ZABURA 121

¹ Ma wɛ́ dↄ sĩ̀sĩnↄ kpa, gu kũ ma kpányĩ dì bon.

² Ma kpányĩ dì bo Dikiri kĩnaamɛ, àkũ mɛ́ à musu kũ zĩtɛoo kɛ̀.

³ Ani tó n gbá sataro, n dãkpãri ni idekũ dɛro.

⁴ Isarailanↄ dãkpãri ni idekũ dɛro fá, ani i o sero.

⁵ Dikirimɛ n dãkpãri ũ, Dikiri dennɛ ura ũ n ↄplai.

⁶ Ifãntɛ̃ ni n lɛ́ fãnantɛ̃ro, kesↄ̃ mↄvura gwãani.

⁷ Dikiri ni n sí kisira sĩnda pínkia, ani n wɛ̃̀ndi dãkpãnnɛ.

⁸ Dikiri ni n dãkpã n gɛnaa gũn kũ n sunaao zaa tera ari gↄrↄ sĩnda pínki.