1 Corintios 16

1 Itsiya capalaico’ma al tomí lolafot’Æeyacu lolumme’eyacola’ loÆpimaye, iÆne jouc’a i’huexi ȽanDios. IÆne nomana’ liÆya’ Jerusalén tehue’ela’. Lapimaye lafoÆyomma Æamats’ Galacia joupa ainu’ipola’ lo’eyacu. Imanc’ ma’ anuli tonÆ‘eÆe. 2 Axamano axamano ticuaitsi al te’a quitine, anuli anuli imanc’ tolanajle loÆtomí. Ja’ni ululijpá acueca’ tolanajle acueca’. Ja’ni ululijpá huata, tolanajle huata. Cacuaitsi jiÆpiya joupa olafot’Æepá al tomí. Aimolafot’Æe’me aquite’. 3 Cacuaitsi, imanc’ toÆ‘huijf’etola’ lapimaye titaiÆe iÆe lolapi’iyacola’ iÆne loÆtoc’icoyacola’ jiÆpe Jerusalén. Iya’ capi’itola’ quiÆje’e. Cummetola’. 4 Ja’ni ticuicomma ca’huaÆa’ jouc’a aÆejmaleta anuli lapimaye. 5 Joupa aixpic’epa cahuejntola’ lapimaye nomana’ Æamats’ Macedonia. TijouÆa’ cacuaita pe loÆmana’ imanc’. 6 Aicaixina’ tojua quitine aÆcoÆta pe loÆmana’. Aga capanehuo jiÆpiya cuyaicota Æaxita quitine. TijouÆa’ cuyaita ni petsi. Imanc’ lacanumf’eta cane, aÆtoc’ita ca’huanÆa’ al c’a. 7 Cacua: Ate’a cuyaicota Æamats’ Macedonia. TijouÆa’ cacuaita jiÆpe pe loÆmana’ imanc’ unc’iCorinto. JiÆpe a’i ma le’a cuyaicoya. Ja’ni tixpic’eÆa’ ȽanDios aÆcoÆta. 8 Jifa’a liÆya’ Efeso capanehuo tuyaiÆa’ al juic Pentecostés. TijouÆa’ ca’huata pe loÆmana’. 9 Jifa’a ȽanDios lapi’ipa acueca’ canic’. Axpela’ ti’huaiyijnyi ÆaÆPoujna. Jouc’a timana’ axpela’ naÆ‘epa laic’. 10 Ja’ni jiÆpiya ticuaitsi Timoteo, tolapenufle. AimoÆhuos’mi’me. Ma to ca’ay lanic’ lalapi’ipa ÆaÆPoujna, iÆque Timoteo jouc’a ti’ay. 11 Aimolatets’i’me, ni anuli imanc’. Tipanni ti’huanÆa’ tolacanumf’entsa cane, ti’huananni pe laifpa’a. Iya’ ai’huaijma ticuaiyunca anuli lapimaye. 12 Apolos aimi’huaya itsiya pe loÆmana’. Iya’ caxc’ai’i juaiconapa, cami: “To’huaÆa’ Corinto. TonÆeÆe anuli lapimaye.” Aimicua mi’huaya. Tipa’a litine mi’hua’ma. 13 AimoÆsmai’me jiÆpe loÆpicuejma’. Ti’hua tolihuejle Lataiqui’. AimoÆpai’i’me loÆpicuejma’. TonÆ‘e’eÆe acueca’ Æolunxajma’. 14 Jahuay lonÆ‘eyacu toÆ‘nujuaitsola’ loÆpimaye, ja’ni toÆta’a toÆtoc’i’mola’ o a’i. 15 Imanc’ olimetsaicola’ Estéfanas jouc’a lapimaye nomana’ lejut’Æ. JiÆpe Æamats’ Acaya iÆne ate’a i’huaiyijmpá Jesucristo. IÆne quiÆtuca’ ixpic’epá titoc’i’me lapimaye, iÆniya jouc’a i’huexi ȽanDios. Ticuicomma imanc’ tolihuejco’mola’ iÆniya, jouc’a tolihuejco’mola’ jahuay lapimaye no’epá lanic’ juaiconapa, iÆe lanic’ lalapi’iponga’ ÆaÆPoujna. ToÆta’a caxahue’elhuo’ tonÆ‘eÆe, caxc’ai’ilhuo’. 17 Iya’ aixhueÆcocopolhuo’ juaiconapa. Itsiya tixoqui neta. Licuaina’me fa’a Estéfanas, Fortunato y Acaico, tocomma to oÆcuai’me imanc’. 18 IÆne liÆonc’e’enapa laipixhuejma’. Itsiya aimaÆsueÆ‘meconayacu iya’ imanc’. Imanc’ tolimetsaicotsola’ iÆniya no’epá toÆna’a. 19 Lapimaye lafoÆyomma jifa’a Æamats’ Asia tinonilhuo’. Aquila y Priscila jouc’a lapimaye lafoÆyomma lilejut’Æ tixoqui quileta tinonilhuo’. Ticuayi: “Lan xanuc’ nomana’ Corinto aÆpimaye, aÆ‘huaiyijnyi anuli ÆaÆPoujna Jesucristo”. 20 Jahuay lapimaye nomana’ fa’a tinonilhuo’. Jahuay imanc’ toÆnontsoÆtsi. ToÆtuc’otsoÆtsi loÆpeque ma to mituc’o’moÆtsi lapimaye, iÆne i’huexi ȽanDios. 21 Iya’ ninPablo canonilhuo’. IÆta’a caituca’ niniÆcopa laimane. 22 JiÆpe ja’ni tipa’a anuli pe aimi’ay capic’a ÆaÆPoujna Jesucristo, tejac’enÆe iÆque cal xans. ¡Maranatha! IÆta’a lohuaÆquemma: ¡Ima’ maÆPoujna, tohue’, to’huanni! 23 Ti’hua titoc’itsolhuo’ jahuay imanc’ ÆaÆPoujna Jesucristo. 24 Ti’iÆa’ coÆsina’ ca’elhuo’ capic’a imanc’ unc’aipimaye, ma’ anuli aÆ‘huaiyijnyi Jesucristo. Amén. ToÆta’a ti’iÆa’.