ZABURA 63

SIM

¹ Luda, ma Ludamɛ n ũ, matɛni n arɛ wɛtɛ, ma nini yenyĩ, matɛni lukanyĩ lán zĩtɛ kori kũ à ye íi bà.

² Ma n e n kúkia, ma wɛ́ sì n gbãna kũ n gakuriolɛ.

³ Zaakũ n gbɛ̃kɛ manamɛnɛ de wɛ̃̀ndila, n sáabukpana nigↄ̃ da ma lɛ́n.

⁴ Manigↄ̃ n tↄ́ kpá ari ma wɛ̃̀ndi lɛ́n, mani ↄ sɛ́ musu mà n sísi.

⁵ Ma nɛ̀sɛ ni kã lákũ òdi pↄ́ nna ble ò kã nà, n táakilɛna nigↄ̃ da ma lɛ́n kũ ayuwiikɛnaao.

⁶ N yã dì dↄmagu ma wútɛkia, madì laasun lɛ́mma gwãani.

⁷ Ma sↄtↄna n orun, matɛn lɛ̀ sí, zaakũ mↄkↄ̃mmɛ ma kpanyĩri ũ.

⁸ Ma nini namma, ń ma kũna n ↄplan.

⁹ Gbɛ̃ kũ òtɛni ma wɛnↄ ni kakatɛ, ò gɛ̃ zĩtɛ.

¹⁰ Luda ni tó ò ń dɛdɛ kũ fɛ̃nɛdaomɛ, ò gↄ̃ gbɛ̃gbonnↄ pↄ́ble ũ.

¹¹ Kína sↄ̃ ani pↄnna kɛ kũ Ludao. Gbɛ̃ kũ òdi la da kũ Ludaonↄ ni a sáabu kpá, ɛ́kɛdenↄ sↄ̃, ń lɛ́ nigↄ̃ nakↄ̃ana.