Aba Fatubu 4

1 Adam ma lahuna Iwa sa eno bili, yo fede Iwa ya boga be natuna Kaina ya yosi. Na ya liba iyen, Guyau ena faisagusagu yai natugu taumoho E yosi. 2 Muliyai natuna hesa hesana Abela ya yosi. Fuyanna sa lalaêi, Abela mate yosiyosi tau itaêita watanidi, na Kaina mate gabu tau paipaisowa. 3 Fuya hesa Kaina kalahe ya umahidi, anêandi ya abidi ya lau Guyau ya felen ena antalasam. 4 Abela hinaga sipi natuna halahala fwauna tubu loholohona ya wunui be tefana ya lau Guyau ya felen, ena antalasam. Guyau Abela ya ita faloholoho yo ena antalasam hinaga. (Hebelu 11:4) 5 In moho Kaina ena antalasam Guyau hige i ita faloholoho. Yo fede Kaina ya manabala be ya dulu. 6 Habahim Guyau ya libalau Kaina lisina iyen, Paêana somo be wa manabala? Sidohana be wa duludulu? 7 Ibe wa sibai somo wa ginauli ya loholoho, haba wa kwade. Na paêana heyaya wa ginauli, heyaheyaya haêa em edaêeda ya dulu tawan be ya tanuwagaim. In moho bena wa anfalen. 8 Habahim Kaina tasina Abela ya faliba iyen, Te lau, te laulau tiga. Fuyana sa laulau tiga Kaina tasina ya tohai be ya wunui. 9 Habahim Guyau ya libalau Kaina lisina iyen, Hidam Abela somo yai? Alinana Kaina ya bui iyen, Hige ya sibai. Yau hige hidagu ya itaêita watan. 10 Guyau iyen, Somo wa ginauli? Tasim êwasinana tanohi yai ya yogayoga hasaema lisigu. 11 Aho ite E kaumananaem. E duwim nuêu yai te. Hidam êwasinana ya tabuliwa, itaêitana doha tanohi te moêana i tasoêe be êwasinana i tofi, fuyana wa lau funuhi. 12 Yena ai tanohina ni wa paisowa, gabuna ibege anêanna. Um haba tau laulau gaibu ai tanoêubu. 25 Adam ma lahuna Iwa sa eno bili fuyo, natudi taumoho, na hesana sa tole: Seti. Iwa iyen, Yaubada ya ainauya fuyoêigu. Natugu Abela falau damahina, fuyanna hidana ya wunui. 26 Seti hinaga natuna taumoho. Hesana ya tole: Inosi. Fuyanna yai mate dodoga sa fatubu Guyau hesana sa fadebasae.