1 Juan 1
WBT1 Lipangopa jahuay, iĆque tipa’a. Illanc’ joupa aĆquimf’epá laĆpalaic’oponga’, joupa aĆsingopá laĆ‘u’, lahuelojmpá, limetsaicopá naitsi iĆque. LaĆmane’ joupa aĆ‘noĆ‘e’epá limane’. Illanc’ maluya’ayi, aĆpalaicoyi iĆque Ćacui’impa: Lataiqui’. IĆque Lataiqui’ imaf’i’. Lipitine aimijouya. MaĆe litine tepi’iyale. 2 IĆque imujpoxi. Illanc’ joupa aĆsimpá, luya’ayi, lu’ilhuo’ imanc’ te ts’i’ic’ lipitine pe aimijouya. IĆque petsi aimijouya lipitine tiĆmana’ anuli qui’Ailli’ Č˝anDios, imujpoxi, aĆsimpá. 3 Itsiya jouc’a lu’ilhuo’ imanc’ te ts’i’ic’ laĆsimpa, laĆquimf’epa. Ja’ni tolapenuf’me iĆe laĆtaiqui’ aĆinca aĆejmale’me. Illanc’ aĆejmale Č˝anDios caĆ‘Ailli’ y Jesucristo, iĆque Ći’Hua Č˝anDios. Imanc’ jouc’a ti’i’ma tonĆejmale’me toĆta’a. 4 AĆcuayi: TenanĆĆa’ laixojcopa calata. ToĆiya aliniĆ‘elhuo’ iĆta’a coĆje’e. 5 Jesucristo joupa lu’iponga’ laluya’ayacu. Itsiya cu’ilhuo’ imanc’, ticua: “Č˝anDios lipicuejma’ pangay epalc’o’, ailopa’a quixcay”. 6 ToĆiya, ma maĆnesyi: “Illanc’ aĆejmale Č˝anDios”, ja’ni ti’hua aĆ‘eyi quixcay a’ij Ćinca iĆe laĆnespa. AĆfelĆaiqueyi. 7 Pe lopa’a Č˝anDios jiĆpiya pangay epalc’o’, ailopa’a quixcay. Ja’ni toĆta’a laĆpepajnya, aĆinca aĆejmale laĆpimaye. TijouĆa’, ja’ni a’ijc’a laĆ‘epa aimaĆmanecu nulemma. Lijuats’ lixcuajaipa Jesucristo Ći’Hua Č˝anDios ti’hua alapac’enga’. 8 Aimi’iya maĆnesyacu: “Iya’ aicai’aic’ quixcay. Ailopa’a caijunac’.” Ja’ni toĆta’a aĆnesyi aĆfel’miyoĆtsi. Al Č˝inca Cataiqui’ aiquitsufaic’ laĆpicuejma’. 9 Ja’ni aĆmiyi Č˝anDios: “Č˝inca, tipa’a laijunac’”, iĆque limenc’e’eco’monga’ iĆna’a laĆ‘epa. Lapac’e’monga’ al xujc’a. ToĆta’a li’ejma’ Č˝anDios. IĆque ti’e’ma ma to linespa. Ti’e’ma al Ćijca. 10 Č˝anDios joupa lu’iponga’: “O’epa quixcay”. Ja’ni aĆcuayi: “Aicai’aic’ quixcay”, litaiqui’ aiquitsufaic’ laĆpicuejma’. Tocomma to aĆcuayi: “Č˝anDios infel’miyale”.