Romanos 14

1 Petsi aiquiÆcueca litaiqui’ Jesucristo, ja’ni ti’huaiyijnyi tolapenuf’mola’. TijouÆa’ aimoÆnesco’mola’ iÆniya liÆ‘ejma’. Nij naitsi nocuaya: “Aicaipic’a li’ejma’ Æaipima”. 2 Anuli xonca ti’huaiyinge, jahuay tite’ma. Ƚocuena aimicueca, titeja ma le’a itamqui, aimiteja lixic’. 3 IÆque notepa jahuay aimetets’i’ma petsi notepa pangay quitamqui. Notepa pangay quitamqui aiminesco’ma notepa jahuay. Aimines’ma: “IÆque tecani’em’me”. A’i. ȽanDios joupa epenufpa. 4 Ima’ nofnescopa Æopima, ¿naitsi ima? Ima’ a’i quipoujna Æopima. Ma ÆiPoujna tixpic’e ja’ni ti’hua timetsaicoÆa’ o tecani’e’ma. Ƚinca timetsaico’ma. ȽiPoujna ti’hua limane titoc’i’ma, aimecani’eyacoxi. 5 Anuli Æapima ticua: “Acueca’ litine iÆta’a, iya’ aica’eya canic’”. Ƚocuena ticua: “A’i, ma’ anuli jahuay Æitiné”. IÆque ti’e’ma canic’. Iya’ cacua: Anuli anuli, quituca’ quituca’, tixpic’eÆa’ lipicuejma’ lo’eya. TijouÆa’ ti’eÆa’. 6 Ƚapima nocuapa: “Acueca’ litine iÆta’a, aica’eya canic’”, iÆque ipic’a tetenÆcocoÆa’ ȽanDios. Ƚocuena nocuapa: “Ma’ anuli jahuay Æitiné, ca’eta canic’”, iÆque jouc’a ipic’a tetenÆcocoÆa’ ȽanDios. Ƚapima notepa jahuay ipic’a tetenÆcocoÆa’ ȽanDios, toÆta’a joupa ix’najtsi’ipa ȽanDios. Ƚocuena notepa pangay quitamqui jouc’a ipic’a tetenÆcocoÆa’ ȽanDios, jouc’a ix’najtsi’ipa ȽanDios. 7 MaÆmana’ fa’a li’a Æamats’ aimaÆcuxeyoÆtsi caÆtuca’. AimaÆspic’eyi ja’ni ti’hua aÆmaf’i’me o ja’ni aÆma’monga’. 8 Ja’ni ts’aÆmaf’i’ ÆaÆPoujna lapi’inga’ laÆpitine. Ja’ni aÆmatsonga’ ma’ anuli ÆaÆPoujna tixpic’e iÆe laÆ‘iyaconga’. Ma’ anuli maÆmana’ i’huexi ÆaÆPoujna. 9 ToÆta’a aÆmuc’iponga’ iÆe li’ipa Cristo. IÆque imapa, imaf’inapa, toÆta’a i’ipa iÆPoujna limanapola’ jouc’a ts’iÆmaf’i’. Jahuay ticuxela’. 10 Ima’, ¿te cofnescocopa Æopima? Tocua: “Tecani’em’me”. Ima’, ¿te cofmetets’icopa Æopima? Anuli toÆcuaita pu’hua pe lopa’a ȽanDios cal Cuecaj Juez. JiÆpiya jahuay lacaxhuoÆaita. 11 ToÆta’a tuya’e’ al Paxi LiniÆingiya. Ticua ȽanDios: Ma’ aÆinca iya’ NanDios, aimaf’i’. Iya’ cacua: Laxc’onÆingoÆai’ma jahuay lan xanuc’. Jahuay aÆmi’ma: “Ma’ ima’ manDios”. 12 IÆe lataiqui’ aÆmuc’inga’ te ts’i’ic’ laÆ‘iyaconga’ anuli anuli illanc’. Ima’ cotuca’, iya’ caituca’ aÆtalai’eta ȽanDios. 13 Itsiya aimaÆnescocona’mola’ laÆpimaye. Aimalahuelojncona’mola’ te ts’i’ic’ liÆ‘ejma’. Najmay tolahuelojntsoÆtsi coÆtuca’ loÆ‘ejma’. ToÆspic’eÆe nulemma toÆtoc’itsola’ loÆpimaye. AimoÆ‘e’mola’ muc’uiyacola’. 14 Aixina’ jahuay ti’i’ma aÆte’me ja’ni Jesús aÆPoujna, ja’ni iÆque joupa alapenufponga’. Ƚapima petsi aimicueca iÆta’a, iÆque nocuapa: “IÆe ixcay. ȽanDios aimalapi’i lane. Aimi’iya cateja”, ne’, aimite’ma. 15 Ima’ toteja jahuay, tijouÆa’ Æopima tixhueÆco’ma, ticua: “IÆe ixcay, ¿te cotecopa iÆque?” Ja’ni toÆta’a lo’iya ima’ Æinca aimo’ay capic’a Æopima. Cristo icupoxi, imacopa tunÆu’etsi Æopima jouc’a. TijouÆa’, ¿te ima’ tatets’i’ma? Tote’ma, tijouÆa’ iÆque Æopima to’e’e’ma coyac’. Aimihuejconaya, tecani’e’moxi. A’i. Aimo’e’ma toÆta’a. 16 Ƚinca ima’ xonca to’huaiyinge ȽanDios, toÆta’a jahuay toteja. Ma le’a camihuo’: Ja’ni Æopima tixim’mo’ a’ijca lo’ejma’ moteja jahuay, najmay aimote’ma iÆe petsi aimetenÆcocojma Æopima. 17 ȽanDios cal Rey aimicuis’eyacola’ lixanuc’ te ts’i’ic’ Æitepa, lixnapa. IÆque timetsaicola’ iÆne ixanuc’ petsi no’epá al c’a, petsi aimifuleyi, petsi cal Espíritu Santo tixoc’ila’ quileta. 18 Ja’ni toÆta’a comihuequi ÆoPoujna Cristo, Æinca ȽanDios tetenÆcocojma lo’ejma’. Lan xanuc’ jouc’a tixim’mo’ ac’a lof’epa. 19 ToÆiya, aÆpo’noÆe laÆpicuejma’ aimaÆ‘e’eyacola’ coyac’ laÆpimaye. AÆtoc’i’mola’ tihuejle Jesucristo. 20 Ima’ ts’opic’a toteÆa’ jahuay, to’nujuaitsola’ lopimaye. ȽanDios joupa ifa’epola’ iÆne liÆpicuejma’, ¿te ima’ tomints’e’mola’? Ailopa’a quixcay ÆaÆtepa. Jahuay ti’i’ma aÆte’me. Ja’ni Æoftepa aimetenÆcocojma Æopima, ja’ni toc’uilitsuf’e’ma iÆque, jiÆpe Æinca ȽanDios tixina ixcay iÆquiya Æoftepa. 21 Ƚoftepa lixic’ o lofxnapa vino, o lof’epa, ja’ni toÆta’a toc’uilitsuf’e’ma Æopima, najmay aimoxna’ma iÆe al vino ni aimote’ma iÆe lixic’ ni aimo’e’ma to mo’ay. 22 Ima’ oxina’ lof’eya, ja’ni ti’i’ma tote’ma, ja’ni aimi’iya. To’nujuaitsi ȽanDios jouc’a ixina’. Tixoqui meta ima’ ja’ni taimetsaicoyoxi ac’a lof’epa, ja’ni oxina’ tetenÆcocojma ȽanDios. 23 Ƚapima nonesya: “Aicaixina’ ja’ni ti’i’ma o aimi’iya’”, tijouÆa’ tite’ma, Æinca a’ijc’a iÆe lo’epa. Titai’ma lajunac’. Ticuicomma ti’iÆa’ caÆsina’ ja’ni tetenÆcocojma ȽanDios o a’i. Ja’ni aicaÆsina’ najmay aimaÆ‘e’me.