Gálatas 6

1 Unc’aipimaye, ja’ni oÆsimpá anuli Æapima nixpiya lo’epa, imanc’ petsi onlihuejcopá cal Espíritu Santo, toÆpalaic’oÆe, toÆmuc’iconÆe al c’a cane. ToÆnanc’oÆe. ToÆpo’noÆe cuenna anuli anuli. Aga tehuaiyim’molhuo’ jouc’a. 2 Maluyalaicoyi lapajnya tocomma aÆtaiyi acumta caitay. Camilhuo’: ToÆtoc’itsoÆtsi. ToÆtac’huetsoÆtsi Æolitay. ToÆta’a aÆinca tonÆ‘e’me locuxe’epolhuo’ Cristo. 3 Petsi nonescopoxi: “Iya’ xonca limetsaicoÆa’”, ja’ni iÆque ninaitsi xans, ma le’a tifel’miyoxi. 4 Anuli anuli timetsaicoxoxi te ts’i’ic’ lo’epa. ToÆta’a ti’i’ma tixoc’i’moxi queta quituca’ li’epa. Ti’onÆi’moxi quituca’, aimi’onÆicoyacoxi locuenaye. 5 Ƚinca fa’a lapajnya anuli anuli tipa’a litaic’. IÆe quituca’ titai’ma. Ocuena aimi’iya. 6 Cua naitsi mimuxejma Lataiqui’ titoc’iÆa’ Æipomxi. Ja’ni tipa’a al c’a li’hueca tepi’iÆa’ jouc’a. 7 Imanc’ coÆtuca’ aimoÆfel’mi’moÆtsi. IÆe lofapa cal xans, maÆe tefot’Æe’ma. Aimi’iya malatets’iyacu ȽanDios lixpic’epa. 8 Petsi no’epá lojanajpa quiÆtuca’ liÆcuerpo, tefot’Æe’me, tulij’me ma le’a lamaya. ToÆta’a tipammaispa al cuerpo. Petsi no’epá lojanajpa cal Espíritu Santo, iÆne tefot’Æe’me, tulij’me liÆpitine aimijouya. 9 AimaÆsojtonga’. Ti’hua aÆ‘eÆe ma le’a al c’a. Ja’ni aimaÆtafquemmonga’, ticuaiyunni litine lixpic’epa ȽanDios, lafot’Æe’me, lulij’me al c’a. 10 ToÆiya iya’ camilhuo’: Itsiya tocomma to litine cafaya. AÆ‘eÆe al c’a. AÆtoc’itsola’ jahuay laÆf’as xanuc’. Xonca aÆtoc’itsola’ laÆpimaye no’huaiyijmpá Jesucristo. 11 ¡ToÆsinÆe laipinila! Ƚinca atsila’ iÆna’a quiniÆi iya’ caituca’. 12 Iya’ aicahuay te co’iya metenÆcocoyacola’ lan xanuc’. IÆne petsi locuxenai’ipolhuo’ toÆ‘etsoÆtsi circuncidar, iÆne iÆpic’a tetenÆcocotsola’ lan xanuc’. IÆne noxc’ai’ipolhuo’ toÆta’a iÆpic’a tuyalaicoÆe al c’a, aimihuetsoquim’mola’. Ja’ni tuya’aÆe: “Ma le’a toÆ‘huaiyijnle Jesucristo”, iÆne iÆsina’ tixtuc’om’mola’ liÆf’as xanuc’ judío. ToÆta’a ti’ninc’iyi lataiqui’, tuya’ayi: “Jouc’a tonÆ‘etsoÆtsi circuncidar”. 13 Ni iÆne no’epoÆtsi circuncidar aimihuejcoyi jahuay locuxepa Moisés. IÆne mane iÆpic’a tinesle: “¡ToÆsinÆe! IÆne joupa lihuejcoponga’ illanc’ laÆcuxe’epola’. Joupa i’empola’ circuncidar. I’empola’ quiÆseña jiÆpe liÆpixic’.” ToÆta’a tixoc’i’moÆtsi quileta. 14 Iya’ aimi’iya quixoc’iyacoxi toÆiya. Ma le’a tixoj’ma neta li’epa Cristo jiÆpe lancruz. IÆta’a li’a Æamats’ jouc’a jahuay lopa’a, caxina jouc’a epaÆts’ingimpá jiÆpe lancruz. Ma’ anuli iya’ lapaÆts’ingimpa, joupa aÆma’ayompa jiÆpe lancruz. Lopa’a li’a Æamats’ ailopa’a caÆ‘e’eya, aicajanaca iÆiya. 15 Ƚinca, ja’ni joupa i’empolhuo’ circuncidar o aiqui’ennilhuo’ circuncidar, ¿te co’iya? Xonca ticuicomma tepi’intsolhuo’ al ts’e coÆpicuejma’. 16 Pe naihuejcopá iÆe lataiqui’, tipac’e’etsola’ liÆpicuejma’ ȽanDios, tixintsola’ acuanuc’la. Ma iÆne ti’onÆcospola’ to lun Israel. IÆniya al Æinca ixanuc’ ȽanDios. 17 Lipangopa itsiya aimaÆsueÆ‘micona’ma. Ma’ iya’, a’i iÆne locuenaye xanuc’, jifa’a laicuerpo aitaic’ Æainepelot’Æa’. IÆna’a tuya’ayi ma Jesús aiPoujna, iÆque lummepa. 18 Cunc’aipimaye, titoc’itsolhuo’ ÆaÆPoujna Jesucristo. ToÆsingufle iÆque lopaxnepolhuo’ jiÆpe Æolunxajma’. ToÆta’a ti’iÆa’. Amén.