Luta 1

1 Beyabeyana, Isalaela hola hige edi kin mate, tau fafadudulai edi fuya ita watanidi yai, nuêuna mate guliyam laêilaêi. Yo fede, taumoho hesa hesana Elimileka, in Sulu Efalata mate Betelehem yai sa miyamiya Diudeya Nuêuna ganahewana yai. Ma lahuna Naomi yo nanatudi luwaga, Malon yo Kiliyon, sa aulaha sa lau sa miya Mowabi Nuêuna yai. Fuyana amainiya sa miyamiya, 3 Elimileka ya peêi. Lahuna Naomi ma nanatuna luwaga ya peêi afuledi. 4 Yo fede, Mowabi wawahindi Opa yo Luta sa faidi. Bolima safuhudohudoêi sa ofi, mulina yai, 5 Malon yo Kiliyon hinaga sa peêi. Yo fede, Naomi hige lahuna yo nanatuna. 6 Boliman fisa sa ofi, mulina yai Naomi ya atahiyen mate, Guyau haêa ena dodoga ena loholoho ya feledi, be sa mahula. Yo fede, ya nonoha na, ma afa lawana Mowabi Nuêuna sa lau afulen. 7 Sa fatubu, sa aulaha sa lau Diudeya na edaêedana yai 8 ya libalau lebedi, iye, Au fuyo, be afa tinamiu ma afa haidamiu au miya! Haba Guyau ya loholoho lisimiu yai, doha ami loholoho lisigu yai yo tau peêi lisidi yai hinaga. 9 Haba Guyau ya saguhimiu be emi nahi ya famahatadi, na ami nahi fuyo, be emi luma ami fatubu bodaidi. Habahim, Naomi ya falafudi, na sa fatubu sa tan. Sa libalau, tiyen, Higeêe! Haba êe lau watanim, be te lau haidam lisidi. 11 Naomi alinadi ya fafiyo iyen, Nanatugu, au fuyo! Paêana somo be ami lau watanigu? Ami nuwatuhui bena haba E fanatu fuyo, be nanatugu tatau, na haba ami faidi? 12 Au fuyo emi nuêu! Paêana yau mate E tinalaêi, be hige gonowana ya nahi fuyo. E nuwatuhui, egu fuya ya ofi. Na ibe iêipa te E nahi, na nanatugu tatau, 13 Haba tabu au nahi na ami bagibagiyedi eeâ, sa hewali? Nanatugu, higeêe! Ami sibai mate hige gonowana. Yaubada ya taêai mulimuliyegu, be nuwagu ya heyayaêemiu. 14 Yo fede, hinaga sa tan fuyo. Habahim, Opa lawana ya falafu, be ya fuyo, na Luta ya toha didini. 15 Be Naomi ya libalau lisina iyen, Luta, falem nahi ya fuyo afa efana yo ena yaubada lisidi. Maêem au fuyo emi nuêu. 16 Luta iye, Tabu u fatamali fafuyogu! Wa lau somo: yau maêem, yo somo yai wa miya: yau maêem, Haidam: haidagu, Em Yaubada: egu Yaubada. 17 Ai somo wa peêi: haba ainiya E peêi hinaga, yo haba ainiya sa boêusaigu. Haba Yaubada ya kaumananaegu, yena somo E ginauli faheyaya. Ibe hige somo hesa i hinelida. Na peêi moho haba ya hinelida. 18 Yo fede, Naomi ya nuwatuhui mate Luta ya dudu wananaha, be hige somo hesa i libaen. 19 Sa lau eeâ, sa mahano Betelehem yai. Dodoga mahudoêidi nuwadi sa amna, na wawahin sa fatiêo fuyoêidi, tiyen Itete moêisa, Naomi? 20 Naomi, alinadi ya fafuyo, iyen, Tabu au atahigu Naomi, Au atahigu Kalapi, paêana Yaubada ya fanuwa heyayagu. 21 Amateêi E aulaha mate, egu ginauli boludi. Na Yaubada ya fafuyoguma te, hige egu ginauli. Tabu au atahigu Naomi, paêana Yaubada, Tau Gigibwali, ya kaumananaegu na heyaheyaya ya felegu. 22 Itete sidohana Naomi ma lawana Luta, Mowabi Nuêuna yai, sa fuyoma. Fuyanna sa mahano mate, mahula ya fatubu Betelehem yai. Kalahe hudoêi hesana bali, nenena doha laisi, ena fuya anaho.