Romanos 3

1 Itsiya aga aÆtalai’e’ma, aÆmi’ma: “Ja’ni ȽanDios tepenufila’ iÆne lan xanuc’ petsi aiquiÆtaic’ quiÆseña jiÆpe liÆpixic’, illanc’ ninc’ijudío ¿te quipenic’ iÆe laÆseña? ¿Te xonca lapi’inga’ ȽanDios?" 2 Iya’ camihuo’: ȽanDios acueca’ lapi’iponga’ illanc’ ninc’ijudío, xonca acueca’ laÆpaxneponga’. Ate’a ummenc’ipola’ litaiqui’ laÆtatahueló ti’eÆe cuenna. 3 Ƚinca hualca iÆniya ipai’i’moÆtsi liÆpicuejma’, aiquilihuequi. ¿Te co’iya? ¿Te ja’ni ȽanDios linespa: “IÆne aiquilihuequi, iya’ jouc’a capai’i’ma iÆe laitaiqui’ laicupa”? 4 A’i. ToÆta’a aimi’iya mi’iya. Tama jahuay tipai’itsoÆtsi liÆpicuejma’, tifelÆaiqueÆe, ȽanDios a’i toÆta’a li’ejma’. IÆque aimipai’iya litaiqui’ licupa. ToÆta’a loya’apa al Paxi LiniÆingiya tuya’e’: Tixinintso’ ma ac’a lofcuapa. Lan xanuc’ nonespá: “A’ij Æijca lo’epa ȽanDios”, tomuc’i’mola’ iÆniya a’ij Æijca lo’epa, tolij’mola’. 5 O, ¿te aÆmi’ma: “Illanc’ ma maÆ‘eyi al xujc’a, ja’ni toÆta’a xonca i’húaqui ac’a li’ejma’ ȽanDios, ¿te calixtuc’ocoyaconga’ iÆque? ¿Te caÆteÆ‘micoyaconga’? A’ijc’a lipicuejma’ ȽanDios. Aimi’ay al Æijca”? (Laifnespa toÆta’a capalay ma to anuli naihuejpa quituca’ lipicuejma’.) 6 A’i. ToÆta’a aimi’iya maÆnesyacu. Ja’ni coÆa’ a’ij Æijca lo’epa ȽanDios coÆa’ aimi’iya mu’iyacola’ lan xanuc’ ja’ni ac’a o a’ijc’a lo’epa iÆniya. CoÆa’ aimi’iya miteÆ‘miyacola’. 7 O ima’ tocua: “Iya’ laifelÆaiqueya ti’ay canic’. Ma cafelÆaique tixim’me a’ij toÆta’a lipicuejma’ ȽanDios. Tixim’me ituca’ iÆque lipicuejma’. IÆque aimifelÆaique, tinesqui ma’ al Æinca. TijouÆa’, ¿te co’icopa aimetenÆma iÆe laif’epa quixcay? ¿Te calacani’ecoya?" 8 Ja’ni toÆta’a laÆnespa najmay jouc’a aÆnesle: “AÆ‘eÆe nixpiya, toÆta’a tipammaispa al c’a”. Ƚinca hualca aÆnesconga’ ticuayi: “Pablo y liÆejmale toÆe toÆe lonespa”. A’i toÆta’a laÆcuapa. Pe laÆnescoponga’ toÆta’a iÆne quiÆtuca’ tecani’eyoÆtsi. 9 Itsiya, ¿te co’iya? ¿Te illanc’ ninc’ijudío ȽanDios xonca limetsaiconga’ to ninc’ic’a xanuc’? A’i. Joupa aÆcuapá: Ja’ni ninc’ijudío, ja’ni a’ij judío, jahuay ma’ anuli aÆ‘epá quixcay. Aimi’iya malunÆu’eyacoÆtsi. 10 ToÆta’a ticua al Paxi LiniÆingiya loya’apa: ¿Te tipa’a anuli cal xans aÆijca lipicuejma’? A’i, ailopa’a ni’ anuli. 11 Ma’ anuli aimicuec’eyi, ma’ anuli aimehueyi ȽanDios. 12 Jahuay enajpoÆtsi, aimihuejyi ȽanDios, ma’ anuli ejac’pola’. Ma’ anuli ailopa’a cal c’a quipicuejma’. 13 LiÆco ti’onÆcospa to liÆpu’hua camizhua lexiya, jiÆpe tipamma ma le’a al xujc’a. ToÆta’a liÆtaiqui’ lopalaipa iÆniya. ȽiÆpaÆ tinescoyi lixcay liÆf’as xanuc’, tifelÆaiqueyi. MaÆpe liÆco tocomma to emiya lipummaya ÆainofaÆ. 14 Juaiconapa cumla liÆtaiqui’ lopalaipa, ticuajyi lilf’as xanuc’, tecanitsola’. 15 Aimixnet’Æyi, tixtuc’oyi liÆf’as xanuc’, iÆpic’a tima’ahualeÆe. 16 Ni petsi lotseyacu titeÆ‘miyi liÆf’as xanuc’, tipo’noyi cuanuc’la, ti’onÆcospola’ to lecaniya. 17 IÆne ma le’a tixtuleyi, tifuleyi, aiquiÆsina’ ocuena cane, iÆe al c’a. 18 Aimixpaic’eyi ȽanDios ni toÆta’a. 19 ToÆta’a loya’apa litaiqui’ ȽanDios iniÆingiya al je’e pe liniÆiya locuxepa ȽanDios. Joupa aÆsina’ naitsi iÆne lopalaicopola’ ȽanDios, jiÆpe al je’e. Tipalaicola’ ma iÆniya pe lepi’ipola’ iÆta’a quiÆje’e. (Cacua: Illanc’ ninc’ijudío aÆpalaiconga’.) Ailopa’a notalai’e’eya ȽanDios. Aimi’iya micuanajcoyacoÆtsi, ni’ anuli. Aimi’iya maÆcuanajcoyacoÆtsi illanc’ ninc’ijudío, jouc’a aimi’iya micuanajcoyacoÆtsi imanc’ unc’ocuenaye xanuc’. Jahuay naÆmana’ jifa’a li’a Æamats’ tipa’a laÆjunac’. 20 Aimi’iya maÆnesyacu: “Nenant’Æipa locuxepa ȽanDios. IÆque aÆsim’ma ninc’a xans, lapenuf’ma.” A’i. Ailopa’a nonesya toÆta’a. IÆe lataiqui’ loya’apa locuxepa ȽanDios aÆmuc’inga’ te ts’i’ic’ al c’a laÆ‘eyacu. LimetsaicoÆe toÆta’a te ts’i’ic’ laÆ‘epa, iÆe aimi’onÆspa to loya’apa locuxepa ȽanDios. 21 Itsiya, ja’ni aimi’iya malanant’Æiyacu locuxepa ȽanDios, ¿te co’iya? Ja’ni lapenuftsonga’ ȽanDios to ailopa’a caÆjunac’, ¿te caÆ‘eyacu? IÆe laÆ‘eyacu joupa uya’apa lataiqui’ loya’apa locuxepa ȽanDios. Jouc’a uya’a’me lam profeta. Itsiya ȽanDios joupa imujpa xonca al cuajmaica cataiqui’. 22 Petsi no’huaiyijmpá Jesucristo iÆniya liximpola’ ȽanDios to ailopa’a quiÆjunac’, tepenufila’ jahuay iÆniya. Ja’ni ajudío, ja’ni a’ij judío, ma’ anuli ticuicomma ti’huaiyijnle Jesucristo. 23 Jahuay aÆ‘epá quixcay. Ailopa’a cal xans le’a ac’a lipicuejma’. LaÆpicuejma’ aimi’onÆspa to lipicuejma’ ȽanDios, iÆque pangay ac’a lipicuejma’. Jahuay illanc’ lahue’enga’. ToÆiya cacua: Ticuicomma jahuay ma’ anuli aÆ‘huaiyijnle Jesucristo. 24 Illanc’ caÆtuca’ ailopa’a caÆ‘eyacu. Aimi’iya malunÆu’eyacoÆtsi, coÆa’ lacani’e’monga’ ȽanDios. MaÆque ȽanDios acueca’ aÆtoc’iponga’ jahuay illanc’ naÆ‘huaiyijmpá Jesucristo. Lapenufponga’ to ailopa’a caÆjunac’, lunÆu’eponga’. 25 IÆque Jesucristo ma ȽanDios ummepa li’a Æamats’ titsufcoxoxi. Ixcuajaipa lijuats’ tipac’eÆa’ lipoyac’ ȽanDios. ToÆta’a iÆne no’huaiyijnyacu Jesucristo ȽanDios tixim’mola liÆejmale. IÆe litine lixcuajaipa Cristo lijuats’ ȽanDios imuj’ma titeÆ‘mi’mola’ no’epá al xujc’a. Luyaipa quitine ȽanDios ixnet’Æ‘mola’ lan xanuc’ no’epá lixcay. JiÆpe lancruz i’epa al Æijca, iÆic’mipa lajunac’. Jahuay liÆjunac’ lan xanuc’ i’najtsepa Cristo. 26 Iya’ cacua: IÆe li’ipa jiÆpe lancruz aÆmuc’inga’ aÆijca lo’epa ȽanDios. IÆque imuj’moxi to cal Juez nanaic’mipola’ no’epá lixcay. Jouc’a imuj’moxi tepenuf’mola’ jahuay no’huaiyijmpá Jesucristo. Tepenufila’ to ailopa’a quiÆjunac’. Cristo joupa i’najtsepa. 27 Itsiya, ¿te co’iya? ¿Te ja’ni xonca aÆsinyoÆtsi ninc’ic’a xanuc’? A’i. Aimi’iya. ¿Te ja’ni ate’a aÆ‘epá al c’a, lijou’ma ȽanDios lapenufponga’? A’i. Ma le’a aÆ‘huaiyijmpá Jesucristo, toÆta’a lapenufinga’ ȽanDios. 28 Itsiya aÆsina’ te ts’i’ic’ lo’epa ȽanDios. IÆque aimepenufyacola’ lan xanuc’ pe nanant’Æipá locuxepa. Lan xanuc’ aimi’iya menant’Æiyacu. Tepenuf’mola’ petsi no’huaiyijmpá Jesucristo. 29 O ¿ja’ni ȽanDios ma le’a ÆilenDios lan judío? IÆne iÆsina’ te ts’i’ic’ locuxepa. ¿Ja’ni a’i quilenDios locuenaye lan xanuc’? IÆne aiquiÆsina’ te ts’i’ic’ iÆe lataiqui’. AÆinca, ȽanDios ilenDios locuenaye xanuc’ jouc’a. 30 Tipa’a ma le’a anuli ȽanDios. Lan judío, iÆne iÆtaic’ liÆseña jiÆpe liÆpixic’, ja’ni ti’huaiyijnle Jesucristo, ȽanDios tepenuf’mola’. Ma’ anuli locuenaye lan xanuc’ pe ailopa’a quiÆseña, iÆne ja’ni ti’huaiyijnle Jesucristo, ȽanDios tepenuf’mola’ jouc’a. 31 LaÆcuapa toÆta’a, ¿ja’ni latets’iyi locuxepa ȽanDios? A’i. Aimi’iya malatets’iyacu iÆe lataiqui’. IÆe itaiqui’ ȽanDios. Illanc’ maÆ‘huaiyijnyi Jesucristo xonca alimetsaicoyi ac’a locuxepa ȽanDios, xonca lanant’Æiyi.