2 Crónicas 18

1 Josafat ibmar-nuegan-bukidar nikusad, degi, nug-dummarba megisad. Josafat, Rey-Acab-e-sisgwa-nikunonikidba Acabʼba nagunonikid. 2 Geb degine, birgamar-nasad-sorba, Josafat, Samaria-neggweburse Acab-daknad gusad. Agi, Acab, Josafatʼga, degi, e-bardakmaladga sibad-wawaad-bukidar, degi, moli-bebe-nikad-bukidar oburgwisad. Agine, Acab, Josafat-binsaed gasad, eba Ramot-De-Galaad-neggweburse bila-ononaegar. 3 Degi, Israel-rey-Acab, Judá-rey-Josafatʼse egichided: â¿An Ramot-De-Galaadʼse bila-ononaye-sogele, be anba nadmogale? Josafat, Acab-abin sogded: âAn guakwagwa, degi, an-sordamar guakwamogad. Anmar beba bila-ononamarmogoed. 4 Degi-inigwele, anmar naoed-iduale, bin be Bab-Jehováʼse-idakgwerdo. 5 Degisoggu, Israel-rey-Acab, Bab-Dummad-gayaburba-barsogmalad-dulataled-ilabake-merguedse (400) gochad, geb ese egichided: â¿Anmar Ramot-De-Galaadʼse bila-ononaoe, ononaosuli? Bab-Dummad-gayaburba-barsogmalad Acab-abin sogdemalad: âBe bila-ononae. Ar ade, Bab-Dummad bega amar-urmakoed. 6 Degi-inigwele, Josafatʼdi, sogded: â¿Bab-Jehová-gayaburba-barsoged-baid wegi gudisuli? Adi, anmar ase idakbaligar. 7 Israel-e-rey, Josafat-abin sogded: âWegi, dule-wargwen amba gudiid. A-dule, Bab-Jehováʼse sunna anmarga idaked. Degi-inigwele, we-dule an-isdaradid, ar anga igar-nued gwen sogdasulid. Ibmar-isganabi anga sogdaed. We-dule, Micaíasʼdo, Imla-e-machi. Rey-Josafat, Rey-Acab-abin sogded: âMelle deyob be soge. 8 Degidgine, Israel-e-rey e-sorda-dummad-wargwense-gocha ega sogded: âImla-machi-Micaías anga nidago. 9 Israel-e-rey, degi, Judá-rey-Josafat, Samaria-neggwebur-dogedgi e-rey-ganmargi na simalad, deginbali, e-reymor-yoi-yoi simarbalid. A-reymar-ebogwad-asabinni, Bab-Dummad-gayaburba-barsogmaladi, Bab-igar-barsognanai guarmalad. 10 Degi, Quenaana-machi-Sedequías, moli-bebeyob esgoro sobsad. Sedequías sogded: âWeyob Bab-Jehová soged: ‘We-moli-bebeyobidgine, bemar Siria-sordamar-obelogedse imakoye.’ 11 Bela Bab-Dummad-gayaburba-barsogmalad weyob sogbukmarmogad: âRamot-De-Galaadʼse be bila-ononae, ar ade Bab-Jehová a-dulemargi nakwega bemar-imakoed. 12 Geb degine, dule Micaíasʼse-gorapid, Micaíasʼga sogded: âMicaías, be dakena. Bela Bab-Dummad-gayaburba-barsogmalad balibi reyga ibmar-nueganbi sognonimalad. Degisoggu, amar-sogeyob be ibmar-nueganbi an sogbi be-abemogo. 13 Geb degine, Micaías sogded: âBab-Jehová-Dula-Maid-nuggi inniki an bega sogdo, a-anga-ibmar-sogoedba, an reyga ibmar sogmogoed. Geb degi, Micaías reyse nadsunnad. 14 Rey geb ega sogded: âMicaías, ¿Anmar Ramot-De-Galaadʼse bila-ononaoe, ononaosuli? Micaías abin-sogded: âAr be namardo. Ar Bab-Dummad be-bendakmalosoggu, be nakwemaloed. 15 Rey ega sogded: âAr ilabigwa-wilub an bega ise-sogar saergebe, be anga nue-napira ise-sogar Bab-Jehová-nuggi be imakye. 16 Agine, Micaías abin-sogded: âBela Israel-dulemar yar-imbaba duurmakmamai an daksad. Igi sibad-wawaad, e-akwedsuli yogasaar gudidae, deyobi Israel-dulemar gudidinanaed. Degi, Bab-Jehová sogded: ‘We-dulemar dummad-sate gudidimalad. Degisoggu, nuedgi e-neg-e-negse namarsunno.’ 17 Israel-rey-Acab, Josafatʼga sogded: â¿Nue be daksa, igi an bega sogsa? We-dule ibmar-nued anga sogdasurye. Ibmar-isganabi anga sogdaed. 18 Geb degine, Micaías sogdebalid: âBab-Jehová-e-gayaburba nue be itomar: Bab-Jehová e-rey-gangi-sii an daksad. E-sordagan-nibarmalad e-argan-nuedsik-bukwa, degi, e-argan-sapiledsik-bukwa an daksabalid. 19 Geb degi, Bab-Jehová amarse egichided: ‘¿Doa Israel-rey-Acab-e-binsaed-ganaoe, adi, Ramot-De-Galaadʼse bila-ononaega, agi Acab burgwega?’ “Degi, burba-gwensak ibmar-sognaigualid, degi, baiddi akar sogdemogad. 20 Degidgine, burba-gwensak Bab-Jehová-asabin gwisgunonikid, ega sogded: ‘Ani an e-binsaed-ganaoe.’ “Degi, Bab-Jehová ega sogded: ‘¿Igi be imakoe?’ 21 “Degi, burba abin-sogded: ‘An naogu, burba-gakansaedga an guodo. Bela-Bab-Dummad-gayaburba-barsogmalad-gakansaega an imakoed.’ “Geb Bab-Jehová abin-sogded: ‘Deyob be imaknado. Be e-binsaed-gaoed.’ 22 “A-ulale, emidi, Bab-Jehová, burba-gakansaed bela Bab-Dummad-gayaburba-barsogmalad-gakansaega imaksad. Ar ade, Bab-Jehová sogsad, be-obelogoye." 23 Quenaana-machi-Sedequías, deyob-itosgua, Micaíasʼse nonikid, geb wagargi bibyosad, degi, ega sogded: â¿Igi be soge? ¿Bab-Dummad-Burba bar angi maisursunde? ¿Begarbi bega sunmaksaye be sogsunde? 24 Micaías abin-sogded: âWe-ibmar an bega sogsad gunonikile, magar be itononikoed nue-nabir-dakleye. A-ibagi be dukudii gudoed. 25 Agi geb Israel-e-rey igar-ukded, weyob sogded: âMicaías be gamalo, saila-Amón-neggwebur-dakmaidse be sedmalo, degi, an-machi-Joásʼse be sedmarbalo. 26 Ega be sogmalo, rey wegii sogye: ‘Esgaryagi be Micaías-metoye. An nuedgi gannar aibiroedsega, unnila maduginbi be ogunmaloye, degi, diiginbi-ogobmarbaloye.’ 27 Micaías sogded: âAr gannar nued be aibilisale, degirdi, Bab-Jehová anga sunmaksasurdo. Degi, sogdebalid: âBela an-ibmar-sogsad nue be ebinsamalo. 28 Geb degine, Israel-e-rey, Judá-rey-Josafatʼbo, Ramot-De-Galaadʼse nadmarsunnad. 29 Degi, Israel-rey-Acab Josafatʼga sogded: âAn-wagar-mer-daklegega mor-baid-yoi bila-onolenaidse an dogoed. Bedi reymor-yoi be dogoed. Degisoggu, Israel-e-rey baid-mor-yoi, bila-onolenaidse dogdesunnad. 30 Siria-e-reydi e-sorda-ur-napagined-dakmalad-dummaganga igar-uksad: “Unnila Israel-e-reybobi be urwemalo. Dule-bamaladsedi, mer be achamalo. Dule-dummaddibe, dule-yogasaleddibe, mer ese be achamalo." 31 Ur-napagined-dakmalad-dummagan Josafat-daksamargu, binsadmalad: “We, Israel-e-rey.” Degisoggu, Josafat-ebilis ambikusmalad, egi gwichigunonikid. Geb degi, Josafat Bab-Jehováʼse sabsur-gotegu, Bab-Jehová, Josafat-bendaknonikid. Bab-Dummad Siria-sordamar Josafatʼgi-banguega imaksad. 32 Ur-napagined-dakmalad-e-dummagan, Israel-e-reysuli Josafat-daksamargua, bar ese achassurmalad. 33 Degi-inigwele, sorda-gwensak yogasaar sigu-mechargu, Israel-e-reygi yolenonikid, e-urwed-mor-yoid-imbaba gwisgunonikid. Degi, Israel-rey-Acab dule-e-ur-napagined-seedga sogded: “Be aibire, neg-olloledsik be anga nae, bela-bela an nue-nailikgusad." 34 A-ibagine, ululeged baligannos-naisoggu, Israel-e-rey e-ur-yagi gwisgussunnad. Deyob, Siria-sordamar-dakgwichi neg-osedosad. Dad-argwategu, Israel-e-rey-Acab burgwisad.