San Mateo 14

1 IÆniya Æitiné Herodes icuejpa lo’epa Jesús. JiÆque Herodes ticuxe jiÆpe Æamats’ Galilea. 2 Timila’ lixanuc’: âIÆque aJuan Bautista. Imaf’inapa, ipanamma pe lomana’ lamizhua. ToÆiya tipa’a limane, ti’ay al cueca’. 3 ToÆta’a licuapa Herodes i’nujuaitsi li’e’epa Juan. IÆque Herodes ilecopa Æi’maxi cuftine Herodías, exic’e’epa Æipima Felipe. Juan Bautista italepa Herodes. Timi: “Ima’ o’epa lixcay. AimoÆmajncona’me anuli ima’ Æaca’no’.” Herodes aits’etenÆcoco’ma iÆiya lines’ma Juan Bautista. Ixtuc’opa, i’noÆpa, ifi’ecopa acadena, i’nicopa lacarza. 5 Ticua: “Cama’a’ma”. Aiquima’e. Tixpaic’ela’ lan xanuc’ aga tixtulecu. Jahuay ticuayi: “Juan aprofeta. ȽanDios ummepa." 6 Ixhuaitsi Æemats’ Herodes i’e’ma juic. JiÆpe efoÆyomma Herodes lijoc’ipola’. Ixou’ma Æi’hua caca’no’ Herodías. Juaiconapa icuaitsi quipic’a Herodes. 7 Icuaj’mipa ȽanDios, epi’ipa cataiqui’, timi Æahuats’: “Itsiya, ¿te caifnepi’iyaco’? AÆsahue’eÆa’." 8 Ƚahuats’ ihuejco’ma qui’máma’ lixc’ai’i’ma, timi: “AÆtai’etsi Æijuac Juan Bautista. Tipo’nof’intsa laxpef’ pime." 9 Herodes ixhueÆconni. ¿Te co’eya? Joupa icuaj’mipa ȽanDios, icupa cataiqui’. Lijoc’ipola’ jouc’a icuejco’me licuaj’mipa. Aimi’iya micuanac’eya Æahuats’. Icuxe’ma ti’enÆe to lixahue’epa Æahuats’. 10 Umme’ma anuli cal soldado pu’hua lacarza tetec’entsa Æejoc’ Juan. 11 Ipo’nof’intsa Æijuac laxpef’ pime, i’hua’anni, uhui’itsi Æahuats’. IÆque itai’ma, uhui’itsi qui’máma’. 12 Icuaiyunca ts’ilihuequi Juan. Itaina’me licuerpo emunatsa. Iye’me u’itsa Jesús. 13 Jesús, licuej’ma li’ipa Juan, if’aj’ma al barco, i’hua’ma petsi ailopa’a quiÆya’ ni cajut’Æ. Aicu’ila’ lan xanuc’. Li’i’ma quiÆsina’ lan xanuc’, iÆne ipalunca ÆiÆpiÆeloÆya’, iye’me liÆ‘mis. Ticuaitsa pe licuaita Jesús. 14 Jesús iquie’ma al cueca’ quin’nuhua’, icuaitsi locuena liju’. Lipanni al barco ixim’mola’ axpela’ lan xanuc’ joupa icuaita jiÆpiya. Ixim’mola’ acuanuc’la. IxaÆ‘mena’mola’ lilefcualÆay. 15 Joupa ummuhuita, ts’ilihuequi Jesús iÆoc’oÆai’me. Timiyi: âJifa’a ailopa’a quiÆya’, ailopa’a cajut’Æ. Joupa ummuhuita. Toxc’ai’itsola’ lan xanuc’. Tomitsola’ tiyenÆe ÆaiquiÆeloÆya’, ti’natsa Æotejacu. 16 Jesús timila’: â¿Te coyecoyacu? Imanc’ toÆtes’mitsola’. 17 IÆniya timiyi: âJifa’a tipa’a ma le’a amaque’ la’í y oquexi’ latuye. 18 Timila’: âToÆ‘hua’anca fa’a. I’hua’a’me. 19 Jesús icuxe’e’mola’ lan xanuc’ ticutsoÆaiÆe Æaiquitamqui. Epef’mola’ lam maque’ la’í, loquexi’ latuye. Ehuelojm’ma al toncay lema’a, ix’najtsi’i’ma ȽanDios. Ixquenuf’mola’ la’í, epi’i’mola’ ts’ilihuequi. Ts’ilihuequi eca’nem’mola’ lan xanuc’. 20 Jahuay itetso’me ixhuaitsola’. Ts’ilihuequi Jesús efot’Æe’me Æaijhualcay Æipanecomma. Ima’ni’me imbama’ coque’ lan tsiquihuit’Æ. 21 IÆniya litetso’me tixhuaispola’ oquej nuxans quimbama’ maxnu lan xanuc’. Jouc’a itetso’me lacaÆ‘no’ jouc’a la’uhuay. 22 AiquicoÆ‘ma. Jesús icuxe’e’mola’ ts’ilihuequi, timila’: âToÆf’ajliÆe al barco. ToÆquieÆe al cuecaj lin’nuhua’. IÆque tipanenni tixc’ai’ila’ lan xanuc’ tiyenÆe Æilejut’Æi. 23 Lijoupa lixc’ai’ipola’ lan xanuc’ Jesús if’aj’ma quituca’ Æijualay, tipalaic’otsi ȽanDios. I’ipa quipuqui’, tipa’a quituca’ jiÆpiya. 24 Ts’ilihuequi noyecopá al barco joupa icuaita aculi’. Ƚamats’ canujnca ailopa’a. Afule mi’hua al barco. Ƚahua’ ti’hua titalecufi. Itsahuemma laja’, ujfxi tipange al barco. 25 LiÆic’ejma icuainatsi jiÆpiya Jesús, ti’huailetsaf’que laja’. 26 Ts’ilihuequi ixim’me mi’huayaf’que laja’. Juaiconapa ixpailij’mola’. Tija’ayi, ticuayi: âIcuaico’ma cal cueca’ quinxpaic’ale. Tija’ayi caxpaiqui’. 27 AiquicoÆ‘ma. Jesús ipalaic’o’mola’, timila’: âAimixpailij’molhuo’. Ma’ iya’. AimoÆsueÆmot’Æe’me. Ailopa’a tintsi. 28 Pedro timi: âMaipoujna, ja’ni aÆinca ima’, aÆmiÆa’: “To’huanni”. Iya’ ca’hua’ma, ca’huailetsaf’la’ laja’, cacuaitsi pe lofpa’a. 29 Jesús timi: âTo’huanni. Pedro emunni al barco, i’huailetsaf’tsi laja’ ticuaitsi pe lopa’a Jesús. 30 Lixim’ma Æahua’ ti’hua juaiconapa ipujfxi, ixpaiconni. Ipango’ma if’acaina’ma laja’. Ija’a’ma, timi Jesús: âMaipoujna, ¡lunÆu’eÆa’! 31 AiquicoÆ‘ma. Jesús i’nij’ma limane, i’noÆ‘ma Pedro, timi: âIma’ le’a ahuata aÆ‘huaiyinge. ¿Te qui’ico’po’ a’ij nuli lopicuejma’? 32 Jesús jouc’a Pedro if’ajli’me al barco. Ipanenanni Æahua’. 33 IÆne nomana’ al barco exc’onÆingoÆai’me Jesús, timiyi: âIma’ ma’ i’Hua ȽanDios. 34 Ti’hua tiquieyi al cueca’ lin’nuhua’. Icuaitsa Æamats’ Genesaret. 35 IÆne lun Genesaret imetsaico’me Jesús, ummem’mola’ lilepaluc’ tiyeÆe ni petsi jiÆpiya Æamats’, tuya’atsa joupa icuai’ma Jesús. Licuej’me toÆta’a lan xanuc’ icuai’enca jahuay lilefcualÆay. 36 Ixa’hue’me ma le’a tiÆafc’eÆe Æema lipijahua’ lafcualÆay. Jahuay niÆafc’e’me ixaÆcona’mola’.