San Juan 8

1 Jesús i’hua’ma Æijuala cuftine Ƚijuala Olivo. 2 Li’ipa quitine ipaiconanni, i’huacona’ma al cuecaj xoute’. JiÆpiya jahuay lan xanuc’ tefot’ÆeyoÆtsi. Jesús icutshuai’ma timuc’iyale’ma. 3 Mimuc’iyale Jesús icuaita jiÆpiya lomxiye nomuc’iyalepá locuxepa ȽanDios jouc’a lam fariseo. IÆÆejma anuli Æaca’no’. Iximpá Æaca’no’ tunahuoÆanna cal xans, iÆque a’i quipe’ailli’. Ecaxu’me Æaca’no’ nolojmay lan xanuc’ noquimf’epá mimuc’iyale Jesús. 4 Timiyi Jesús: âMomxi, joupa aÆsimpola’ tunahuoÆanna. Cal xans a’i quipe’ailli’. 5 Litaiqui’ Moisés, iÆe loya’apa locuxepa ȽanDios, maÆe lataiqui’ aÆcuxe’enga’ aÆma’acotsola’ apic lacaÆ‘no’ no’epá toÆta’a. Ima’, ¿te cofcuaya? ¿Te caÆ‘e’eyacu iÆca’a Æaca’no’? 6 IÆne tehuaiyi Jesús. IÆpic’a tinesla’: “AimonÆ‘e’me iÆe locuxepa Moisés”. TijouÆa’ ticuxeco’me. Jesús ic’omai’ma. IniÆco’ma lidedo Æamats’. 7 IÆniya ihui’i’me, icuis’mot’Æe’me. Jesús ecaxna’ma Æijca, timila’: âAnuli imanc’ ja’ni ailopa’a quijunac’, ne’, ate’a teca’niÆa’ Æapic. 8 Lijou’ma ic’omaicona’ma, iniÆcona’ma Æamats’. 9 Lan xanuc’, iÆne ts’iÆÆejma Æaca’no’, imetsaico’moÆtsi jouc’a iÆtaic’ liÆjunac’. Anuli anuli iyena’me. Ate’a i’huana’ma xonca Æitojpa xans, lijou’ma ipalnanca anuli anuli, ijouco’ma ts’atesca quemats’. Jesús Æaca’no’ imanenca quiÆtuca’. Ƚaca’no’ ti’hua tecaxu jiÆpiya. 10 Jesús ecaxcona’ma Æijca, ehuelojm’ma Æaca’no’ tecaxu quituca’. Timi: âMaca’no’, ¿te qui’ipola’ iÆne lan xanuc’? Joupa iyenapá. ¿Nij naitsi nitac’uipo’ cajunac’? ¿Nij naitsi nicufpo’ tima’antso’? 11 IÆque timi: âMai’ailli’, nij naitsi. Jesús timi: âIya’ jouc’a aicatac’uiyaco’ cajunac’. Iya’ aicacua: Tima’antso’. To’huanÆa’. Aimo’econna quixcay. 12 Jesús imuc’icona’mola’ lan xanuc’, timila’: âFa’a li’a Æamats’ iya’ Nepalc’o’. Capalc’o’ila’ iÆniya nalihuejpa, iÆne tipa’a liÆpitine aimijouya. IÆniya liÆpicuejma’ aimi’iconaya muf, ticuec’e’me, ti’e’me al c’a. 13 Lam fariseo timiyi: âIma’ tonescoyoxi cotuca’. A’ij Æinca lofnespa. 14 Timila’: âTama canescoyoxi ma canesqui al Æinca. Iya’ aixina’ pe lai’huayomma, aixina’ pe laiftseya. Imanc’ aicoÆsina’ pe lai’huayomma, aicoÆsina’ pe laiftseya. 15 Imanc’ ma coÆtuca’ toÆtac’uila’ lajunac’ loÆf’as xanuc’, toÆspic’eyi ja’ni ac’a ja’ni a’ijc’a lo’epa. Iya’ aicatac’uila’ cajunac’. 16 Ja’ni catac’uiÆa’ lajunac’ ma aÆijca iÆe laif’eya. Iya’ a’i caituca’ caxpic’e. Illanc’ ma’ anuli aÆspic’eyi iya’ cai’Ailli’, iÆque Ƚalummepa. 17 ‘Litaiqui’ ȽanDios locuxepa ticua: “Oquexi’ lan xanuc’, ja’ni ma’ anuli lonespa, ne’, tapenufla’ iÆe locuapa”. 18 Iya’ canescoyoxi. Jouc’a cai’Ailli’ iÆque Ƚalummepa, ma’ anuli aÆnesma. 19 Timiyi: â¿Pe copa’a co’ailli’? Timila’: âImanc’ aicalimetsaijma naitsi iya’. Jouc’a aicolimetsaijma cai’Ailli’. Ja’ni limetsaijma iya’, jouc’a cai’Ailli’ tolimetsaico’me. 20 ToÆiya licuapa Jesús mipa’a al cuecaj xoute’, mimuc’iyale. Ticutsuya liju’ al caxax pe latoj’mimpá al tomí. Nij naitsi ni’noÆpa Jesús. Aiquicuaiya li’hora. 21 U’icona’mola’, timila’: âCa’huana’ma. Imanc’ lahue’ma. Timaco’molhuo’ coÆtaic’ loÆjunac’. Iya’ caituca’ ca’hua’ma, aimi’iya maÆeyacu anuli. 22 Lan xanuc’ judío ticuayi: â¿Te conescopa: “Iya’ caituca’ ca’hua’ma, aimi’iya maÆeyacu anuli”? ¿Ja’ni tima’a’moxi? 23 Jesús ti’hua tipalaic’ola’, timila’: âIya’ cai’huayomma al toncay. Imanc’ conÆouyomma al ‘ocay. LoÆpitine, fa’a li’a Æamats’ ipangoyopa. Iya’ a’i. 24 Joupa aimipolhuo’: Timaco’molhuo’ coÆtaic’ loÆjunac’. Joupa aimipolhuo’ naitsi iya’. Aimolapenufi iÆe laifnescopoxi. Ma’ aimolapenufi iÆe laifpalaicopoxi, oÆtaic’ loÆjunac’, toÆta’a timaco’molhuo’. 25 Icuis’e’me, timiyi: â¿Naitsi ima’? Jesús timila’: âJoupa aimipolhuo’. Joupa oÆsina’. 26 Tipa’a axpe’ laifpalaicoyacolhuo’ imanc’. Aiximpolhuo’ a’ijc’a lonÆ‘epa. Cai’Ailli’, iÆque Ƚalummepa, aimifelÆaique, tinesqui mane al Æinca. IÆe lalu’ipa iya’ cu’iyale fa’a li’a Æamats’. 27 IÆniya aiquiÆcueca Jesús lipalaicopa ȽanDios qui’Ailli’. 28 Jesús timila’: âIya’ iÆque cal Xans Ƚiximpa cal profeta pu’hua lema’a. TijouÆa’ aÆ‘nof’enaÆa’ imanc’ limetsaico’ma naitsi iya’. Limetsaico’ma ma to joupa ainescopoxi iya’. Ti’i’ma coÆsina’ te ts’i’ic’ laipicuejma’. Iya’ caituca’ aicaxpic’e laif’eya. JiÆe laÆmuc’ipa cai’Ailli’, maÆe cu’ilhuo’. 29 AÆejmale anuli iya’ y ȽaÆummepa. Iya’ ti’hua ca’ay latenÆcocopa iÆque. ToÆta’a aicaÆpo’nohuo caituca’. 30 Miquimf’eyi lan judío, axpela’ iÆniya ticuayi: âAl Æinca locuapa iÆque. ¡Lihuej’me! 31 Jesús ipalaic’o’mola’ iÆne lan xanuc’ judío no’huaiyijmpá, timila’: âJa’ni laitaiqui’ tipanenni loÆpicuejma’ imanc’ lihuejna’ma al c’a. 32 ToÆsim’me al Æinca laitaiqui’, tolihuejco’me. ToÆta’a imanc’ coÆtuca’ toÆcuxe’moÆtsi al c’a. 33 IÆniya timiyi: âIllanc’ inaxque’ ÆaÆtatahuelo Abraham. Aimi’iya maÆcuxeyaconga’. Ailopa’a caÆpoujna. Ima’, ¿te caÆmicoponga’: “Imanc’ coÆtuca’ toÆcuxe’moÆtsi al c’a”? 34 Jesús italai’e’mola’: âIya’ camilhuo’ al Æinca: Cal xans ja’ni ixcay lo’epa iÆe lixcay ticuxe. IÆque cal xans ti’onÆcospa to cal mozo. 35 Cal mozo aimipaneya lejut’Æ Æipoujna. Ƚi’hua Æapoujna, iÆque Æinca tipanehuo. 36 ‘Iya’ i’Hua ȽanDios, ja’ni iya’ cuhuaÆnatsolhuo’ imanc’ Æinca toÆcuxena’moÆtsi al c’a nulemma. 37 Imanc’ toÆcuayi: “Illanc’ inaxque’ ÆaÆtatahuelo Abraham”. Ma’ aixina’ toÆta’a. Itsiya tama imanc’ inaxque’ Abraham tolahueyi te co’iya maÆma’aya. Aimalapenufi iya’ laitaiqui’. 38 Iya’ ma to laÆmuc’ipa cai’Ailli’, toÆta’a cu’ilhuo’. Cu’ilhuo’ ma laiximpa pu’hua pe lopa’a cai’Ailli’. Imanc’ ocuena coÆ‘ailli’. TonÆ‘eyi lomuc’ipolhuo’ iÆque. 39 IÆniya timiyi: âAbraham aÆ‘ailli’. Jesús timila’: âImanc’ ja’ni inaxque’ Abraham, tonÆ‘e’me anuli to li’epa Abraham. 40 Ituca’ loÆ‘ejma’ imanc’. ToÆspic’eyi aÆma’aÆa’, iya’ ninxans cu’ilhuo’ ma le’a al Æinca, iÆe laÆmuc’ipa cai’Ailli’. ToÆe a’i qui’aic’ Abraham. 41 LonÆ‘epa imanc’ ti’onÆcospa to lo’epa coÆ‘ailli’. IÆniya timiyi: âIllanc’ a’i ninc’ahuaic’la. ȽanDios aÆ‘Ailli’. 42 Timila’: âJa’ni ȽanDios oÆ‘Ailli’ imanc’ aÆ‘e’ma capic’a. Iya’ cai’huayomma ȽanDios, aicuai’ma fa’a li’a Æamats’. A’i iya’ caxpic’e caituca’ cacuaiyunni. Cai’Ailli’ lummepa. 43 Imanc’ aimi’iya maÆquimf’eya iya’ laitaiqui’, toÆta’a aicoÆcueca iÆe laifpalaic’opolhuo’. 44 Ƚonta’a oÆ‘ailli’. Imanc’ inaxque’. IÆque imanc’ ma’ anuli loÆjanajpa. Lipangopa li’a Æamats’ iÆque inma’ahuale, aiquepenufi al Æinca. Ma to micua lipicuejma’ tipalay pangay mifel’miyale. Ate’a iÆque ifel’miyalepa. Lijou’ma lan xanuc’ tihuejyi li’ejma’, jouc’a ti’hua tifel’miyaleyi. 45 ‘Iya’ cu’ilhuo’ al Æinca. Xonca ticuaispa coÆpic’a lafelÆaiqueya cataiqui’. Aimalapenufi iya’ laitaiqui’. 46 Imanc’, ¿te anuli ti’i’ma aÆtac’ui’ma cajunac’? A’i. Aimi’iya maÆmiya: “Ima’ aÆfel’minga’”. Ja’ni oÆsina’ camilhuo’ al Æinca, ¿te aimalapenufi iya’ laitaiqui’? 47 ‘Cal xans ja’ni i’hua CanDios, iÆque tepenufi lonespa ȽanDios. Imanc’ a’i quinaxque’ ȽanDios, toÆta’a aimi’iya molapenufyacu lonespa. 48 Lan judío timiyi: âIllanc’ joupa aÆnespá ima’ unsamaritano. Itsufaipo’ conta’a. Al Æinca iÆe laÆnescopo’. 49 Timila’: âIya’ a’i caÆtsufaic’ conta’a. Iya’ quihuejma cai’Ailli’. Imanc’ latets’i’. 50 Iya’, ¿te aga cahuay te co’iya maÆnescoya al c’a? A’i toÆta’a lai’ejma’. Ƚinca tipa’a anuli tehuay te co’iya malimetsaicoya lan xanuc’. IÆque ma cal Cuecaj Juez. 51 ‘Iya’ camilhuo’ al Æinca: Cal xans nalihuejcopa iya’ laitaiqui’ iÆque aimimaya nulemma. 52 Lan judío timiyi: âItsiya Æinca aÆsina’ itsufaipo’ conta’a. Joupa imanapa ÆaÆtatahuelo Abraham jouc’a imanapola’ lam profeta. Ima’ tonesqui: “Cal xans nalihuejcopa iya’ laitaiqui’, iÆque aimimaya nulemma”. 53 Ƚinca joupa imanapa Abraham. Ima’, ¿ja’ni xonca uncueca’? Lam profeta imanapola’ jouc’a. ¿Naitsi cof’onÆicopoxi? 54 Timila’: âIya’ ja’ni caituca’ canescoyoxi nincueca’, iÆe laifnescopoxi ailopa’a co’eya. Cai’Ailli’ aÆnescojma al c’a. MaÆque cai’Ailli’ imanc’ toÆpalaicoyi toÆcuayi: “IÆque ÆalanDios”. 55 Imanc’ aicolimetsaijma. Iya’ Æinca nimetsaijma. Aicacua aicainimetsaijma. Ja’ni canesla’ toÆta’a iya’ ca’e’moxi acueca’ ninfeloye, ca’onÆico’moxi to imanc’ unc’ifeloye. Iya’ Æinca nimetsaijma, quihuejma litaiqui’. 56 ȽoÆtatahuelo Abraham ijanajpa juaiconapa aÆsintsoÆtsi fa’a li’a Æamats’. Joupa aÆsimpoÆtsi, ixojma queta Abraham. 57 Lan xanuc’ judío timiyi: âIma’ aiquixhuaiya oquej nuxans quimbama’ Æomemats’. ¿Te qui’ipa loximpa Abraham? 58 Jesús timila’: âIya’ camilhuo’ al Æinca: Ai’a tipajnta Abraham, iya’ capa’a. 59 Lan judío ipef’me lapic’. Tipa’me capic, tima’a’me Jesús. Jesús temiyoxi. Ipanni al cuecaj xoute’. IÆniya aiquixim’me pe quitsecopa.