ZABURA 8

SIM

¹ Dikiri ó Dikiri, n tↄ́ bò andunia gũn pínki, n gakuri bò gupuraa musu.

² N dà nɛ́ fítinↄnɛ kũ nɛ́kpãntɛ̃nↄ ò n sáabu kpá de n ibɛrɛnↄ kũ n zãnguri mↄrakarinↄ yĩtɛ.

³ Kũ ma n zĩ gwà musu, mↄvura kũ susunɛ kũ n pɛ̀pɛ gwenↄ,

⁴ ma pì bↄ́n bisãsiri ũ kũ a yã dìgↄ̃ dↄnguu? Bↄ́mɛ a ũ kũ n laakari dↄaa?

⁵ N a kɛ̀ kĩana malaikanↄi fíti, n a kà kpatan kũ gakurio kũ bɛ̀ɛrɛɛo.

⁶ N tò à kí blè pↄ́ kũ n kɛ̀nↄa, n tò pↄ́ sĩnda pínki mì nàtɛnɛ,

⁷ sãnↄ kũ zùnↄ kũ nↄ̀bↄsɛ̃ntɛnↄ pínki,

⁸ bãnↄ kũ kpↄ̀nↄ kũ pↄ́ kũ ò kú ísira gũnnↄ.

⁹ Dikiri ó Dikiri, n tↄ́ bò andunia gũn pínki.