ZABURA 46

SIM

¹ Ludan ó utɛki ũ kũ ó gbãnao, àdigↄ̃ kpáwái gↄrↄ sĩnda pínki ó warikɛnaa gũn.

² A yã mɛ́ à tò bee tó andunia yàka akũsↄ̃ kpinↄ lɛ̀tɛ ò sì ísiran, bee tó í pì kĩni kà à fùtaa bò akũsↄ̃ kpinↄ dège kũ kĩnio, swɛ̃̀ ni kɛ̃óguro.

⁴ Swa ke kun kũ a í dì su kũ pↄnnao Luda wɛ̃tɛ gũn, Luda Musude kúki kũ à kú adonaa pìi.

⁵ Luda kú wɛ̃tɛ pìi gũn, ani gↄ̃ bɛzĩ ũro, Luda ni kpái gudↄo.

⁶ Burinↄ tɛn wiki lɛ́, kpatanↄ tɛn yĩgã, Luda pũ̀tã, akũ andunia yↄ̀.

⁷ Dikiri Zĩ̀karide kú kũoo, Yakubu Ludan ó utɛki ũ.

⁸ À mↄ́ à Dikiri yãkɛnanↄ gwa, lákũ à yã yìa anduniaa nà.

⁹ Àkũ mɛ́ àdi zĩ̀i mì dɛ ari andunia lɛ́n, àdi sánↄ ɛ́'ɛ àdi sárinↄ dúgu zↄ̃, àdi tɛ́ sↄ̃ sɛ̃gbakonↄa.

¹⁰ À zɛ tɛɛnɛ àgↄ̃ dↄ̃ kũ makũmɛ Luda ũ. Burinↄ ni ma tↄ́ sɛ́ lei, oni ma tↄ́ kpá andunia gũn pínki.

¹¹ Dikiri Zĩ̀karide kú kũoo, Yakubu Ludan ó utɛki ũ.