ZABURA 148

SIM

¹ Aleluya! À Dikiri táaki lɛ́, a bedenↄ! À a táaki lɛ́ zaa musu!

² À a táaki lɛ́, a malaikanↄ á pínki! À a táaki lɛ́, a ìbanↄ á pínki!

³ À a táaki lɛ́, ifãntɛ̃ kũ mↄvuraao! À a táaki lɛ́, susunɛ ínnanↄ pínki!

⁴ À à táaki lɛ́, sarapura musumusu pↄ́nↄ kũ í kũ à kú ludambɛlanↄ.

⁵ Ò Dikiri tↄ́ bo, zaakũ à yã ò, akũ ò kun.

⁶ À ń pɛpɛ ń pɛ́pɛkia de ògↄ̃ kú gwe gↄrↄ sĩnda pínki, à doka dìtɛńnɛ, oni fↄ̃ ò vĩalaro.

⁷ À Dikiri táaki lɛ́, pↄ́ kũ ò kú zĩtɛnↄ, kpↄ̀ gbɛ̃̀ntɛ̃nↄ kũ ísira lↄ̀nↄ

⁸ kũ legũpinaao kũ legũgbɛɛo kũ legũsisinaao kũ zàga'ĩa kũ àdi mìi natɛ a yãnɛɛo,

⁹ kũ kpinↄ kũ sĩ̀sĩnↄ pínki kũ lí nɛ́'irinↄ kũ sida línↄ pínki,

¹⁰ kũ nↄ̀bↄsɛ̃ntɛnↄ kũ pↄ́kãdenↄ pínki kũ pↄ́ kũ òdi táa o kũ kùaonↄ kũ bãnↄ,

¹¹ kũ andunia kínanↄ kũ burinↄ pínki kũ kínanɛnↄ kũ bùsu gbãnadenↄ ń pínki,

¹² kũ kɛfɛnnanↄ kũ nↄkparenↄ ń pínki kũ gbɛ̃ zↄ̃kↄ̃nↄ kũ nɛ́ fítinↄo.

¹³ Ò Dikiri tↄ́ bo, zaakũ a mɛ̀n do tↄ́ mɛ́ à zↄ̃kↄ̃, a gakuri de musu kũ zĩtɛola.

¹⁴ À kína kà a gbɛ̃nↄnɛ, kũ a yãmarinↄ dì a táaki lɛ́, Isaraila kũ ò kãni kãaonↄ. Aleluya!