ZABURA 87

SIM

¹ Luda a wɛ̃tɛ kàtɛ kpi kũ à kú adona musu,

² Dikiri ye Zaiↄ̃ bĩnilɛnↄi de Yakubu burinↄ wɛ̃tɛ kparanↄla pínki.

³ Luda wɛ̃tɛ, Luda gakuriyã ò n musu à pì:

⁴ Mani Misilanↄ kũ Babilↄnudenↄ da gbɛ̃ kũ ò ma dↄ̃nↄ tɛ́. Filisitininↄn kú a gũn dↄ kũ Tayadenↄ kũ Etiopianↄ. Oni pi, ò gbɛ̃ birenↄ ì gwemɛ.

⁵ Zaiↄ̃ yã musu oni pi: Ò wãanɛ kũ wãanɛo ì gwemɛ, Luda Musude mɛ́ àdi a zĩni pɛ́tɛ gíngin.

⁶ Tó Dikiri tɛn gbɛ̃nↄ tↄ́ da takadan, ani pi: Ò gbɛ̃ dí ì gwemɛ.

⁷ Lɛ̀sirinↄ kũ ũwãrinↄ ń pínki ò pi: Ó manakɛ pínki dì bo Zaiↄ̃mɛ.