1 Kin 11

1 Guyau hige i fanuha bena Isalaela yaubada bwalabwala ti fadebasaedi. Debana yai ya liba fanuwa tagudi tabu nuêu haisa wawahinidi ti faidi. (Diutelonomi 17:14-20; 1 Samuwela 10:25) Solomon lalahuna boludi ganahewadi yai tausomo ya fanuha wananahaidi mate itete: Kin Falo natuna, Mowabi, Amon yo Idom, Sidon yo Hiti wawahinidi. Ganahewadi yai mate Falo natuna ya fanuha wananahai. 3 Yo hatafele 700 ya faidi, na 300 mate ena fayofayo tau abidi. Yo fede sa foya ponoli. 4 Solomon ena tautaulaêi yai, lalahuna sa lawen be edi yaubada ya fadebasaedi. Tamana Deiwidi ena laulau hige i lau watan be Guyau Yaubada i fadebasae. 5 Sidon edi yaubada bwalabwala Asiteleti yo Amon edi yaubada heyaheyayana hesana Moleka, mate Solomon ya fadebasaedi. (Paisowa 7:43) 7 Yelusalem ganamulina tefa saisaina piupiu hitina yai, Mowabi edi yaubada heyayana hesana Kemosi yo Amoli edi yaubada heyayana Moleka aba fadebasaedi Solomon ya ginaulidi. 8 Afa lalahuna mahudoêidi ya fagonafidi, be haba mulamula panepanedi yo antalasam hahaisa sa gabudi edi yaubada lisidi. 9 Isalaela edi Guyau yo edi Yaubada ya taumahata ma luwaga Solomon lisina yai. In moho ya moêa peiyen. Yo fede Guyau manana ya bala, 10 paêana haêa ya falaugagayo tabu yaubada haisa i famuli watanidi. In moho Solomon hige ena laugagayo i lau watan. 11 Yo fede Yaubada ya libalau lisina iyen, Somo E falibam hige u lau watan na em nuwatuhu moho wa lau watan. E angwala mate em dudulai haba E abifahi be em tau paisowa E felen. 12 In moho paêana Deiwidi mate tamam, be haba hola em aba taêai yai wa miyamiya. Natum haba hola E bagi watan eeâ, ya famala kin, habahim em aba taêai haba E abifahi. 13 In moho, ibege nuêu mahudoêidi ya abifahidi lisina yai, haba sulu esega E felen egu tau paisowa Deiwidi debana yai, yo Yelusalem debana yai, paêana E fasinabo. 26 Nebati natuna Delebowam, ya liba faiêabi Kin Solomon lisina yai hinaga. In ena tau paisowa hesa laêilaêi na ena nuêu mate Seleda taonna, Ifelaim nuêuna yai. Tinana hwabuhwabu, hesana Seluwa. 27 Delebowam sidohana ena liba faiêabi kin lisina yai dedena doha ite: Solomon tamana Deiwidi, ena taon Yelusalem halu hobodi ya lau famohafu yo ganana tamotundi ya ginauli fuyoêidi. (1 Kin 9:15) 28 Delebowam in tau paisowa loholoho na Solomon ya ita mate gonowana, be ya tole Sulu Manase yo Ifelaim edi paisowa pelena tau ita watanina. 29 Fuya hesa Yelusalem ganamulina yai, Delebowam edaêeda yai ya laulau na Ahaida, Silo edi Peloweta mate ya failobahi. Hige sai hesa maêedi, ibodi moho. Na peloweta wa luhuluhu falifalihuna ya luhufi. 30 Ahaida luhuluhu fwaufwauna tauna yai ya abifahi be ya kamgigi senana safuhudohudoêi luwaga. 31 Habahim Delebowam ya faliba iyen, “Sena safuhudohudoêi u abidi, enehem, paêana Guyau, Isalaela edi Yaubada ya liba iyen, ‘U itaêita, Yau mate, Solomon haba E kamfahi ena aba tanuwaga nuêuna yai na sulu safuhudohudoêi haba E felem." 32 Solomon ya taêai mulimuliyegu. Egu laulau hige i laulauwedi. Yo fede ya lauêuêula lau Sidon edi yaubada bwalabwala waihin hesana Asitoleti, Mowabi dodogadi edi yaubada, Kemosi yo Amon dodogadi edi yaubada, Moleka lisidi hinaga. Hige loholoho i ginauli matagu yai yo egu liba yo laugagayo hige i lau watanidi. Hige doha tamana, Deiwidi ena laulau. Deiwidi egu tau paisowa na Isalaela suludi mahudoêidi ganahewadi yai E fasinabo yo Yelusalem hinaga E fasinabo, yau, enehegu. Debadi yai sulu esega moho haba E biya afulen be Solomon hola ya ita watan. 35 Peloweta Ahaida ya libalau Delebowam lisina, iyen, Isalaela dodogadi haba E abifahidi Solomon natuna ena aba baêisa nuêuna yai, na haba sulu safuhudohudoêi E felem. 40 Kin Solomon ya anpate bena Delebowam ya wunui. In moho Delebowam ya gela be ya lau Idipi. Be Sisaki Nuêuna yai ya miya eeâ, Solomon ya peêi. 42 Solomon, Isalaela mahudoêina ya ita watan mate bolima laêina 40. 43 Habahim ya peêi be tamana Deiwidi ena Nuêu yai sa boêusai. Yo fede, natuna Lehebowam ya falau damahi.