ZABURA 4

SIM

¹ Tó ma n sisi, ǹ wema Luda ma zɛkũnwode, tó má kakũnna, ǹ ma gba ĩampaki, ǹ ma wɛ̃nda gwa ǹ ma aduakɛna sí.

² Gbɛ̃nↄ, áni gí àgↄ̃ wé'i da ma Luda gakuridea ari bↄrɛmɛɛ? Ánigↄ̃ ye pↄ́ pãnↄi àgↄ̃ tɛ́ tãnanↄin yá?

³ Àgↄ̃ dↄ̃ kũ Dikiri a gbɛ̃nↄ dìtɛ adona, tó ma a sìsi, ani ma yã ma.

⁴ Tó a pↄ fɛ̃̀, àsun durunna kɛro, à laasun lɛ́ á wutɛbↄ musu à yĩtɛ.

⁵ À sa kũ à de à o o, à Dikiri náani kɛ.

⁶ Parinↄ dì pi: Dí mɛ́ ani yã mana kɛwɛrɛɛ? Ǹ ãn werewá, Dikiri, ǹ arubarika daógu.

⁷ Bee tó pↄ́blewɛ kũ sèwɛ̃o dińyĩ, pↄnna kũ ń dàmɛnɛ ma swɛ̃̀n de ń pↄ́la.

⁸ Madì wútɛ mà i o nnanna, zaakũ Dikiri, mↄkↄ̃mmɛ ndì tó màgↄ̃ kú ma laakariia.