KÖLFEL 14

¹ Ekewe mi umwes ra ekieki lon leluker, “Esap wor Kot.” Ir ra fokun ngau, ra föri sokun föför mi anioput, esap wor eman a föri mine a pwüng.

² Ewe Samol mi Lapalap a nenetiu seni läng won aramas meinisin, pwe epwe küna ika a wor eman mi mirit, ika eman mi kütta Kot.

³ Nge ir meinisin ra tokola, ir ra ingaueppök. Esap wor eman a föri mine a pwüng, esap fokun wor eman.

⁴ Ewe Samol mi Lapalap a ais, “Ifa usun, esap wor än ekewe chon föföringau mirit? Ir chokewe mi manau seni mine ra soläni seni nei aramas, nge resap iotek ngeniei.”

⁵ Nge mürin repwe nom lon niuokus watte, pun Kot a nom ren ekewe aramas mi pwüng.

⁶ Ekewe chon föföringau ra pinei än ewe chon wöüngau akot, nge ewe Samol mi Lapalap an lenien op.

⁷ Amwo eman epwe feito seni Sion o amanaua chon Israel. Ekewe chon Israel repwe fokun pwapwa, lupwen ewe Samol mi Lapalap epwe aliwini ngeniir wöür.