2 Pedro 2

1 Li’ipa pe limajmpá lan xanuc’ Israel jouc’a imajmpá locuenaye profeta. IÆne a’i cummela’ ȽanDios, mane infel’miyale. Pe loÆmana’ imanc’ jouc’a ti’i’ma toÆta’a. Ticuaicu lomxiye ts’iÆpic’a tifel’mitsolhuo’. Timuc’i’molhuo’ ituca’ cataiqui’, iÆe mane tejac’eyale. IÆne tetets’iyi ÆiÆPoujna, iÆque joupa i’najtsepa liÆjunac’. ToÆta’a tejac’eyoÆtsi. Litine mejac’eyacola’ aimicoÆya. 2 Ƚinca, axpela’ tihuej’me. Ti’e’me nixpiya to lo’epa iÆne linfel’miyale. ToÆta’a tinesc’em’me al Ƚinca Cane. 3 IÆne lomxiye mane iÆpic’a tulijle quiÆtomí. QuiÆtuca’ liÆpicuejma’ tipa’a’me lataiqui’ lopalaiyacu, coÆa’ tifel’mitsolhuo’. Ƚinca, axpe’ camats’ ti’hua ticue iÆe loteÆ‘miyacola’. Tama ticoÆi ma ti’huaijma. TijouÆa’ tecani’e’mola’ nulemma. 4 Cacua: Tecani’e’mola’. Ƚinca ni quimenc’e’econnila’ lapaluc’ quema’a, ni’epá quixcay. Ecajm’mimpola’ al pu’hua al muf. JiÆpe i’huequimpola’ ticuaitsi litine titeÆ‘mim’mola’. 5 Jouc’a a’i cunÆu’e li’a Æamats’ li’ipa al te’a. Ni quimenc’e’ecola’ li’epa lan xanuc’ limajmpá. Ma le’a unÆu’e’mola’ apaico lan xanuc’. Anuli Noé jouc’a locuenaye lan caitsi. IÆque Noé uya’a’ma: “ȽanDios aÆijca lo’epa”. Locuenaye lan xanuc’ pe aimihuejcoyi ȽanDios, iÆne ima’a’mola’ laja’, litine licui’ma Æaxpaiqui’ cacui. 6 Jouc’a ecani’e’mola’ ÆiÆeloÆya’ Sodoma y Gomorra. Ipi’e’mola’ nulemma. Ipanenni ma le’a api’. JiÆpe tama joupa i’ipa, ma ti’hua timuqui te ts’i’ic’ lo’iyacola’ iÆne petsi aimihuejcoyi ȽanDios. 7 Ƚinca, unÆupa Lot. IÆque ac’a xans, iximpa ipime lapajnya jiÆpe liÆya’ petsi nixpiya lo’epa lan xanuc’ pe aimihuejcoyi locuxepa ȽanDios. 8 Lot aÆijca xans, mipa’a liÆya’ Sodoma itine itine iximpola’ lo’epa lan xanuc’ pe aimihuejcoyi ȽanDios. Iquimf’e’mola’ lonespa. IÆque al c’a lipicuejma’ aimetenÆma loximpa, loquimf’epa. Tocomma to quituca’ titeÆ‘miyoxi. 9 IÆiya li’ipa aÆmuc’inga’ te ts’i’ic’ li’ejma’ ÆaÆPoujna. IÆque ixina’ lo’eya. Pe nohuejcopá, tama tehuaiyingila’, tunÆu’e’mola’. Locuenaye pe a’ij Æijca lo’epa, ituca’ lo’iyacola’. IÆniya ti’huequila’ miteÆcoyi, ti’huaicoyi ticuaitsi litine timitsola’ te ts’i’ic’ lo’iyacola’. 10 Pe a’ij Æijca lo’epa, iÆne no’epá ma lojanajpa lafane capicuejma’, tixis’meyoÆtsi toÆta’a, tetets’innila’ lincuxepá nomana’ lema’a, xonca titeÆ‘mi’mola’. IÆne lixcay xanuc’ aimixpailiquila’, ma quiÆtuca’ tixpic’eyi liÆpicuejma’. Tetets’innila’ lan tsila’ lapaluc’ quema’a. Tinescoyi a’ijc’a. 11 Lapaluc’ quema’a, iÆne xonca lan tsila’ juaiconapa, tama xonca acueca’ liÆpujfxi, aimicufquinnila’ iÆniya no’epá quixcay. Aimija’ayi, aimu’iyi ȽanDios, aimimiyi: “ToÆta’a, toÆta’a lo’epa iÆne lan xanuc’”. 12 IÆne lixcay xanuc’ aimicuec’eyi. Ti’onÆcospola’ to linneja petsi ailopa’a quiÆpicuejma’. Imajnlicota ti’noÆintsola’ tima’antsola’. IÆne tama aiquiÆsina’ lonescopa ti’hua tipalaicoyi, tetets’iyi. Ma mi’eyi iÆta’a lixcay tecani’em’mola’ nulemma. 13 ToÆta’a lolijyacu. Ti’najtse’em’mola’ iÆne pe a’ij Æijca lo’epa. IÆne ma tetenÆcocoyoÆtsi quiÆtuca’. Mane tehueyi lopa’a fa’a li’a Æamats’, iÆe aimicoÆya, ti’hua tijou’ma. AiquiÆsina’ calaic’ata, tama infel’miyale. Tixoqui quileta titsuflai’me pe loÆmana’. ToÆtetso’me anuli jiÆpe loÆjuic. IÆne ma le’a tixis’meco’molhuo’, timints’e’e’molhuo’ loÆjuic. 14 Tehuelaifinnila’ lacaÆ‘no’. Ja’ni aimetenÆma ȽanDios ti’hua ti’eyi toÆta’a, aimixospola’. Tifel’minnila’ petsi a’i quifayiya liÆpicuejma’. Aimicuayi: “Joupa ixhuaita”. Ti’hua tijanajconayi. Ihueyipá toÆta’a liÆ‘ejma’. ȽanDios joupa icuajpola’. 15 IÆne joupa enajpoÆtsi al Ƚijca Cane, ejac’pola’. Tihuejyi li’ejma’ Balaam i’hua Beor. IÆque ticua: “Aiquihuejcoya ȽanDios. ToÆta’a culij’ma caitomí. AÆ‘najtse’ma." 16 IÆque ma’ aimihuejma ȽanDios italempa, imuc’im’me a’ijc’a li’ejma’. Ƚiburro, inneja aimi’iya mipalaiya, ipalai’ma to cal xans. ToÆta’a etequenni lipemac’ta cal profeta Balaam. 17 Pe naihuejpá li’ejma’ Balaam ti’onÆcospola’ to al pu’hua caja’ joupa ijuÆpa. Ti’onÆcospola’ to Æummahuay ti’hua tinulyi mi’hua Æahua’ juaiconapa. IÆque Æummahuay aimicui’e. Joupa ilanc’empa petsi locuaiyacu iÆne lan xanuc’. JiÆpe ailopa’a quepalc’o’, pangay muf. 18 LiÆtaiqui’ lopalaipá iÆniya atsila’ juaiconapa. Aimi’iya muhuaÆc’enyacu. Tifel’miyaleyi, tu’iyaleyi: “Ailopa’a tintsi. IÆe nixpiya loÆjanajpa, ne’, tonÆ‘e’me.” ToÆta’a timinnila’ tifel’minnila’ iÆne petsi al quite’ enajpoÆtsi liÆf’as xanuc’ laimenajpola’. 19 Lomxiye nocuapá: “Tolihuejle laÆtaiqui’. ToÆta’a aimi’iya micuxenyacolhuo’”, a’ij Æinca iÆta’a lonespa. MaÆniya aimicuxeyoÆtsi quiÆtuca’. Mane tihuejcoyi lixcay lopa’a jiÆpe liÆpicuejma’, iÆe ticuxela’. Cal xans pe joupa uliquimpa ti’onÆcospa to cal mozo. IÆe locuxepa tocomma to ipoujna. ToÆta’a cacua: AimicuxeyoÆtsi iÆne. 20 Petsi joupa imetsaicopá ÆaÆPoujna Jesucristo ȽalunÆu’eponga’, joupa enajpoÆtsi lixcay lopa’a fa’a li’a Æamats’, ticuicomma ti’hua tihuejle al c’a. Ja’ni titsuflaiconaÆe lixcay cane, ja’ni tulijconatsola’ nulemma iÆta’a lixcay, acueca’ a’ijc’a lo’iyacola’. Ƚinca, tama al te’a a’ijc’a lo’iyacola’, itsiya xonca acueca’ lo’iyacola’. 21 IÆne coÆa’ aiquilimetsaijma al C’a Cane. ToÆta’a aij tine lo’iyacola’. IÆne ma’ imetsaicopá iÆe Lane, lijoupa ipailinamma. Etets’ipá al Paxi Cataiqui’ locuxepola’, iÆe li’ipa lepenufpa. 22 Li’ipola’ to minesqui lataiqui’, ti’onÆcospola’ to: “Cal tsiqui joupa icuaicona’ma petsi linajhuo’ma, titeconghua”. Jouc’a tuya’e’: “Ƚijna mijou’ma mepo’im’me timelfaiconghua Æixitsqui”. Ma’ al Æinca loya’apa iÆe lataiqui’.