1 Corintios 9

1 JiÆpe timana’ nocuapá: “IÆque Pablo, ¿naitsi iÆque?” Iya’ catalai’e: ¿Te anuli cal xans aipoujna? ¿Te iya’ a’i nin’apóstol? ¿Te aicalummaic’ Jesucristo? ¿Te aicaixina’ iya’ iÆque ÆaÆPoujna? Imanc’ noÆ‘huaiyijmpá Jesucristo, ¿naitsi nu’ipolhuo’ Lataiqui’? ¿Naitsi cummepa Jesucristo ti’etsi lanic’ jiÆpiya? ¿Te a’i iya’? Tama tinesyi ocuenaye: “Pablo a’i apóstol, aimi’hua limane”, imanc’ aimi’iya moÆnesyacu toÆiya. Imanc’ olapenufpá laitaiqui’, oÆ‘huaiyijmpá Jesucristo, toÆta’a ȽanDios imuj’ma iya’ aÆinca nin’apóstol. 4 Illanc’, ¿te aicalapi’inga’ lane malapenufyacu ÆaÆtejacu, laÆsnayacu lalapi’iyaconga’ lapimaye? 5 ¿Te aimi’iya maÆ‘eyacu anuli to lo’epa locuenaye lan apóstole, jouc’a lipimaye ÆaÆPoujna, jouc’a Pedro? IÆne iÆejma liÆpenoye apimaye. 6 IÆniya Æinca tipa’a lane aimi’e’me canic’, ma le’a ti’e’me iÆe lanic’ lepi’ipola’ caÆ‘Ailli’ Jesucristo. Iya’ y Bernabé, ¿te illanc’ le’a ailopa’a lane maÆ‘eyacu toÆta’a? 7 Cal soldado, ¿te ti’najtse’ma quituca’ Æoteja? Ƚinfapa ‘uva, ¿te aimiteja Æi’uva? O no’epola’ cuenna lihuacax, ¿te aimixnaya liÆÆeche? 8 IÆiya lainespa, ¿te ma’ iya’ caituca’ quipa’e laipicuejma’? Lataiqui’ locuxepa ȽanDios, ¿te aimuya’e’ toÆiya? 9 ToÆta’a loya’apa licuxepa Moisés, ticua: “Mi’huailetsufyi lan huacax cal trigo, aimoÆfi’e’mola’ lilepu’naÆ”. IÆe lataiqui’, ¿te ȽanDios ma ti’nujuaitsila’ lan huacax? o ¿aÆ‘nujuaitsinga’ illanc’ naÆ‘epá lanic’, iÆe lalapi’iponga’? Ƚinca, aÆ‘nujuaitsinga’ illanc’. AÆ‘onÆcosponga’ to cal xans mepa’ma Æemats’ petsi lofaya cal trigo, o to cal xans mifusma trigo. IÆne tixoc’iyoÆtsi quileta ti’eyi canic’, iÆsina’ tite’me quiÆtrigo. 11 Illanc’ jiÆpiya aÆfapá Lataiqui’, toÆiya ac’a loluyalaicoyacu imanc’ Locuena Quitine. Itsiya litine, illanc’ maÆmana’ fa’a li’a Æamats’, ¿te ailopa’a calafot’Æeyacu? ¿Ja’ni aimalapi’iyaconga’ ni caÆtejacu? ¿Te toÆsinyi ipime iÆiya? 12 Iya’ cacua: Ja’ni tolimetsaicola’ locuenaye ti’hua toÆta’a liÆmane, toÆtes’mila’, ¿te aimalimetsaicoyaconga’ xonca illanc’? Ƚinca maÆmana’ jiÆpe illanc’ luyalaicoyi lapajnya to aimi’hua laÆmane. Ailopa’a caÆsahue’epolhuo’ imanc’. Xonca aipic’a tolihuejle Lataiqui’. Aimolixtule’me. 13 ¿Te aicoÆsina’ te ts’i’ic’ loyalaicopá liÆpepajnya iÆniya no’epá canic’ al xoute’? IÆne titeji notsufcopá jiÆpe al xoute’. IÆne petsi lotsufcompola’ linneja jiÆpe al altar, maÆniya titeji iÆe lixic’. 14 ȽaÆPoujna illanc’ ixpic’epa ma’ anuli tuyalaico’me iÆne noya’apá Lataiqui’. Ixpic’epa aimi’e’me ocuena canic’. Muya’ayi Lataiqui’ iÆniya, liÆpimaye tepi’intsola’ Æotejacu. 15 Iya’ Æinca aicainuyaijma toÆta’a. Ni itsiya aicamilhuo’: “Imanc’ aÆtoc’iÆa’”. A’i. Iya’ tixoqui neta culij’ma Æaiftepa. Ja’ni coÆa’ ti’iÆa’ ituca’ lai’ejma’ caxhueÆco’ma juaiconapa. ¡Najmay aÆmaÆa’! Iya’ caituca’ caxpic’e toÆta’a lai’ejma’. 16 Ƚinca a’i caituca’ laipicuejma’ caxpic’e cuya’a’ma Lataiqui’. IÆe lanic’ joupa lapi’ipa ȽanDios. Ja’ni aica’ay caxhueÆco’ma juaiconapa. ToÆta’a a’ijc’a laifnuyaicoya. 17 Ja’ni coÆa’ iya’ caituca’ aixpic’epa cuya’aÆa’ Lataiqui’, aga aÆ‘najtse’ma. Iya’ caituca’ aicaxpic’e, ma le’a quihuejcocojma iÆe laÆcuxe’empa. ¿Te caÆ‘najtsecoya? 18 Iya’ Æinca aica’najtsi’iyale, ma le’a cuya’e’ Lataiqui’. Tama ti’hua laimane, tama nipajnya caxahue’eÆa’, aicaxa’hue. TijouÆa’, ¿te tipa’a laifnulijya? 19 Culij’mola’ lan xanuc’. Ailopa’a caipoujna axans. Tama ailopa’a naÆcuxeya aicaiÆof’eyoxi. Aixpic’epa ca’nujuaitsola’ jahuay. ToÆta’a ti’i’ma xonca axpela’ laifnulijyacola’, iÆne napenufyacu Lataiqui’. 20 Iya’ ninjudío ai’onÆicopoxi to laif’as judío, tetenÆcocotsola’ iÆniya lai’ejma’. AÆquimf’eÆa’, tepenufle Lataiqui’. Itsiya tama aixina’ aimalunÆu’eya litaiqui’ Moisés, iya’ ai’onÆicopoxi to iÆniya naihuejpá iÆe lataiqui’. Cacua: ToÆiya lapenuf’ma iya’ laifnuya’apa Lataiqui’. 21 Jouc’a aipic’a tepenufle laifnuya’apa petsi aimimetsaicoyi locuxepa ȽanDios, iÆne naihuejcopá quiÆtuca’ liÆpicuejma’. ToÆiya ai’onÆicopoxi to iÆniya. Iya’ Æinca aicainihuequi caituca’ laipicuejma’, quihuejma Cristo. ToÆiya canant’Æi locuxepa ȽanDios. 22 Jouc’a ai’onÆicopoxi to lapimaye pe aimicuec’eyi litaiqui’ Jesucristo. Cahuay te co’iya metenÆcocoyacola’ lan xanuc’ ni petsi lomana’, ocuena ocuena liÆraza, liÆ‘ejma’. Cacua: ToÆta’a cunÆu’e’mola’ hualca iÆniya. 23 ToÆta’a laif’epa laipenic’, iÆe lalapi’ipa ȽanDios. Jahuay Æainunxajma’ cuya’e’ Lataiqui’. Cacua: IÆe Lataiqui’ tuya’e’ te ts’i’ic’ lalapi’iyaconga’. Iya’ jouc’a lapimaye lulijle iÆe al c’a. 24 ¿Te aicoÆsina’ lo’ipola’ lan xanuc’ lalahuaiyacoÆtsi cainuya? Axpela’ nainulpá, anuli nolijya, tepi’inni quipremio. Imanc’ tolihuejle Cristo, tepi’itsolhuo’ lolulijyacu. 25 IÆne pe notsuflaiyacu lofit’Æyacu ti’e’moÆtsi cuenna, ti’iÆa’ acueca’ quiÆpujfxi, tulijle lafit’Æya. Petsi nolijya tepi’im’me licorona lilanc’ecompa ipela c’ec. IÆe al corona aimixnet’Æqui, teteÆquemma. Illanc’ ja’ni lulijle, lalapi’inyaconga’ aimijouya, ti’hua ticoÆi tijauhuamlaicota. 26 Cal xans nonespa: “Culij’ma lalahuaiyacoÆtsi cainuya”, iÆque ac’a tinu’ma, tehuelonge pe locuaicoya. ToÆta’a iya’ cainihuequi Jesucristo. Iya’ cacuxeyoxi. Lai’ejma’ a’i to li’ejma’ cal xans notsufaipa lafit’lya tuntafco’moÆtsi liÆmane, tijouÆa’ ma tuntafque Æahua’. IÆque Æinca aimulijya. Iya’ cateÆ‘miyoxi. Cacua: IÆta’a laicuerpo ti’iÆa’ quixina’ iÆe a’i caipoujna. Ma’ iya’ caituca’ cacuxe’moxi al c’a. Ja’ni a’i, ¿te co’iya? Iya’ coÆa’ ailopa’a calapi’inya tama nuya’a’ma Lataiqui’. Tope tope capanehuo.