Maleko 15

1 Ma hwalahwalalana tau antalasam babaêisadi, dodoga lalaêi, laugagayo tau lau faêataena yo Sanhedeli mahudoêidi sa faêoigogo na edi sa oiliba be Yesu sa au na sa lawen Pailati lisina. 2 Pailati ya fatiêo lau Yesu lisina iyen, Um Diusi edi Kin? Alinana, Yesu ya bui iyen, Iiâ, logena. 3 Tau antalasam babaêisadi ginauli mahudoêidi debadi yai Yesu sa fagilu. 4 Pailati ya fatiêo bodai iyen, Ginauli boludi haladi yai sa fagilum be alinadi haga u bui? 5 In moho, Yesu hola hige i libaliba, be Pailati ya noêo. 6 Bayawa Anêangogona yai edi laulau mate tau lau deli esega, sai sa fanuha haba Pailati ya soêefahi. 7 Doga hesa hesana Balabasi ma haidana haisa hiyala sa fatubu maidadi gabeman be sa aiyunu. Yo fede halana yai sa lau deli. 8 Baiwa sa laoma be Pailati sa anêetai, bena doga hesa ai deli ya soêefahi. 9 Pailati ya fatiêoidi iyen, Ami fanuha bena Diusi emi Kin E soêefahi? 10 Pailati ya sibai mate tau antalasam babaêisadi Yesu sa nuwa elaêelaêen, logena sa leyama lisina. 11 In moho tau antalasam babaêisadi mate dodoga sa eli fasifasinadi be tiyen, Balabasi u soêefahi! 12 Pailati ya libalau lisidi, iyen, Aho auwen, “In Diusi edi Kin.” Haba somo ai lisina E ginauli? 13 Sa yogayoga tiyen, U tutu fapatu! 14 Pailati ya fatiêo, Sidohana? Pilipili somo ya ginauli? Sa yoga laêilaêi tiyen, U tutu fapatu! 15 Pailati ena fanuha bena dodoga nuwadi ya faloholohodi, yo fede Balabasi ya soêefahi. Habahim ya liba be Yesu sa pidili yo bena haba sa lawen sa tutu fapatu. 16 Hiyala dodogadi Yesu sa lawen Gawana ena Luma dobidobina yai na faledi tau hiyala sa yoga gogondi. 17 Yesu mate Kin edi leli kapikapitana sa faliêo na kokukoku sa ginauli nulinuli yai be kuluna yai sa fakoku. 18 Sa yogalau lisina tiyen, Diusi edi Kin! Um mwahulim, hige ana siga! 19 Kuluna yai sa oiêoi, sa lau kanisoi yo sa tulibono be edi fadebasae bwalabwala sa ginauli. 20 Sa laulau faliuhwaêen ya ofi, luhuluhu kapikapitana sa unufahi na ana leli sa faliêo fuyoi. Habahim sa foya lawen Yelusalem ganamulina yai be bena sa tutu fapatu. 21 Na Sailin dogana hesa hesana Saimon nuêu kiukiu yai ya laolaoma duhu laêi ganahewana. Na hiyala dodogadi sa bayahoi be Yesu aba tutu fapatuna ya bahei. Saimon nanatuna mate Alesandiya yo Lufosi. 22 Yesu sa foya lawen nuêu hesa hesana Gologota. (Aniyona mate Kulukulu Nuêuna.) 23 Amainiya mate wain maêena kamkamna mulamulana sa faêasi esegahidi be sa felen. Na hige i nom. 24 Sa tutu fapatu mulina yai, ana leli sa pei dailidi na habahim sa pelei be haba sai tausomo ya wini mate ya abi, enehena. 25 Yesu edi fuya tutu fapatuna mate naen koloki hwalahwalala. 26 Edi aba fagiluna sa uli oyagi tabatabana yai tiyen, “Diusi edi Kin,” mate sa tutu fapatu Yesu kuluna maitina yai. 27 Tau angafu luwaga hinaga sa tutu fapatudi, esega sibana yai, na esega seuseulina yai. Logena, sa fawananaha Buka Beyabeyana yai, tiyen, “In maêedi dodoga heyeheyayadi sa tutu fapatudi.” (Isaiya 53:12) 29 Dodoga sa bayabayawa mate sa liba fafaheyaya yo kuludi sa fafakwadedi na tiyen, Agu ya moêisa! Um bena Dubu Tabuna wa dem lopalopa na lahai faihonana yai haba wa faêobiyo fuyoi! 30 U fofofahi fuyoim be ai aba tutu fapatum ni u tulu beêuma! 31 Tau antalasam babaêisadi yo laugagayo tau lau faêataena hinaga Yesu sa lau faliuhwaêen tiyen, Haisa ya fofofahidi na in hige gonowana i fofofahi fuyoi. 32 Keliso, Isalaela eda Kin, aho te haga ai aba tutu fapatum ni u tulu beêuma be ai itam. Haba êe kawawananahaêem. Salumadi Yesu maêedi sa tutu fapatudi mate Yesu sa liba fafaheyaya hinaga. 33 Lahai laêi yai nuêu mahudoêina mate ya kamumu esegahi eeâ, awa faihona. 34 Tili koloki yai Yesu ya yoga laêilaêi iyen, Eloi! Eloi! Lama sabatani? Aniyona mate, Egu Yaubada! Egu Yaubada! Paêana somo wa nuwa afulegu? 35 Dodoga haisa amainiya sa obiêobiyo sa atahi be tiyen, Au atahi. Ilaidiya ya yogayogai. 36 Taumoho hesa ya lautafo be bwalofi ya abi ya bwalu lidiyen wain tabutabuluna yai na didiyali yai ya gwaliyen be ya lolo hasaen Yesu gibulana yai na iyen, Haga ta ita! Ilaidiya bena haba i laoma i taluhi? 37 Yesu ya êwalaêui yo fede ya tuhufahi. 38 Bili daili kalekona Dubu Tabuna ganahewana yai ya tapuliti luwagai, hewa yai ya lidi ubu. 39 Hiyala tau lau kulukuluwena ya obiêobiyo Yesu nuwanuwana yai mate sidohana Yesu ena peêipeêi ya ita. Na iyen, Doga itete mate wananaha Yaubada Natuna. 40 Wawahin haisa mate eda lofalofa yai sa itaêitama. Ganahewadi yai mate Maliya Magadala, Salome yo Maliya hudoêi (Diyemsi kiukiu yo Diyosesi tinadi). 41 Fuyana Yesu Galili yai mate, wawahin te sa lau watan yo sa sagusaguhi. Na hahaisa maêedi sa lau Yelusalem mate amainiya hinaga. 42 Abi Nonoha Lahaina na maimailafina Sabati faêatitina ya fatubu. Yo fede Alamatiya dogana hesana Diyosepa ma nuwa adidilina ya lau Pailati lisina be Yesu silanna ya anêetai. In mate Konisela hesa Sanhedeli ganahewana yai na sa fafaêatitiyen. Yaubada Aba Baêisa Nuêuna ya laolaoma ibona ya bagibagiyen. 44 Fuyana Pailati ya atahiyen Yesu haêa ya peêi mate ya tauhiti. Yo fede hiyala tau lau kulukuluwenna ya yogai be somo ya atahiyen wa, ya fatiêoi be tau hiyala iyen, Wananaha, haêa ya peêi. 45 Pailati ya fawananaha mate haêa ya peêi. Yo fede ya liba be Yesu silanna Diyosepa ya abi. 46 Habahim Diyosepa silanna ya taluhi lidiyen, na kaleko loholohona ya une amainiya ya suma. Bwanali haêa sa pidi nonohai galina yai ya boêusai. Habahim umeêehu ya fatapipili be ya gudu buluhi. 47 Maliya Magadala yo Maliya Diyosesi tinana Yesu aba boêusaina sa ita.