Juan 11
NVS1 Dule-wargwen, Betaniaʼgined, Lázaroʼye-nugadi uellemaid. We-Betania-neggweburde MarÃa, degine, e-ior-Marta-e-neggweburad. We-omegan, Lázaro-e-bunmalad. 2 We-MarÃa, gwallu-wawadgi Bab-Jesús-magsagusadid. MarÃa e-sailagiagi Dummad-Jesús-e-nag odingusii gusadid. Deunni, MarÃa-e-sus-Lázaro uellemaid. 3 A-ulale, Lázaro-e-bunmar dulemar-barmisad, adi, Jesúsʼga sogega: “Dummad, dule-nue-be-sabedi, uellemaiye." 4 Jesús, degi-itosgua, sogded: “We-Lázaro-uellemaidi, burgwegarsulid. Bab-Dummad-nug-odummogega we uellemaid. Adi, we-uellemaidgi Bab-Dummad-Machi-e-nug odummolegegar." 5 Dakargua, Jesús, nue-Marta-sabed, e-urba-MarÃa-sabbalid, degine, nue-Lázaro-sabbalid. 6 Ar deyob sabe-inigwele, Jesús Lázaro-uellemaiye-wisgusgu, amba ibabo e-gudiidgine gudii gusad. 7 Geb a-sorba, Jesús e-sapinganga sokalid: âAnmar gannar Judeaʼse namala. 8 E-sapingan ega sogded: âOdurdaked-saila, emichaale JudÃoʼmar akwagi be-makbigusmaladde, degite, be ¿gannar nabarde? 9 Jesús, abin-sogded: âAr neg-ibgined ¿wachi-irambe-gakabo (12) niksursi? Dule neg-ibgi gudiile, geg yoleged. Ar ade, we-napneggined-neg-meegwadba gudiid. 10 Ar dule neg-mutikidgi gudiirdi, yoledo, ar agindi gwallu-meegwad sulid. 11 Jesús deyob-sogsad-sorba, e-sapinganga sogdesunnad: âAnmar-ai-Lázaro gabmaid, odakega an ese naergebed. 12 E-sapingan ega sogdemalad: âDummad, ar Lázaro gabmaile, nuguodo. Degite, ¿ibiga be nabisunna? Mer be nae. 13 Jesús degisogsagusadi, sognaindo: “Lázaro burgwar maiye.” Ar e-sapingandi, gabed-sunnad ega obarye bienad. 14 Geb agi Jesús bakar-buud sogdesunnad: âLázaro burgwis maiye. 15 An Lázaro-walik gudigussulid-ular, an yeer itoged, adi, bemar mer angi bengumalagar. Degisoggu, anmar Lázaroʼse namargwelo. 16 Degi, Tomás, DÃdimoʼye-bimarbalid, e-sordamarga sogdesunnad: âAnmar Jesúsʼba burgwega eba namarmoga. 17 Degi, Jesús Betania-neggweburse nonigu, Lázaro bato ibabakegus neg-uangi diglesmai daknonikid. 18 Betania-neggwebur, Jerusalénʼgi itakaa siid, unnila wachi-abala-nanae-wilub bangu siid. 19 JudÃoʼmar-bukidar, Lázaro-burgwisad-ular, Martaʼse, degi, MarÃaʼse nonigusmalad. Adi, amar-e-gwage baisur-itoge imakegar. 20 Marta, Jesús-daniye-itosgu, e-abin nadegusad. MarÃaʼdi neggi besad. 21 Marta Jesúsʼga sogded: âDummad, be wegi anmar-abargi-gudigusana, an-sus burgwissulinad. 22 Degi-inigwele, an wisbardo, ar ibu Bab-Dummadse be egisele, Bab-Dummad bega ukoed. 23 Jesús, abin-sogded: âBe-sus gannar durguoed. 24 Marta, abin-sogded: âAn wisi, ibagan-berguder, an-sus dulemar-gannar-durguoed-ibagi gannar durguoed. 25 Jesús, abin-sogded: âAni an gannar dule-odurguedid, degi, ani an burba-geg-bergued ukbalidid. Ar dule angi bensulile, ar burgwar-mai-inigwele, gannar durguoed. 26 Bela-dula-gudidimaladi angi bensulile, e-san-burba berguosulid, degisadeguoed. Weyob-an-bega-soged, ¿be bensuli? 27 Marta, Jesús-abin sogded: âDummad, eye, an bensuli. Be, Bab-Dummad-Machid. Be Cristo, we-napnegse-danikoye-soglesgusadid. 28 Marta deyob sogsad-sorbali, e-urba-MarÃaʼse gornaded. Ega arbakee sogdapid: âOdurdaked-saila noniye. Bese gorye. 29 Deyob ega-soge-itosgu, MarÃa yog-gwisguar imaksad. Jesúsʼse nade gusad. 30 Jesús deun amba yoo neggweburse doged, ar bia-Marta-e-abingusadgi amba gudiid. 31 JudÃoʼmar-wis-MarÃa-gwage-baisur-itogega-imakega eba e-neggi-bukmaladi, MarÃa gwae-gwisgus-node-daksamargu, eba nodmarmogad. Amardi binsamalad: “MarÃa neg-uanse nad-dakleye, ase bonad-dakleye." 32 MarÃa, Jesús-siidse-modapgu, Jesús-dakdegu, e-abin sindigar sigdapid, ega sogded: âDummad, be wegi anmar-abargi gudigusana, an-sus burgwissulinad. 33 Jesús, MarÃa-ise-boale dakdegu, degine, JudÃoʼmar-MarÃa-gwage-baisur-itoge-imakega-nonimaladi, ise-boarmarmoga dakdegu, ulubgi nue-nunmak itonadmogad, degi, nue-MarÃa-wile dakded. 34 Jesús MarÃaʼga sogded: â¿Bia bemar Lázaro-digsamala? Jesúsʼga sogdemalad: âDummad, be dage, be dakdage. 35 Degi, Jesús boded. 36 Geb JudÃoʼmar sogdemalad: âNue be dake. Ibiyobi Jesús, nue-Lázaro-sabe. 37 Geb JudÃo-baigan sogdemarmogad: âAr we-Jesús, dule-ibyasulidga ibya egasad. Lázaro-mer-burgwega ibmar imakewilubbinad. 38 Jesús nue-ulubgi-bukib-itodbargu, neg-uanse nonikid. Neg-uandina, akwa-yaa-ollogwadid, e-doged-idu akwa-dummad siid. 39 Jesús dulemarga sogdesunnad: âAkwa-dummad onirmar. Dule-burgwisad-e-bun-Marta, sogded: âDummad, ¿Ibiga akwa be onirbie? Bato ibabakegus diglesad. Degisoggu, bato nun yapanned. 40 Jesús, Marta-abin sogded: â¿An bega sogsasursi? Be angi bensulile, Bab-Dummad-gangued be dakoye. 41 Geb dule-burgwisad-diglesad-dogedgi akwa-dummad-siid onirismalad. Geb degi, Jesús niba-atakdegu, sogded: âBaba, be an-itossoggu dog-nuedye an bega soged. 42 An wisid, be gusgu an-itodaed. Ar we-ibmar-an-sogsadi, dule-an-dikarba-bukwamalad-ular, an sogsad, adi, mer angi bengumalaga bee be an-barmiarye. 43 Jesús deyob-sogsad-sorbali, binnasur goted: â¡Lázaro, magaba be nodage! 44 Lázaro-burgwis-maidi, noargu, bela naga, degine, arganmar morgogi bipirmakale ise-atinnar noalid. Degine, e-wagar ise-morgogi bipirmakarbalid. Jesús dulemarga sogded: âBe Lázaro-esikmar. Nanaega be imakmarsun. 45 JudÃo-bukidar MarÃaʼse-nonigusmaladi, Jesús, gannar-Lázaro-odulosad daksamargu, Jesús-bensuli gunonimalad. 46 Gwenna-gwenna Fariseoʼmarse nadmalad, ega sogdapmalad, igi Jesús Lázaro-odulosa. 47 Degine, dule-irwa-Bab-Dummadse-gormalad-e-dummagan, degi, Fariseoʼmar, igar-itogega dummagan-onmaksad, geb sogdemalad: â¿Igi anmar Jesús-imakmaloe? Ar emide, Jesús ibmar-wilubgan-imakledisulid bukidar imakdiid. 48 Anmar we-Jesús ibmar-dakledisulid-imakdii imakele, bela eba nagudmaloed. Geb degi, Roma-dummagan nonimaloed, anmar-Bab-Dummadse-goled-neg, degi, anmar-yar osulononimaloed. 49 JudÃo-dummad-wargwen, Caifásʼye-nugadi, a-birgagi dule-irwa-Bab-Dummadse-gormalad-bur-dummadga maid. A e-sordamarga sogded: âBemar aku-itomalad. 50 Ar bemar magar itosurmalad. Bela dulemar-anar dule-wargwen-burgwed bur nabirid, adi, melle bela dulemar-we-yargi-bukmalad obelolegegar. 51 We-Caifás-ibmar-sogsadi, na wargwen e-itolegedba ibmar sogsasulid. Ar ade, a-birgagi dule-irwa-Bab-Dummadse-gormalad-bur-dummadsoggu, iduakwaa sogsad: “Jesús bela JudÃo-dulemar-anar burgoye." 52 Jesús unnila JudÃo-dulemar-anarbi burgosulid. Bela Bab-Dummad-mimmigan-aisakis-bukmalad-danakwaa-urbega burgwebaloed. 53 Degisoggu, JudÃo-dummagan, a-iba-akale Jesús-oburgwemaloye sogsamardo. 54 Degisoggu, Jesús JudÃoʼmar-abargi bar gudii gussulid. Agala, Judea-yargi nodegusad, nega-dulesulid-dikarba, neggwebur-EfraÃnʼye-nugadse, naded. Jesús a-neggweburgi e-sapinganmala megidapsunnad. 55 Deun, JudÃoʼmar-Oburgwilegoenad-Iba-onoleged bato omosad. Degisoggu, bukidar neggwebur-baid-baidginmalad san-swilidik-imakmalaga Jerusalénʼse iduakwasaar nonimalad. 56 A-dulemar Bab-Dummadse-goled-neggi-bukmargu, Jesús-amiarmalad, na muchub-muchub egisnanai guarmalad: “Be dakgua, ¿Jesús ibase noniko be insae?" 57 Dule-irwa-Bab-Dummadse-gormalad-e-dummagan, degi, Fariseoʼmar, igar uksamalad. “Dule bia-Jesús-gudiid wisgunonikile, sogmaloye,” adi, Jesús-ganamalagarye.