ZABURA 14

SIM

¹ Yↄ̃nkↄ dì o a swɛ̃̀n Luda kunlo. Gbɛ̃nↄ yàku kpà, ń yãkɛna vãni, yãmanakɛri ke kú ń tɛ́ro.

² Zaa musu Dikiri dì bisãsirinↄa tàasi ká à gwa tó gbɛ̃ke ↄ̃ndↄ̃ kà à a ki wɛtɛ.

³ Ò sã̀tɛ ń pínki ò gↄ̃̀ dↄ̀rↄↄ sari míↄmiↄ, yãmanakɛri ke kú ń tɛ́ro, bee mɛ̀n do.

⁴ Vãnikɛrinↄn dↄ̃na vĩnloo? Òdi ma gbɛ̃nↄ mↄ́mↄ lán ú bà, òdi Dikiri sísiro.

⁵ Gwen vĩna ń kũn manamana, zaakũ Luda kú kũ gbɛ̃ mananↄ.

⁶ Òdi kpá takasidenɛ a pↄyeinakɛnaa, ama Dikirimɛ a utɛki ũ.

⁷ Luda, ǹ bo Zaiↄ̃ ǹ mↄ́ ǹ Isarailanↄ sura ba! Tó Dikiri sù kũ a gbɛ̃nↄ ń gwena zĩn, Yakubu burinↄ ni pↄnna kɛ, Isarailanↄ ni yáa dↄ.