Menu

2 Corintios 13

WBT

1 Cacuaitsi jiÆpiya pe loÆmana’ ti’ico’ma afanemma cahuejnânilhuo’. Cacuaitsi ja’ni tipa’a li’ipolhuo’ ticuicomma afantsi, o ja’ni aimi’iya afantsi le’a oquexi’, ti’iÆa’ anuli lonesyacu. TijouÆa’ aÆsanuta iÆiya. 2 Cacuaicontsi jiÆpe ca’eta ma to joupa laimipolhuo’ maÆmana’ anuli. Al te’a laitsehuo’ma aicainu’ilhuo’ toÆta’a. Lihuequi laitsecohuona’ma Æinca nu’ipolhuo’. Itsiya ma capa’a fa’a cu’iconalhuo’. Cu’ila’ iÆne ni’epá quixcay, iÆne petsi aiquiÆsuej’meya, jouc’a locuenaye pe aimalihuejma, camila’: Cacuaiconatsi ja’ni ti’hua ti’econayi nixpiya aiquimenc’e’econayacola’. CateÆ‘mitola’. 3 Imanc’, ¿te oÆ‘huaijma Cristo timuc’itsolhuo’ alummepa, aÆcuxe’e laitaiqui’ laifpalaipa? Ne’. ToÆsim’me te ts’i’ic’ iÆque Cristo. IÆque a’i ninaitsi xans, acueca’ limane iÆque. 4 LepaÆts’ingimpa Cristo lancruz tocomma to ninaitsi xans. Limaf’i’inapa ȽanDios epi’ipa acueca’ limane. Illanc’ ts’alihuequi iÆque Cristo tocomma to ninaitsi xanuc’. AÆcuaitsa jiÆpe aÆsinnonga’ Æinca aÆmaf’i’. AÆmuc’itolhuo’ acueca’ laÆmane alapi’iponga’ ȽanDios. 5 Imanc’ toÆsintsoÆtsi coÆtuca’ te ts’i’ic’ loÆpicuejma’. Tolicuis’etsoÆtsi imanc’ coÆtuca’, ¿ja’ni toÆ‘huaiyijnyi Cristo o a’i? ¿Ja’ni aicoÆsina’ jiÆpe tipa’a Jesucristo, anuli loÆmana’? O, ¿aga ailopa’a, aimoÆ‘huaiyijnyi? 6 Iya’ cacua: AÆsintsonga’ illanc’ aÆinca aÆ‘huaiyijnyi, aimaÆfel’miyaleyi. 7 Jifa’a aÆsahue’eyi ȽanDios titoc’itsolhuo’, aimoÆ‘econa’me quixcay. MaÆsahue’eyi toÆta’a aimaÆnesyi: “LaÆpimaye tihuejcoÆe lataiqui’ lalu’ipola’ illanc’, toÆta’a lan xanuc’ limetsaico’monga’, tines’me: AÆinca Cristo lummepola’ iÆniya.” Tama aimalimetsaiconyaconga’ illanc’, aÆpic’a tonÆ‘eÆe al c’a imanc’. 8 ȽanDios lapi’iponga’ laÆmane aÆtoc’itsolhuo’ tolihuejle Lataiqui’. Ja’ni tolihuejcoyi aimi’iya malixtuc’oyacolhuo’. 9 Ƚinca tixoqui calata luyalaico’me ja’ni imanc’ acueca’ loÆpujfxi, ja’ni aÆinca tolihuejyi Cristo. Tama illanc’ tocomma to ninaitsi xanuc’ aimaÆsueÆmot’Æeyacu. AÆsahue’eyi ȽanDios ti’iÆa’ toÆta’a loÆ‘ejma’. 10 ToÆsanutsoÆtsi nulemma. Ja’ni aimoÆsanuyacoÆtsi cacuaicontsi jiÆpe cataletolhuo’. Cacua: Aimi’i’ma toÆta’a. ToÆiya ma capa’a fa’a quiniÆ‘elhuo’ iÆta’a loÆje’e. ȽanDios alapi’ipa laimane cafa’etsolhuo’ xonca loÆpicuejma’, a’i cateÆc’eyacolhuo’. 11 Cunc’aipimaye, ti’hua tijou’ma laifniniÆ‘epolhuo’. Itsiya cu’ilhuo’: ToÆsanutsoÆtsi cataiqui’. AimoÆhuotso’me. Ti’iÆa’ ma’ anuli loÆpicuejma’. AimoÆfuli’i’moÆtsi. Ja’ni ti’iÆa’ toÆta’a loÆ‘ejma’ ma ȽanDios titoc’i’molhuo’, toÆmajnta anuli. MaÆque ȽanDios lapi’inga’ laÆpicuejma’ aÆ‘etsoÆtsi capic’a, aÆejmaleÆe al c’a. 12 Tolu’itsola’ lapimaye: “Pablo tinonilhuo’”. ToÆtuc’otsoÆtsi loÆpeque ma to mituc’o’moÆtsi lapimaye, iÆne i’huexi ȽanDios. 13 Lapimaye nomana’ fa’a, iÆne jouc’a i’huexi ȽanDios, jahuay iÆniya tinonilhuo’. 14 Jahuay imanc’ ti’iÆa’ coÆsina’: ȽaÆPoujna Jesucristo titoc’ilhuo’, caÆ‘Ailli’ ȽanDios ti’nujuaitsilhuo’, cal Espíritu Santo efot’Æepolhuo’, toÆejmaleyi anuli iÆque.

Everything we make is available for free because of a generous community of supporters.

Donate