanguliza bumbila kufosa uswelo wa zuwa muna ichuwala kuhita Holebuâ kuna mulima wa Mulungu. 2 Msenga wa Mndewa Mulungu kamulawilila Musa muna dilambi da moto muna ichibago. Musa kawona ichibago chokwaka moto mbali hachitakamile. 3 Musa kalonga, “Yano mauzauza, habali chibago chokwaka moto na hachitakamila? Nizachikwenhukila nikachilole." 4 Mndewa Mulungu viyawone kuwa Musa kokwenhuka habehi, kamtanga kulawa hagati ya ichibago na kalonga, “Musa! Musa!” Musa kamwidika “Wona, nabaha." 5 Mndewa Mulungu kamulongelaâ “Sekeukwenhuke habehi. Vula vilatu vako, kwaviya howimile ni hanhu helile." 6 Maabaho kalonga, “Niye ni Mulungu wa wasaho zakoâ Mulungu wa Bulahimu na Isaka na Yakobo.” Ivo Musa kaigubika chihanga chakeâ kwaviya kadumba kumulola Mulungu. 7 Maabaho Mndewa Mulungu kalongaâ “Kweli niyawona manhesa ya wanhu wangu weli muna iisi ya Misili. Nihulika ndilo yawo kwa ichimu cha wemilizi wa Misili. Niumanya usungu wawo. 8 Ivo nihumuluka muladi niwakombole muna imikono ya Wamisiliâ nizawalava umo na kuwagala kuna isi ino inogile na ng’hulu, isi ili na ulongo unogileâ isi ya Wakanaani na Wahiti na Waamoli na Wapelizi na Wahivi na Wayebusi. 9 Lelo kulila kwa wanhu wangu Waisilaili kunifikila niye. Niwona viya Wamisili viwowagaza. 10 Lelo hita nokutuma kwa mfalume wa Misili muladi ukawalave wanhu wangu wana Isilaili muna iisi ya Misili." 11 Mbali Musa kamulongela Mulunguâ “Niye yelihi mbaka nidahe kuhita kwa mfalume wa Misili na kuwalava Waisilaili muna iisi ya Misili?" 12 Mulungu kamulongelaâ “Nizakuwa hamwe na weye. Na chino chizakuwa chilaguso kuwa niye iyo nikutumile. Vondauwalave wanhu muna iisi ya Misili, kwizamtambikila Mulungu muna mulima uno." 13 Musa kamulongela Mulunguâ “One nihahita kwa wanhu wa Isilaili na kuwalongelaâ ‘Mulungu wa wasaho zenu kanhuma kumwenuâ’ nawo wezaniuzaâ ‘Zina jake nani?’ Niwalongeleze?" 14 Mulungu kamulongela Musaâ “NIYE IYO NIYE.” Na kalonga, “Walongele vino wanhu wa Isilailiâ ‘Ija iwomtanga IYO NIYE kanhuma kumwenu.’ “ 15 Iviya Mulungu kamulongela Musa, “Walongele Waisilailiâ ‘Mndewa Mulungu, Mulungu wa wasaho zenu na Mulungu wa Bulahimu na Mulungu wa Isaka na Mulungu wa Yakoboâ kanhuma kumwenu.’ Dino ijo zina jangu siku zose, dizakumbukigwa kwa welesi wose." 16 Hita na ukawating’hanize hamwe walala wa Isilaili na uwalongeleâ Mndewa Mulungu, Mulungu wa wasaho zenu na Mulungu wa Bulahimu na wa Isaka na wa Yakobo, kanilawilila na kanilongela, “Niyawona yaja yomutendeligwa uko Misili." 17 Na nimulaganilani kuwa nizamulavani muna yamanhesa yenu uko Misili na kuwengiza muna iisi ya Wakanaani na Wahiti na Waamoli na Wapelizi na Wahivi na Wayebusiâ isi ili na ulongo unogile. 18 “Walala wa Isilaili wezakutegeleza, maabaho weye na walala wa Isilaili mwizahita kwa mfalume wa Misili na kumulongela, ‘Mndewa Mulungu, Mulungu wa Waebulaniya, kaiting’hana na cheye. Lelo chokulamba chilekelele chigende muna ichuwala siku nhatu muladi chikamulavile nhambiko Mulungu wetu.’ 19 Novimanya kuwa mfalume wa Misili hezawalekela muhite mbaka yahavimanya kuwa niye nina nguvu kufosa yeye. 20 Mbali nizasang’hanila nguvu zangu kuwatagusa Wamisili kwa kutenda vinhu va mauzauza haja. Hamwande kezamulekelani muhite. 21 “Nizawatenda Wamisili wanoge kumwenu muladi vondamusegeleâ sekemusegele makono muhala. 22 Chila mwanamke wa Chiisilaili kezampula mkaya miyage na ija yokala nayo muna ikaye yake yamwing’he via va hela na via va zahabu hamwe na mawalo. Mwizawavaza wanenu wa chike na wa chilume. Vino niivo vondamusole vinhu va Wamisili."