ZABURA 138

SIM

¹ Mani n sáabu kpá kũ nɛ̀sɛdoo, mani n táaki lɛ́ gbãnadenↄ arɛ.

² Mani kútɛ mà arɛ dↄ n kpɛ́ kũ à kú adona kpa, mani n tↄ́ bo n gbɛ̃kɛ kũ n náanio yãi, zaakũ n n tↄ́ kũ n yãoo sɛ̀ lei de pↄ́ sĩnda pínkila.

³ Kũ ma n sisi, n wema, ǹ ma kù kɛ gbãna, ǹ ma swɛ̃̀ kpátɛ.

⁴ Tó andunia kínanↄ yã kũ n òo mà, oni n sáabu kpá ń pínki, Dikiri.

⁵ Oni lɛ̀ sí Dikiri yãkɛnanↄ musu, zaakũ Dikiri gakuri zↄ̃kↄ̃.

⁶ Bee kũ Dikiri kunnamusukɛo, àdi gbɛ̃ kĩananↄ wɛ̃nda gwa, àdi wɛ́ tá zĩdabirinↄla.

⁷ Bee tó wɛ́tãmmanaa lìkamai, ndì ma wɛ̃̀ndi dãkpã, ndì ma ibɛrɛnↄ pↄfɛ̃ kpátɛ, ndì ma sura ba kũ n gã̀ gbãnao.

⁸ Dikiri ni yã kũ à ò papamɛnɛ. Dikiri, n gbɛ̃kɛ lakana vĩro, ǹsun makũ kũ n ma kɛ tóro.