ZABURA 125

¹ Dikiri náanikɛrinↄn de lán Zaiↄ̃ kpi bà, à yĩgãyĩgãna vĩro, àdigↄ̃ kun gↄrↄ sĩnda pínki.

² Lákũ kpinↄn likana Yurusalɛmui nà, lɛn Dikiri likana a gbɛ̃nↄi lɛ zaa tera ari gↄrↄ sĩnda pínki.

³ Gbɛ̃ vãninↄ ni le ògↄ̃ kí ble gbɛ̃ mananↄ bùsun ògↄ̃ gɛ́ro, de gbɛ̃ mananↄ sún ↄ da vãnikɛnanlo yãi.

⁴ Dikiri, ǹ yã mana kɛ gbɛ̃ mananↄnɛ, gbɛ̃ kũ ń nɛ̀sɛ puranↄ.

⁵ Gbɛ̃ kũ ò zɛ́ kotinaa sɛ̀nↄ sↄ̃, Dikiri ni ń wara kũ vãnikɛrinↄmɛ. Luda Isarailanↄ gba aafia!