Colosenses 3

1 Imanc’, ja’ni ȽanDios joupa imaf’i’inapolhuo’ anuli Cristo tolahueÆe lapi’inyacolhuo’, iÆe lopa’a lema’a. JiÆpe tipa’a Cristo ticutsuya al c’a camane ȽanDios. 2 ToÆ‘nujuaisle lopa’a lema’a, a’i lopa’a fa’a li’a Æamats’. 3 Imanc’ moÆmana’ a’i to li’ipa. Joupa imapolhuo’, i’ipa ats’e loÆpitine. JiÆpe pe lopa’a ȽanDios tipa’a Cristo imaf’i’. Ma to iÆque lipitine, toÆta’a loÆpitine. Ƚinca itsiya aicoÆsina’ nulemma te ts’i’ic’ iÆe loÆpitine. Tocomma emiya. 4 MaÆque Cristo aÆpitine. Litine timujxoxi Cristo, imanc’ jouc’a jahuay lixanuc’ toÆmuj’moÆtsi. JiÆpe litine aÆinca tixinnim’me acuajmaica te ts’i’ic’ iÆe laÆpitine. AÆsim’monga’ joupa i’epa pangay c’a laÆpicuejma’. AÆ‘onÆcotonga’ to Cristo. 5 ToÆiya, ma moÆmana’ fa’a li’a Æamats’ toÆ‘e’moÆtsi cuenna. IÆiya loÆcuerpo toÆcuxeÆe. Tihuejcotsolhuo’ loÆmane’, loÆ‘mitsi’, jahuay iÆe loÆcuerpo. Camilhuo’: Aimolahue’mola’ cacaÆ‘no’, aimoÆ‘e’me al xujc’a, aimolahuelojm’mola’ lacaÆ‘no’ moÆsuico’mola’, aimoÆjanaj’me lixcay, aimoÆ‘e’moÆtsi to iÆniya petsi aimicuayacu: “Joupa tipa’a”. IÆne ma ti’hua tehueyi xonca. Ja’ni toÆta’a loÆ‘ejma’ ȽanDios ti’onÆicolhuo’ to iÆniya naihuejpá locuenaye candiosla’. 6 Petsi toÆta’a liÆ‘ejma’ ȽanDios tixtuc’ola’, titeÆ‘mila’. 7 Li’ipa ailopa’a al ts’e loÆpitine, imanc’ tonÆ‘eyi toÆna’a. ToÆta’a tonluyalaicoyi lapajnya. 8 Itsiya toÆpo’noÆe loÆpicuejma’, aimonÆ‘econa’me to li’ipa, aimolixtutsai’me, aimolixtule’me, aimolahue’me monÆ‘e’mola’ quixcay loÆf’as xanuc’, aimoÆnesco’mola’ a’ijc’a, aimoÆnesc’e’e’mola’ cataiqui’, aimi’i’ma toÆta’a loÆnesyacu. 9 AimoÆfel’mi’moÆtsi. Imanc’ aimi’iya moÆ‘onÆicoyacoÆtsi to li’ipa. Joupa oÆpo’nopá lafane coÆpicuejma’. OÆpo’nopá li’ejma’ iÆiya. 10 Joupa oÆspic’epá tolihuejle al ts’e loÆpicuejma’. IÆiya loÆpicuejma’ ti’hua tilajmna’ma. TijouÆa’ ti’onÆcota to lipicuejma’ ȽanDios. IÆque Nolanc’enapa al ts’e loÆpicuejma’. ToÆta’a iÆiya laÆpicuejma’ aimehue’eya. ȽanDios lipicuejma’ aimehue’e’. ToÆta’a ti’i’ma illanc’ laÆpicuejma’ aimalahue’eyaconga’. 11 IÆne petsi tipa’a al ts’e liÆpicuejma’, aiminesyacu: “Iya’ ninjudío, iÆque a’i. IÆque agriego, ninaitsi xans.” Aiminesyacu: “Iya’ joupa aÆ‘empa circuncidar, iÆque a’i. IÆque ȽanDios aimepenufya.” Aiminesyacu: “IÆque aiquimuxejma”; o “IÆque xonca atonno”; o “IÆque amozo, i’huexi Æipoujna”; o “IÆque ailopa’a quipoujna, quituca’ ticuxeyoxi”. IÆne petsi al ts’e liÆpicuejma’ tixim’moÆtsi ma’ anuli. Xonca ti’nujuaisyi Cristo, iÆque Æepenufpola’ jahuay iÆniya ja’ni ti’huaiyijnyi. 12 Imanc’ joupa i’huijf’epolhuo’ ȽanDios. Imanc’ i’huexi iÆque, ti’elhuo’ capic’a. ToÆiya toÆsintsola’ to acuanuc’la loÆpimaye, toÆpalaic’otsola’ al c’a, aimoÆ‘e’e’moÆtsi tsila’, aimoÆ‘nof’e’e’moÆtsi. ToÆsnet’ÆÆe lo’epolhuo’. 13 Aimolixtuc’o’moÆtsi. Ja’ni a’ijc’a li’epolhuo’, tolimenc’e’eco’moÆtsi. ȽaÆPoujna joupa imenc’e’ecopolhuo’ lonÆ‘epa, ma’ anuli tolimenc’e’eco’moÆtsi. 14 MonÆ‘eyi jahuay toÆna’a jouc’a tonÆ‘etsoltsi capic’a ma to mi’eyi lapimaye. ToÆta’a lonÆ‘epa al c’a tetenÆcoco’ma ȽanDios. Ja’ni aimoÆ‘eyacoÆtsi capic’a tixim’molhuo’ to tehue’elhuo’. 15 ȽanDios ijoc’icopolhuo’ tipac’e’etsolhuo’ loÆpicuejma’ Cristo. Camilhuo’: ToÆmajncoÆe toÆta’a. MaÆta’a lipic’a ȽanDios. Ijoc’ipolhuo’ ti’itsolhuo’ to anuli cal xans. Ti’onÆcotsolhuo’ to anuli al cuerpo. Jouc’a toÆs’najtsi’iÆe ȽanDios. 16 Anuli anuli toÆ‘nujuaisle litaiqui’ Jesucristo. Tolihuejle jahuay. ToÆta’a tepi’im’molhuo’ loÆpicuejma’ toÆmuc’i’moÆtsi. ToÆsc’ai’itsoÆtsi ti’iÆa’ ac’a lonÆ‘eyacu. ToÆpalaic’ocotsoÆtsi lan salmo, lan himno, lan alabanza. Imanc’ tolapenufyi lotoc’ipolhuo’ Cristo. ToÆiya jiÆpe Æolunxajma’ tolunac’co’me ȽanDios. 17 Ja’ni toÆpalaiyi, ja’ni tonÆ‘eyi canic’, jahuay lonÆ‘epa, ma monÆ‘eyi toÆ‘nujuaisle ÆaÆPoujna Jesús lipuftine. ToÆs’najtsi’iÆe ȽanDios caÆ‘Ailli’. IÆque tepenufta loÆs’najtsi’ipa, toÆ‘huaiyijnyi Jesús. 18 Imanc’ unc’apenoye, tolihuejcotsola’ loÆpe’aillí. ToÆta’a ticuicomma lonÆ‘eyacu imanc’ noÆ‘huaiyijmpá ÆaÆPoujna. 19 Imanc’ unc’ape’aillí, tonÆ‘etsola’ capic’a loÆpenoye. AimoÆcuxenai’mola’. 20 Imanc’ unc’a’uhuay, tolihuejcotsola’ loÆ‘aillí. TonÆ‘eÆe jahuay loxc’ai’ipolhuo’. ToÆta’a tetenÆma, imanc’ noÆ‘huaiyijmpá ÆaÆPoujna. 21 Imanc’ unc’a’aillí, aimoÆsc’ai’ot’Æi’mola’ juaiconapa loÆnaxque’. Ja’ni toÆsc’ai’ot’Æitsola’ aimixnet’Æyacu. Titafquecola’. 22 Imanc’ unc’imozó tolihuejcotsola’ jahuay loxc’ai’ipolhuo’ loÆpoujnalá nomana’ fa’a li’a Æamats’. AimoÆ‘onÆico’moÆtsi to lan xanuc’ petsi oque’ liÆpicuejma’. IÆne ti’e’me canic’ ma le’a mehuelongila’ ÆiÆpoujna. TijouÆa’ aimi’econayi. ToÆspaic’eÆe ȽanDios. ToÆta’a aimoÆfel’miyacola’ loÆpoujnalá. 23 Jahuay lonÆ‘eyacu tixoj’ma cunlata tonÆ‘eÆe. ToÆ‘nujuaitsa ma molihuejcola’ loÆpoujnalá, iÆne axanuc’, xonca tolihuejcoyi ÆaÆPoujna. 24 Imanc’ joupa oÆsina’ ti’najtsetolhuo’ ÆaÆPoujna. IÆque tepi’itolhuo’ al Æijca, tepi’itolhuo’ coÆ‘huexi. Imanc’, ma Cristo oÆPoujna, tolihuejcoÆe iÆque. 25 ToÆ‘nujuaitsa: IÆne pe no’epá a’ij Æijca jouc’a tipa’a lapi’inyacola’. Ma to li’epa ma toÆta’a tepi’innola’ quiÆjunac’. ȽanDios tixinnila’ ma’ anuli jahuay. IÆne lapoujnalá, ja’ni a’ijc’a lo’epa, jouc’a tepi’innola’ quiÆjunac’.