1 Pedro 2

1 Ja’ni tipa’a al ts’e loÆpitine jouc’a ti’iÆa’ al ts’e loÆpicuejma’. AimoÆ‘econa’moÆtsi lixcay. AimoÆfel’micona’moÆtsi. TolihuejcoÆe, aimoÆ‘e’e’moÆtsi le’a, aimoÆ‘econa’moÆtsi laic’, aimoÆnescona’moÆtsi. 2 Imanc’ joupa oÆmajnliconna, ti’onÆcospolhuo’ to lan ts’e capiÆmi. ToÆ‘eÆe coÆpic’a loÆÆeche, pangay al c’a leche. Tites’mi’molhuo’, ti’iÆa’ quipujfxi al ts’e loÆpitine. ToÆta’a tunÆul’molhuo’. (Iya’ laifnescopa “loÆÆeche”, canescojma litaiqui’ ȽanDios.) 3 Ƚinca toÆta’a tonÆ‘e’me ja’ni joupa oÆsingufpá te ts’i’ic’ ÆaÆPoujna, iÆque pangay c’a. 4 Ti’hua toliâloc’oÆai’me pe Æecui’impa “Ƚimaf’i’ Capic”. Lan xanuc’ Æinca iximpá to ninaitsi capic, etets’ipá. ȽanDios ituca’ iximpa. IÆque i’huijf’epa, imetsaicopa xonca ac’a. 5 Imanc’ jouc’a ti’onÆcospolhuo’ to lapic’, iÆne ts’iÆmaf’i’. Ja’ni toliâloc’oÆai’me ÆaÆPoujna, ȽanDios tipo’no’molhuo’ anuli anuli pe latenÆcocoya, ti’i’molhuo’ epic’, tixhuico’molhuo’ tilanc’eco’ma lejut’Æ, iÆe lixoute’. Tixim’molhuo’ to e’aillí ȽanDios. To e’aillí tipa’a loÆtsufcoya ȽanDios. ToÆpo’no’me loÆpicuejma’ toÆcu’moÆtsi. ȽanDios timetsaicolhuo’ toÆ‘huaiyijnyi Jesucristo, toÆta’a tetenÆcoco’ma loÆtsufcopoÆtsi, tepenuf’molhuo’. 6 Al Paxi LiniÆingiya tuya’e’ ȽanDios lonescopa iÆque Ƚapic, ticua: ¡ToÆsinÆe! JiÆpe liÆya’ Sión cafa’ma anulij cal Cueca’ Capic, iÆque Æopo’nof’inyacu ÆaitaÆ. IÆque Æapic ma’ iya’ ai’huijf’epa, caxina juaiconapa ac’a, xonca acueca’ lipitali. Pe no’huaiyijmpá iÆque Æacui’impa Ƚapic, maÆniya aimixinyacu calaic’ata, aiminesyacu: “ȽanDios aÆfel’mipa”. 7 Ja’ni toÆ‘huaiyijnyi Cristo, “⦠iÆque Æacui’impa Ƚapic”, ȽanDios timetsaicotolhuo’. Locuenaye lan xanuc’ ituca’ lo’iyacola’. IÆne pe aimihuejcoyi, tixinyi Cristo to “⦠Æapic Æetets’ipa nolanc’epá lajut’Æ”. Jouc’a tixim’me joupa i’ipa Æapic xonca Æaicuicoya. IÆque “⦠Æapic xonca tilanc’e ÆaitaÆ, aimecangeya lajut’Æ”. 8 Jouc’a tixinguf’me to “⦠Æapic Æoc’ui’eyacola’ lan xanuc’”. JiÆque cal cueca’ capic tixcai’e’mola’. Aimihuejcoyi Lataiqui’, toÆiya tixcai’e’mola’. Joupa ixpic’epa ȽanDios iÆe loyalaicoyacu. 9 Imanc’ ȽanDios joupa i’huijf’epolhuo’, i’epolhuo’ e’aillí, anuli toÆcuxeta. Tixinnilhuo’ to anuli al nación apaxi, ma’ i’huexi. I’e’epolhuo’ ma’ ixanuc’. ToÆta’a li’e’ecopolhuo’ toluya’aÆe, toÆmujtsoÆtsi te ts’i’ic’ al c’a lipicuejma’, li’ejma’ ȽanDios. MaÆque ȽanDios ijoc’ipolhuo’ mipa’a pangay muf loÆpicuejma’. IÆque epalc’o’, ulif’epolhuo’ loÆpicuejma’. OÆsimpá juaiconapa ac’a iÆe lepalc’o’. 10 Li’ipa, imanc’ a’i quixanuc’ ȽanDios, itsiya ma’ ixanuc’. Li’ipa, ȽanDios ixtuc’opolhuo’, itsiya a’i. Joupa iximpolhuo’ unc’icuanuc’la, itoc’ipolhuo’, ipaxnepolhuo’. 11 Maicunc’aipimaye, caxa’huelhuo’, cu’ilhuo’: Aimolihuej’me lafane coÆpicuejma’. IÆe ma tipa’nelhuo’, tijouÆa’ aimolihuejyacu ȽanDios. ToÆ‘nujuaisle: Ma le’a toluyalaicoyi jifa’a li’a Æamats’, aimicoÆyacolhuo’. 12 ToÆmana’ petsi lan xanuc’ aimimetsaicoyi ȽanDios. Ma molihuejcoyi ȽanDios tinescolhuo’ a’ijc’a. Camilhuo’: Ti’iÆa’ mane ac’a loÆ‘ejma’, ma latenÆcocoya. ToÆta’a tehuelojm’molhuo’ monÆ‘eyi al c’a. TijouÆa’ ticuaitsi litine timujxoxi jiÆpiya ȽanDios, iÆne timetsaico’me ma’ anDios. 13 Ma’ moÆ‘nujuaisyi ÆaÆPoujna tolihuejcotsola’ lincuxepá, iÆne nomana’ fa’a li’a Æamats’. Ja’ni cal rey, iÆque xonca cal cuecaj quincuxepa, 14 ja’ni pe lifajpola’ cal rey, tolihuejcotsola’. IÆniya Æommepola’ titeÆ‘mintsola’ petsi no’epá lixcay, jouc’a tixoc’innila’ quileta petsi no’epá al c’a. 15 Camilhuo’: Tolihuejcotsola’ lincuxepá. ToÆta’a tonÆ‘e’me lipic’a ȽanDios, tonÆ‘e’me ma le’a al c’a, toÆâch’ixc’e’mola’ lan tonno petsi aiquiÆcueca. 16 Tama imanc’ a’i quiÆ‘huexi loÆf’as xanuc’ nomana’ fa’a li’a Æamats’, aimoÆnes’me: “Ailopa’a naÆcuxeya, ca’e’ma nixpiya”. A’i. Xonca tolihuejco’me ȽanDios locuxe’epolhuo’. Ma’ iÆque oÆPoujna. 17 Jahuay ts’iÆpenic’ tolimetsaicotsola’. Nij naitsi colatets’iyacu. Ti’hua monÆ‘e’ela’ capic’a lapimaye, ti’hua tulummoc’oÆe ȽanDios, ti’hua tolihuejcoÆe cal rey. 18 Imanc’ unc’imozó: Tolihuejco’me locuxe’epolhuo’ loÆpoujnalá. Tolihuejcotsola’ jahuay iÆniya. Ja’ni lan c’a xanuc’ petsi aimixtuleyacu, ja’ni a’ijc’a liÆpicuejma’, ma’ anuli tolihuejcotsola’. 19 Ma molihuejcoyi ȽanDios, ja’ni toÆteÆcoyi tama ailopa’a conÆ‘epa, ti’iÆa’ coÆsina’ ti’najtse’molhuo’ maÆque ȽanDios. 20 Ja’ni toÆsnet’Æyi lontafpolhuo’ ma moÆteÆcoyi coÆtuca’ loÆjunac’, ¿te ȽanDios tixinnilhuo’ xonca ac’a loÆ‘ejma’? A’i. MonÆ‘eyi al c’a, ja’ni toÆsnet’Æyi miteÆ‘milhuo’, Æinca ȽanDios tixim’molhuo’ xonca ac’a loÆ‘ejma’, ti’najtse’molhuo’. 21 ȽanDios ijoc’ipolhuo’ toÆteÆcoÆe toÆta’a. Ma toÆta’a liteÆcopa Cristo lepi’impa laÆjunac’. ToÆta’a aÆmuc’iponga’ te ts’i’ic’ al c’a aÆ‘e’me. Alihuejle Cristo. 22 Cristo aiqui’aic’ quixcay. Aiquinesqui lafelÆaiqueya cataiqui’. 23 Limilojpá cataiqui’ aimimiconala’ toÆta’a. MiteÆma, aimitalai’e. Epi’ipa quimane ȽanDios, iÆque copa’a cal Juez No’epa al Æijca. 24 JiÆpe lancruz lilanc’ecompa a’ec, itaic’ laÆjunac’. Ma quituca’ licuerpo ixingufcopa liteÆ‘mimpa. ToÆta’a lunÆu’eponga’ laÆ‘epa lixcay, iÆe lixcay lijoupa lacani’eponga’. ȽanDios lapi’iponga’ al c’a laÆpicuejma’, toÆta’a tipa’a al ts’e laÆpitine. Li’ipa, imanc’ extafpolhuo’ cajunac’. Lixcai’empa Cristo, iÆque iteÆcopa loÆjunac’. ToÆta’a ȽanDios ixaÆ‘menapolhuo’. 25 Li’ipa, imanc’ ti’onÆcospolhuo’ to lam mot’Æ, iÆne tiyelocoyi ni cua petsi loxpic’epa. Itsiya a’i toÆta’a loÆ‘ejma’. Joupa oÆpailinamma, olimetsaicopá ÆaÆPoujna. IÆque ti’elhuo’ cuenna, aimejac’yacolhuo’.