Ezra 2

1 Adunay mga Israelinhon sa probinsya sa Juda nga gibihag kaniadto ni Haring Nebucadnezar ug gidala sa Babilonia. Karon, namalik sila sa Jerusalem ug sa ilang kaugalingong mga lungsod sa Juda. 2 Ang nangulo kanila sa pagbalik mao sila si Zerubabel, Jeshua, Nehemias, Seraya, Reelaya, Mordecai, Bilshan, Mispar, Bigvai, Rehum, ug Baana. Mao kini ang lista sa katawhan sa Israel nga namalik gikan sa pagkabihag: 3 Mga kaliwat ni Parosh 2,172 4 Mga kaliwat ni Shefatia 372 5 Mga kaliwat ni Ara 775 6 Mga kaliwat ni Pahat Moab (nga mga kaliwat ni Jeshua ug Joab) 2,812 7 Mga kaliwat ni Elam 1,254 8 Mga kaliwat ni Zatu 945 9 Mga kaliwat ni Zacai 760 10 Mga kaliwat ni Bani 642 11 Mga kaliwat ni Bebai 623 12 Mga kaliwat ni Azgad 1,222 13 Mga kaliwat ni Adonikam 666 14 Mga kaliwat ni Bigvai 2,056 15 Mga kaliwat ni Adin 454 16 Mga kaliwat ni Ater (nga gitawag usab ug Ezequias) 98 17 Mga kaliwat ni Bezai 323 18 Mga kaliwat ni Jora 112 19 Mga kaliwat ni Hashum 223 20 Mga kaliwat ni Gibar 95 21 Mga namalik gikan sa Betlehem 123 22 Mga namalik gikan sa Netofa 56 23 Mga namalik gikan sa Anatot 128 24 Mga namalik gikan sa Azmavet 42 25 Mga namalik gikan sa Kiriat-Jearim, Kefira, ug Beerot 743 26 Mga namalik gikan sa Rama ug Geba 621 27 Mga namalik gikan sa Mikmas 122 28 Mga namalik gikan sa Betel ug Ai 223 29 Mga namalik gikan sa Nebo 52 30 Mga namalik gikan sa Magbis 156 31 Mga namalik gikan sa usa ka kaliwat ni Elam 1,254 32 Mga namalik gikan sa Harim 320 33 Mga namalik gikan sa Lod, Hadid ug Ono 725 34 Mga namalik gikan sa Jerico 345 35 Mga namalik gikan sa Senaa 3,630 36 Mao kini ang mga pari nga namalik gikan sa pagkabihag: Mga kaliwat ni Jedaya (sa pamilya ni Jeshua) 973 37 Mga kaliwat ni Imer 1,052 38 Mga kaliwat ni Pashur 1,247 39 Mga kaliwat ni Harim 1,017 40 Mao kini ang mga Levita nga kaliwat nila ni Jeshua ug Kadmiel (nga mga kaliwat ni Hodavia), 74. 41 Mga mag-aawit sa Templo nga mga kaliwat ni Asaf, 128. 42 Mga tigbalantay sa Templo nga mga kaliwat nila ni Shalum, Ater, Talmon, Akub, Hatita, ug Shobai, 139. 43 Mao kini ang mga kaliwat sa mga sulugoon sa Templo nga namalik usab gikan sa pagkabihag: Ang mga kaliwat nila ni Ziha, Hasufa, Tabaot, 44 Keros, Siaha, Padon, 45 Lebana, Hagaba, Akub, 46 Hagab, Shalmai, Hanan, 47 Gidel, Gahar, Reaya, 48 Rezin, Nekoda, Gazam, 49 Uza, Pasea, Besai, 50 Ashna, Meunim, Nefusim, 51 Bakbuk, Hakufa, Harhur, 52 Bazlut, Mehida, Harsha, 53 Barkos, Sisera, Tema, 54 Nezia, ug Hatifa. 55 Namalik usab gikan sa pagkabihag ang mga kaliwat sa mga sulugoon ni Solomon: Ang mga kaliwat nila ni Sotai, Hasoferet, Peruda, 56 Jaala, Darkon, Gidel, 57 Shefatia, Hatil, Pokeret-Hazebaim, ug Ami. 58 Ang gidaghanon sa mga kaliwat sa mga sulugoon sa Templo ug mga kaliwat sa mga sulugoon ni Solomon, 392. 59 Adunay 652 usab nga namalik sa Juda gikan sa mga lungsod sa Tel Mela, Tel Harsha, Kerub, Adon, ug Imer. Kini sila mga kaliwat nila ni Delaya, Tobia ug Nekoda, apan dili nila mapamatud-an nga mga Israelinhon sila. 61 Namalik usab gikan sa pagkabihag ang mga kaliwat ni Hobaya, Hakoz, ug Barzilai nga mga pari sila. (Kini si Barzilai nga pari kuno, nangasawa sa anak ni Barzilai nga taga-Gilead, ug sukad niadto gidala na niya ang ngalan sa iyang ugangan.) 62 Tungod kay dili nila makita ang lista sa ilang mga katigulangan, giisip sila nga mahugaw ug wala dawata ingon nga mga pari. 63 Giingnan sila sa gobernador sa Juda nga dili sila mahimong mokaon sa mga pagkaon nga gihalad ngadto sa Dios hangtod nga adunay pari nga makapangutana sa Dios mahitungod sa ilang pagkapari pinaagi sa Urim ug Tumim. 64 Ang kinatibuk-ang gidaghanon sa mga namalik gikan sa pagkabihag 42,360, 65 walay labot sa 7,337 nila ka mga sulugoon nga lalaki ug babaye, 200 ka mga mag-aawit nga babaye ug lalaki, 66 736 ka kabayo, 245 ka mula, 67 435 ka kamelyo, ug 6,720 ka asno. 68 Sa pag-abot nila sa balay sa Ginoo sa Jerusalem, ang ubang mga pangulo sa mga pamilya mihatag sa ilang kinabubut-ong mga halad sa pagpatukod pag-usab sa balay sa Dios sa gitukoran niini kaniadto. 69 Mihatag sila sumala sa ilang makaya alang niining buluhaton, ug nakatigom sila ug 500 ka kilo nga bulawan, 3,000 ka kilo nga pilak, ug 100 kabuok nga bisti alang sa mga pari. 70 Ang matag-usa kanila namalik sa mga lungsod nga gigikanan sa ilang mga pamilya, apil na ang mga pari, ang mga Levita, ang mga mag-aawit, ang mga tigbalantay sa mga pultahan sa Templo, ug ang mga sulugoon sa Templo.