ZABURA 53

SIM

¹ Yↄ̃nkↄ dì pi a swɛ̃̀n Luda kunlo. Gbɛ̃nↄ yàka, ń yãkɛnaa vãni, yãmanakɛri ke kú ń tɛ́ro.

² Zaa musu Luda dì bisãsirinↄ tàasi ká à gwa tó gbɛ̃ke ↄ̃ndↄ̃ kà à a kĩnaa wɛtɛ.

³ Ò sã̀tɛ ń pínki ò gↄ̃̀ dↄ̀rↄↄ sari míↄmiↄ, yãmanakɛri ke kú ń tɛ́ro, bee mɛ̀n do.

⁴ Yãvãnikɛrinↄↄ dↄ̃na vĩroo? Òdi ma gbɛ̃nↄ mↄ́mↄ lán ú bà, òdi Luda sísiro.

⁵ Gwen vĩna ń kũn manamana, vĩnapↄnↄn kú gwe sↄ̃ro. Luda tò gbɛ̃ kũ ò lɛ̀tɛáwanↄ gↄ̃̀ katɛna gɛ̀nↄ ũ, a wé'i dàḿma kũ Luda gìńyĩ yãi.

⁶ Luda, ǹ bo Zaiↄ̃ ǹ mↄ́ ǹ Isarailanↄ sura ba! Tó Luda ɛ̀ra à sù kũ a gbɛ̃nↄ ń gwena zĩn, Yakubu burinↄ ni pↄnna kɛ, Isarailanↄ ni yáa dↄ.