SAAMUNƆ 29

1 A malaikanↄ, à Dii tↄ́ kpá, à gakui kↄ̃n gbãaao dↄ̃ Diinɛ. 2 À Dii tↄ́ kpá, à kúɛ Diinɛ à kúadona gupuraan. 3 Dii kòto dↄ ínↄla, Luda Gakuide è tó lou pũtã, Dii kòto kĩi dↄ ínↄ musu. 4 Dii kòto gbãaa dↄ, Dii kòto gakui vĩ. 5 Dii kòto è sida línↄ para, Dii è Lɛbanↄ bùsu sida línↄ para. 6 È tó Lɛbanↄ kpiiinↄ vĩvĩ lán zùnɛ bà, Ɛmↄni gbɛ̀ sↄ̃ lán zùswarenɛ bↄ̀rↄ bà. 7 Dii kòto è bↄ kↄ̃n loupinao, 8 Dii kòto è gbáa nigã, Dii è Kadɛsi gbáa nigã. 9 Dii kòto è línↄ nigã, è líkpɛnↄ pu, gbɛ̃ kɛ̀ aↄ̃ↄ kú à ua guunↄↄ e beenɛ, Gakuideen à ũ. 10 Dii kú í kɛ̀ dana andunalaa musu, Dii vɛ̃ɛna Kí ũ gurↄ píngi. 11 Dii è a gbɛ̃nↄ gba gbãaa, Dii è aubarika dańgu aↄ̃gↄ̃ aafia.