Santiago 2

1 Unc’aipimaye, ja’ni tolihuejyi litaiqui’ ÆaÆPoujna Jesucristo, iÆque ma’ anDios, aimolatets’i’mola’ hualca loÆpimaye. Ma’ anuli toÆpalaic’otsola’. 2 Iya’ cacua: Imanc’ ma mefot’ÆeyoÆtsi, ja’ni titsulfoÆaiÆe oquexi’ lan xanuc’, anuli lipuf’c’ihue iÆtaic’ liÆ‘anillo a’oro, juaiconapa ac’a lipijahua’. Ƚocuena ailopa’a qui’hueca. Ijoutsoqui laquipijahua’. 3 ¿Te ts’i’ic’ moÆpalaic’oyacola’? ¿Te ituca’ ituca’ loÆpalaic’oyacola’? IÆque ts’ipo’nohua ac’a lipijahua’, ¿te toÆmi’me: “To’huanni fa’a. TocutshuaiÆa’ al c’a”? TijouÆa’ Æocuena, iÆque pe ailopa’a qui’hueca, ¿te toÆmi’me: “Ima’ tacaxla’ jiÆu’hua, o tocutshuaiÆa’ Æainitas laifpo’nof’ipa lai’mitsi’”? 4 Ƚinca, ja’ni toÆta’a lonÆ‘epa toÆmujyoÆtsi oquej loÆpicuejma’. ToÆta’a tonÆ‘eyoÆtsi to lan juez. Ti’onÆcospolhuo’ to lan juez petsi aimixpic’eyi al c’a, a’ijc’a iÆne liÆpicuejma’. 5 Unc’aipimaye, aÆquimf’eÆa’ laifmiyacolhuo’. ¿Ja’ni aicoÆsina’ naitsi iÆne pe aiquiÆ‘hueca? Fa’a li’a Æamats’, iÆne pe aiquiÆ‘hueca i’huijf’epola’ ȽanDios. IÆque i’huijf’epola’ ti’huaiyijnle. ToÆta’a aÆinca tepenufta quiÆ‘huexi. Tepi’innola’ quiÆmane ticuxeta. ȽanDios joupa icupa cataiqui’ tepi’itola’ toÆta’a iÆne petsi no’epá capic’a. 6 ToÆta’a liximpola’ ȽanDios iÆne pe aiquiÆ‘hueca. Imanc’ a’i toÆta’a moÆsinnila’. JiÆpe lafoÆyom’molhuo’ joupa olatets’ipá pe aiqui’hueca. IÆne pe ts’iÆ‘hueca, ¿te aimicuxenai’ilhuo’? ¿A’i maÆniya texat’Æulhuo’, lo’hua’apolhuo’ jiÆpe pe lopa’a cal juez? 7 Imanc’ joupa ecui’impolhuo’: Ixanuc’ Cristo. IÆe Laftine xonca al c’a. ¿Te iÆne pe ts’iÆ‘hueca aiminescoyi a’ijc’a iÆe Laftine? 8 IÆna’a Æitaiquí ȽanDios ÆaÆcuxe’eponga’, iÆe al cueca’ xonca tuya’e’: “Ima’ to’eyoxi capic’a, ma toÆta’a to’eÆa’ capic’a Æof’as xans, cua naitsi Æoftalecufya”. Ja’ni joupa oÆspic’epá tolanant’Æi’me iÆe lataiqui’, ne’, joupa oÆspic’epá tonÆ‘e’me al c’a. 9 TijouÆa’, ja’ni ituca’ ituca’ toÆpalaic’oco’mola’ lapimaye, a’ijc’a iÆe lonÆ‘eyacu. Aimolihuejyi loya’apa lataiqui’ laÆcuxeponga’. MaÆe lataiqui’ tecani’elhuo’. 10 Ƚinca ticuicomma lihuejcoÆe jahuay lataiqui’ laÆcuxeponga’ ȽanDios. Ja’ni a’i, tama ma le’a anuli lataiqui’ aimalihuejcoyi, tipa’a laÆjunac’. 11 ȽanDios ticuxe: “Aimoxhuico’ma Æipeno Æof’as xans”. Jouc’a ticuxe: “Aimoma’ahuale’ma”. A’i oquexi’ candiosla’ nocuapá toÆta’a. Nonespa ma’ anuli ȽanDios. ToÆta’a, tama aimoxhuijma Æipeno Æof’as xans, ja’ni toma’ahuale aicomihuequi ȽanDios locuxepa. Tipa’a lojunac’. 12 Illanc’ petsi joupa luhuaÆquem’monga’ laÆ‘epa a’ijc’a, jiÆpe Lataiqui’ tipa’a laÆcuxeponga’. MaÆe lataiqui’ timuj’ma ja’ni ac’a o a’ijc’a laÆ‘ejma’. ToÆiya camilhuo’: Ja’ni toÆpalaiÆe, ja’ni tonÆ‘eÆe, ti’iÆa’ to locuxe’epolhuo’ iÆe Lataiqui’. 13 IÆne pe aimixiñyi cuanuc’, acueca’ titeÆ‘minnola’. Petsi tixiñyi cuanuc’ tuyaicota al c’a. 14 Cunc’aipimaye, ja’ni cal xans tinesla’: “Ca’huaiyinge ȽanDios”, tijouÆa’ aimihuejma, ¿te quipenic’ iÆe linespa? ¿Te iÆque cal xans tunÆu’ma ts’i’ejma’ toÆta’a? IÆque ma le’a ataiqui’ ti’huaiyinge. 15 Iya’ cacua: Ja’ni anuli imanc’ tipalaic’oÆa’ al c’a Æapima axans o aca’no’ pe ailopa’a quipijahua’ ni coteja, ja’ni timiÆa’: “Ne’, to’huanÆa’, aimoxhueÆmot’Æecona’ma. Toxmainatsi afunca, totetsotsi al c’a”, tijouÆa’ aimepi’i’, aimitoc’i muyaijma lapajnya. ¿Te quipenic’ iÆe limipa? 17 Ma’ anuli loÆ‘huaiyijmpa ȽanDios. Ja’ni ma le’a toÆcuayi: “Ca’huaiyinge”, tijouÆa’ aimolihuejyi, ¿te quipenic’ iÆe loÆnespa “ca’huaiyinge”? IÆe loÆnespa tocomma to imac’ cataiqui’. Aimipammaispa. 18 Ja’ni toÆta’a loÆ‘ejma’ ti’i’ma timim’molhuo’: “Ima’ to’huaiyinge, iya’ quihuejma. Ne’, tama ailopa’a cof’epa al c’a, aÆmuc’iÆa’ lof’huaiyijmpa. TijouÆa’ iya’ camuc’i’mo’ laifnihuejcopa. ToÆta’a aÆsim’ma ca’huaiyinge." 19 Ima’ tonesqui: “Aixina’ tipa’a ma’ anuli ȽanDios, iÆque ca’huaiyinge”. Ne’. Ma’ ac’a iÆe lofnespa. Jouc’a lontahue iÆsina’ toÆta’a. IÆne tiyula’ tixpailiquila’. 20 Ima’ conxans, tocomma ailopa’a copicuejma’. Ja’ni ma tocua: “Ca’huaiyinge”, tijouÆa’ aimaihuejma, iÆe lof’huaiyijmpa ailopa’a quipenic’. Aimitoc’iyaco’. ¿Te aicoxina’ iÆta’a? 21 ¿Te qui’ipa ÆaÆtatahuelo Abraham? ¿Ja’ni iÆque ma le’a ines’ma: “Ca’huaiyinge ȽanDios”? ¿ToÆta’a ȽanDios iximpa to ailopa’a quijunac’, epenufpa? A’i. Abraham jouc’a i’epa al c’a. Ihuejcopa ȽanDios limipa. Ƚi’hua cuftine Isaac, ipo’nof’ipa jiÆpe al altar, titsufcoÆa’ ȽanDios. 22 JiÆpe toxina li’ipa: Ma mi’huaiyinge ȽanDios, Abraham ihuejcopa. I’epa to limipa. ToÆta’a iÆinc’ipa linespa. Imujpa ti’huaiyinge ȽanDios. 23 ToÆta’a enanÆpa al Paxi LiniÆingiya loya’apa: “Abraham i’huaiyijmpa ȽanDios, toÆta’a iximpa to ailopa’a quijunac’, epenufpa”. ToÆiya Abraham ecui’impa: “Ts’iÆejmale ȽanDios”. 24 ToÆta’a toÆsinyi te ts’i’ic’ li’ejma’ cal xans pe ȽanDios tixim’ma to ailopa’a quijunac’, tepenuf’ma. IÆque cal xans a’i ma le’a ticua: “Ca’huaiyinge ȽanDios”. Jouc’a tihuejma, ti’e’ma ma locuxe’empa. 25 Ma’ anuli li’ipa Æaca’no’ Rahab, iÆque titejyoxi licuerpo. IÆque jouc’a i’epa al c’a. Epenuf’mola’ loquexi’ lan xanuc’, iÆne icuaitsa tehuelojnle fa’a Æalamats’. Lijou’ma ummena’mola’ tiyenÆe ocuenaj cane. Aimixim’me iÆne no’ehualepá laic’. ȽanDios imetsaicopa iÆe li’epa Rahab. Iximpa to ailopa’a quijunac’, epenufpa. 26 Al cuerpo, ja’ni ailopa’a quipitine, joupa imac’. Ailopa’a co’epa. Ma’ anuli iÆne ni’huaiyijmpá pe nonespá: “Ca’huaiyinge ȽanDios”, tijouÆa’ aimihuejcoyi. IÆe lonespa tocomma imac’ cataiqui’.