Santiago 4

1 Imanc’ tolixtuc’oyoÆtsi, toÆfuli’iyoÆtsi, ¿naitsi nomuc’ipolhuo’ toÆta’a? Ƚinca ailopa’a nomuc’ipolhuo’ toÆta’a. Imanc’ coÆtuca’ toÆjanajyi xonca toÆ‘huejle, toÆta’a toÆfuli’iyoÆtsi. 2 Tama acueca’ toÆjanajyi, aimolulijyi iÆe loÆjanajpa. Mijou’ma toÆma’ahualeyi, toÆ‘eyoÆtsi laic’, tolixtuc’oyoÆtsi, toÆfuli’iyoÆtsi. AicoÆsahue’e ȽanDios, toÆta’a aimolulijyi iÆe loÆjanajpa. 3 Imanc’ moÆsahue’e’me aimepi’ilhuo’. AimoÆsahue’eyi al c’a. ȽanDios joupa ixina’ loÆ‘eyacu. Ja’ni tepi’itsolhuo’ loÆsahue’epa toÆsuico’me ma coÆtuca’ ts’oÆpic’a. 4 Imanc’ ti’onÆcospolhuo’ to lacaÆ‘no’, tama namalÆipá tihuejnaiyi xanuc’. Imanc’ oÆpo’nopá ÆoÆpe’Ailli’, iÆque ma ȽanDios. Ma moÆcuayi: “AÆejmaleyi ȽanDios”, toÆjanajyi lopa’a fa’a li’a Æamats’. Jouc’a tolihuejyi coÆtuca’ loÆpicuejma’, to iÆne pe aimimetsaicoyi ȽanDios. Ma toÆfuli’iyi ȽanDios. ¿Te aicoÆsina’ iÆta’a? Cal xans ja’ni tixpic’eÆa’ tihuejla’ to iÆne pe aimimetsaicoyi ȽanDios, ja’ni tixpic’eÆa’ tiyejmaleÆe iÆniya, iÆque ti’ej laic’ ȽanDios, aimi’iya miyejmaleyacu. 5 Al Paxi LiniÆingiya ticua: “Cal Espíritu Santo ÆaÆpo’no’iponga’ ȽanDios jiÆpe Æalunxajma’, iÆque Espíritu aÆ‘enga’ cuenna juaiconapa, aÆsininga’ ma i’huexi ȽanDios”. ¿Te coÆcuapa a’ij Æinca iÆe lataiqui’? O ¿coÆcuapa ma le’a ataiqui’? 6 Ƚinca illanc’ caÆtuca’ aimi’iya malihuejyacu. Ma le’a ȽanDios xonca aÆtoc’inga’, to tuya’e’: “Pe no’nof’e’epoÆtsi, ȽanDios tipa’nela’. Lam manxu, iÆne no’oc’epoÆtsi, ȽanDios titoc’ila’." 7 ToÆiya camilhuo’: ToÆ‘oc’etsoÆtsi, tolihuejcoÆe ȽanDios. ToÆpa’neÆe Æonta’a Satanás, tijouÆa’ tinuna’ma iÆque. Tipo’no’molhuo’ coÆtuca’. 8 Toliâloc’oÆaiÆe ȽanDios, tijouÆa’ iÆque tiÆoc’ai’molhuo’. Imanc’ nonÆ‘epá a’ijc’a aimonÆ‘econa’me toÆta’a. ¡Tolapajle loÆpicuejma’! Ja’ni oque’ loÆpicuejma’, ja’ni loÆspic’epa lixcay jouc’a al Æijca, tonÆ‘eÆe anuli loÆpicuejma’. ToÆta’a ti’i’ma pangay c’a loÆpicuejma’. 9 ToÆsueÆcoÆe juaiconapa, toÆsingufcoÆe loÆpixhuejma’. ToÆjolijle. Tolatec’oÆe iÆe loÆpixojma cata, toÆsingufcoÆe loÆpihuotsoqueya. AimoÆsim’me mafca Æolunxajma’. ToÆsinÆe acueca’ calaic’ata. 10 TonÆ‘oc’etsoÆtsi ȽanDios, tijouÆa’ iÆque ti’nof’e’molhuo’. 11 Cunc’aipimaye, aimoÆnesco’moÆtsi a’ijc’a. Pe nonescopá liÆpimaye o tecani’eyi, iÆne tetets’iyi lataiqui’ laÆcuxeponga’. Ima’ ja’ni tatets’i iÆe lataiqui’ laÆcuxeponga’, aimanant’Æi lataiqui’, joupa o’epoxi unjuez. 12 Tipa’a ma’ anuli ÆaÆJuez, iÆque lapi’iponga’ lataiqui’ laÆcuxeponga’. IÆque ti’i’ma tunÆu’eyale’ma, ti’i’ma tejac’eyale’ma. Ima’ aimi’iya macani’eya Æopima. ¿Te ima’ unjuez? 13 AÆquimf’eÆa’ imanc’ noÆcuapá: “Itsiya o mouqui Æe’me iÆe liÆya’. JiÆpiya aÆmajnta anuli camats’. AÆcucaleta, aÆ‘najualeta, aÆ‘eta canic’. ToÆta’a lulijta caÆtomí." 14 Iya’ camilhuo’: Imanc’ aicoÆsina’ te ts’i’ic’ mi’iya mouqui. ¿Te ts’i’ic’ loÆpitine? Imanc’ ti’onÆcospolhuo’ to Æummahuay. IÆque Æummahuay ti’huaspa ahuata aimicoÆi, tejac’inghua. 15 Ticuicomma toÆcuaÆe: “Ja’ni ȽanDios ÆaÆPoujna ipic’a ti’hua aÆmajnle, aÆ‘e’me iÆe o iÆta’a”. 16 Itsiya ma le’a toÆâlof’e’eyoÆtsi. ToÆiya tuluyalaicoyi lapajnya tixoqui cunlata. A’ijc’a iÆe lonÆ‘ejma’. 17 Camilhuo’: Cal xans ts’ixina’ te ts’i’ic’ al c’a, tijouÆa’ aimi’ay, iÆque tipa’a lijunac’.