ZABURA 85

SIM

¹ N arubarikaa dà n bùsun, Dikiri, n su kũ Yakubu burinↄ ń gwena zĩn.

² N n gbɛ̃nↄ taarinↄ gòḿma, n ń durunnanↄ kɛ̃̀ḿma pínki.

³ N n pↄ kpã̀kpãa tò pínki, n n pↄfɛ̃ pãsĩ tò.

⁴ Ǹ su kũoo ó gwena zĩn, Luda ó Surabari, ǹ pɛ̃tɛ̃ kũ n kɛ̀ kũoo lago.

⁵ N pↄ nigↄ̃ fɛ̃nawái gↄrↄ sĩnda pínkin yá? Ĩnigↄ̃ n pↄfɛ̃gↄrↄ gága wɛ̃̀ kũ wɛ̃̀ɛon yá?

⁶ Ĩni ɛra ǹ n gbɛ̃nↄ kunna kɛkɛ ǹ kɛńnɛ dↄ, de ń pↄ le à kɛmma nnaroo?

⁷ Dikiri, ǹ n gbɛ̃kɛ mↄwɛrɛ, ǹ ó sura ba kũ n gbãnao.

⁸ Ma sã dↄ Dikiri Luda yã'onaaa, zaakũ àdi aafia lɛ́ sɛ́ a yãmarinↄnɛ, tó odi ɛra ò sù ń yↄ̃̀nkↄyãnↄaro.

⁹ A vĩnakɛrinↄ surabanaa gↄrↄ zã̀ro, de a gakuri le àgↄ̃ kú ó bùsun yãi.

¹⁰ Gbɛ̃kɛ kũ náanio dì dakarɛ, yãzɛde kũ aafiaao dì ↄ kpákↄ̃a.

¹¹ Náani dì ↄ poro musu, yãzɛde dì ↄ nↄnↄ zĩtɛ.

¹² Dikiri ni yã mana kɛwɛrɛ, ó zĩtɛ ni pↄ́ble kɛ.

¹³ Yãzɛde dìgↄ̃ tɛ́ a arɛ, àdi zɛ́ kɛkɛnɛ.