Luta 3

1 Fuya fisa sa ofi, habahim, Naomi ya libalau Luta lisina yai, iye, Yau haba lahum E yoêoi. Be haba ibomiu emi luma. 2 Wa siba wawahin saluma ma afa haidam ami paipaisowa edi baêisa hesana Bowasi mate ama hwahwayasa. U ataêatahi. Iêipa te, haba bali anêandi sa abi lisidi yo sa oiluhidi. 3 U siwa, em maêi panepanena u maêiyen, yo luhuluhu loholohodi u liêodi, na u lau somo yai ena aba peipei hineli. Tabu i sibaim mate, um amainiya eeâ, ya anêan, yo ya nom maêuda. 4 Bena wa siba komakoman somo yai ya eno, na yena ya eno wafu, u lau ena kabobo u lau hitin, na ai ahena sadaina u eno. Haba somo ya falibam be, wa ginauli. 5 Naomi alinana Luta ya bui, iyen, Nuwatuhu mahudoêidi wa libaedi haba E lau watanidi. 6 Yo fede, Luta ya lau Bowasi ena aba pei hineli nuêuna yai, be lawana somo ya faliba mate, mahudoêina ya ginauli. 7 Fuyanna, Bowasi ya anêan yo ya nom maêuda, ma amna loholohona ya lau kalahe peina yai ya eno. Yo fede, Luta ya lau fafamatano be kabobo ya abi hitin, na ya guli lidi ahena yai. 8 Iêipana yai Bowasi ya eno bui, waihin ahena sadaina yai ya laulau eno, ya tau hitiyen. 9 Bowasi ya fatiêo, iyen, Um sai? Luta alinana ya bui, iye, Baêisa, Yau! Em mwahu mate, bena wa faigu, be wa ita watanigu, paêana am hwahwayasa mate yau. 10 Bowasi ya liba, iyen, Guyau ya loholoho lisim yai, paêana em abi loholoho lisigu yai ya laêi, doha hige Naomi em abiêabiyena. Nuwana ibe haêa u lau hewali mahumahulana e dehadehana u yoêoi. In moho, higeêe. 11 Luta, atabahim, tabu u mode. Yau haba ginauli mahudoêidi wa fanufanuhadi E ginaulidi; doha dodoga nuêu yai te haêa sa sibaim, mate um waihin loholohona. 12 Wananaha mate um egu hwabu, haba E ita watanim. In moho, taumoho hesa in am hwahwayasa wananahana, habahim, yau. 13 Maihona te haba aiteêi wa miya, haba hwalahwalala te lobahi e higeêe, haba sai ya ita watanim. Yena higeêe, E liba dudulai, Yaubada matana yai mate, Yau haba mwahum E bahei. Doêata te, aiteêi wa miya eeâ, hwalahwalala. 14 Yo fede, ahena sadaina yai ya guli fuyo, na hola ma kamumuna, ya obiyo, paêana tabu nuêu ti mahata be ti ita yo Bowasi hige i fanuha bena sai i siba mate, in amainiya. 15 Bowasi ya libalau lisina, iyen, Em fakou u kamfahi be aiteêi u hese. Ena liba ya lau watan, yo fede, bali laêina begana haba doha 20 kilograms ya fagoi ganahewana yai, na ya saguhi be sa lau hitin, na dabayalona yai ya tole. Habahim ya fuyo duhu laêi. 16 Fuyana Luta ya fuyoma lawana lisina. Naomi ya fatiêo, iyen, Natugu, sidohana? Habahim, somo mahudoêina Bowasi ya ginauli, enehena ya dede, 17 yo hinaga, bali te ya felegu, na iyen, Ibege ma nima fafam u fuyo lawam lisina. 18 Habahim Naomi ya liba, iyen, Natugu, u bagibagi eeâ, somo hesa ya taumahata. Bowasi ibege i anyawasi, ana siga ginauli mahudoêidi sa dudulai.