2 Corintios 5

1 MaÆmana’ fa’a li’a Æamats’ laÆcuerpo ti’onÆcospa to anuli calx’huijma’, jiÆpe lopanc’epa ÆaÆ‘espíritu. Ma meteÆquenahuo iÆque Æix’huijma’ tipa’a lejut’Æ ÆaÆ‘espíritu, iÆe lalapi’iyaconga’ ȽanDios. IÆe lajut’Æ lopa’a pu’hua lema’a, aiquiÆÆanc’e lan xanuc’. Aimi’iya meteÆc’eya. 2 JiÆpe laÆpicuejma’ aÆsina’ aÆinca tipa’a iÆe lalajut’Æ. ToÆiya ma maÆmana’ fa’a laÆs’huijma’, ÆaÆ‘espíritu afule mixnet’Æqui, aimicua mi’huaicoya teteÆquenni iÆe Æix’huijma’, ipic’a ma’ itsiya titsufainatsi lejut’Æ. 3 Ti’iÆa’ toÆta’a, ÆaÆ‘espíritu aimi’hualejma quituca’. JiÆpe lejut’Æ titsufainata, tipajnta tijauhuamlaicoya. 4 Ƚinca mipa’a ÆaÆ‘espíritu fa’a laÆcuerpo afule maÆsnet’Æyi, aÆsinyi ipime laÆ‘iyaconga’. AÆcuayi: “AimeteÆquehuo iÆe laicuerpo. AimicoÆ‘ma quituca’ Æai’espíritu, titsufaiÆa’ nulemma locuena lejut’Æ.” Ti’iÆa’ toÆta’a aimaÆmaconayaconga’, ti’hua caÆmaf’i’. 5 Ne’. Aixina’ aÆmaf’icona’me. ȽanDios ilanc’e’epa laÆpicuejma’, lapenuftonga’. Lapi’iponga’ cal Espíritu Santo, toÆta’a aÆmuc’iponga’ aÆinca aÆmaf’i’inatonga’. 6 ToÆiya tixoqui calata luyalaicoyi lapajnya. Ƚinca mipa’a ÆaÆ‘espíritu fa’a Æix’huijma’, iÆe laÆcuerpo, aÆsina’ lahue’enga’, aicaÆÆaitsufconga’ ÆaÆPoujna Jesús. 7 MaÆmana’ fa’a aimalahuelojnyi te ts’i’ic’ mipa’a pu’huanni. Ma’ aÆ‘eyi Æinca lataiqui’ lalu’iponga’. ToÆta’a luyalaicoyi lapajnya. 8 Cacua: AÆ‘eyi Æinca lataiqui’ lalu’iponga’. Juaiconapa aÆjanajyi aÆpo’noÆe laÆcuerpo, aÆmajntsa anuli ÆaÆPoujna. 9 ToÆiya aÆspic’eyi aÆ‘eÆe al c’a. TetenÆcocoÆa’ ÆaÆPoujna iÆe laÆ‘ejma’. Ja’ni aÆmana’ fa’a li’a lamats’, ja’ni joupa aÆenapá lu’itsonga’ ÆaÆPoujna: “Ac’a lo’ejma’”. 10 Jahuay aÆcuainata pe lopa’a Cristo, iÆque aÆJuez. JiÆpe Æinca ti’huájta acuajmaica te ts’i’ic’ laÆpicuejma’, laÆ‘ejma’. Ti’huájta te ts’i’ic’ li’ipa laÆ‘epa anuli anuli maÆmana’ fa’a li’a Æamats’, mipa’a ÆaÆ‘espíritu fa’a Æix’huijma’, iÆe laÆcuerpo. Ma to laÆ‘epá, ja’ni ac’a o ja’ni a’ijc’a, toÆta’a aÆ‘najtse’etonga’. 11 Illanc’ lihuejcoyi ÆaÆPoujna. AÆspic’eyi aÆ‘eÆe al c’a, limetsaicotsonga’ laÆf’as xanuc’, ti’iÆa’ quiÆsina’ aÆinca aÆ‘eyi iÆe lanic’ lalapi’iponga’ ȽanDios. MaÆque ȽanDios joupa limetsaiconga’, ixina’ te ts’i’ic’ laÆpicuejma’. Iya’ cacua: Jouc’a imanc’ aÆsininga’, limetsaiconga’. 12 Itsiya, ¿ja’ni ti’hua lu’icona’molhuo’: “Illanc’ aÆ‘eyi lanic’ lalapi’iponga’ ÆaÆPoujna”? A’i. Ma’ aÆpic’a tixoj’ma cunlata tolu’iyale’me: “Pablo jouc’a liÆejmale aÆpomxiye”. ToÆta’a toÆnes’me ja’ni limetsaico’monga’ illanc’ lummeponga’ ȽanDios. Jouc’a ti’i’ma toÆtalai’e’mola’ iÆne naihuejpá li’huáquila’ xonca tetenÆcocola’. IÆne aimipo’noyi cuenna te ts’i’ic’ Æunxajma’. 13 Tama aÆnesconga’, ticuayi: “IÆque Pablo tipalay to Æamac’ta”, o ticuayi: “Pablo tocomma acueca’ quipicuejma’”; iya’ cacua: ¿Te co’iya? Ja’ni tocomma to ninc’amac’ta illanc’, toÆta’a aÆ‘eyi lanic’ lalapi’iponga’ ȽanDios. Ja’ni tocomma to acueca’ laÆpicuejma’ lalapi’iponga’ ȽanDios, toÆta’a aÆmuc’ilhuo’ imanc’. 14 AÆ‘nujuaisyi li’epa Cristo. IÆque aÆsimponga’ ninc’icuanuc’la, icupoxi tima’anÆe. MaÆ‘nujuaisyi iÆta’a aimi’iya maÆ‘eyacu lalatenÆcocoyaconga’. Joupa itsufaipa laÆpicuejma’ te ts’i’ic’ li’ipa iÆque Cristo. Limanapa Cristo iÆque i’najcuf’mola’ liÆjunac’ jahuay lan xanuc’. ToÆiya tocomma to jahuay joupa imanapola’ jouc’a. 15 I’najcuf’mola’ liÆjunac’ jahuay lan xanuc’ tuyalaicoÆe ituca’ lapajnya. Ticuicomma aimicuxeyacoÆtsi quiÆtuca’, aimihuejyacu quiÆtuca’ liÆpicuejma’. TihuejcoÆe iÆque Æimanapa i’najcuf’mola’ liÆjunac’, lijou’ma imaf’ina’ma. 16 ToÆiya illanc’ lapenufpola’ lan xanuc’ a’i to qui’ic’ liÆsans, liÆraza o ja’ni i’hueca o aiqui’hueca. ToÆta’a liÆ‘ejma’ iÆniya pe naihuejcopá quiÆtuca’ liÆpicuejma’. Ja’ni luyaipa quitine toÆta’a laÆnescopa Cristo, itsiya a’i. 17 Itsiya Æinca ipai’ipa nulemma laÆpicuejma’. Cristo lapenufponga’, lapi’iponga’ al ts’e laÆpitine, ipangoconapa laÆpepajnya. Al te’a laÆ‘ejma’ joupa ijoupa. Jahuay i’ipa ats’e. Ma’ anuli lo’ipola’ jahuay iÆne lepenufpola’ Cristo. 18 Ƚinca jahuay iÆiya li’epa ȽanDios. IÆque i’epa lixpic’epa, aliÆonc’e’e’ponga’ laÆjunac’, aÆejmale anuli. ToÆiya umme’ma Jesucristo ticuxoxi, timatsi jiÆpe lancruz. MaÆque ȽanDios lapi’iponga’ laÆmane lu’itsola’ lan xanuc’: “ȽanDios aimixtuc’olhuo’, tepenuf’molhuo’”. 19 Lu’ila’: “Limanapa Cristo jiÆpe tipa’a ȽanDios. JiÆpe iÆonc’e’epolhuo’ jahuay lopa’nepolhuo’ imanc’ noÆmana’ fa’a li’a Æamats’, imanc’ pe aimi’iya monÆejmaleyacu ȽanDios. Aiquitac’uilhuo’ loÆjunac’, itac’uipa Cristo. ToÆta’a epi’i’molhuo’ lane tonÆejmaleÆe ȽanDios.” MaÆe laÆpenic’ lu’itsola’ toÆta’a. ȽanDios lapi’iponga’ lataiqui’ laluya’apa. IÆe lataiqui’ tuya’e’: “ȽanDios aimixtuc’olhuo’. Tepenuf’molhuo’." 20 Illanc’ epaluc’ Jesucristo. MaÆpalaiyi illanc’ tocomma to ȽanDios tixc’ai’ila’ lan xanuc’. Luya’ayi, lu’ila’: “Cristo lummeponga’. AÆsahue’elhuo’: ToÆejmaleÆe ȽanDios." 21 Cristo tama ailopa’a quijunac’, ȽanDios iximpa to ixcay lipicuejma’, iteÆ‘mipa. IÆque Cristo i’onÆicopoxi to illanc’, i’najtsepa laÆjunac’. ToÆta’a, ja’ni Cristo lapenufponga’, ȽanDios aÆ‘onÆicoponga’ to Cristo, aÆsininga’ to ailopa’a caÆjunac’.