ZABURA 101

SIM

¹ Mani lɛ̀ da gbɛ̃kɛ kũ yãzɛdeoo musu, mani lɛ̀ sínnɛ, Dikiri.

² Mani laakari kɛ màgↄ̃ kun taari sari, bↄrɛn ĩni sumaa? Manigↄ̃ kú ma ↄnn kũ nɛ̀sɛpurao.

³ Ma wɛ́ nigↄ̃ kú pↄ́ ginaaaro, mani zã yãdↄrↄsarikɛnan, ani namaro.

⁴ Ma nɛ̀sɛ nigↄ̃ manafiki vĩro, ma bàka nigↄ̃ kú kũ yã vãnioro.

⁵ Mani gbɛ̃ kũ àdi a gbɛ̃dake yaka a kpɛ kakatɛ, mani sùru fↄ̃ kũ karambaanidenↄ kũ zĩdabirinↄoro.

⁶ Ma wɛ́ nigↄ̃ kú ma bùsu náanidenↄa, de ògↄ̃ kú kũmao, gbɛ̃ kũ àdigↄ̃ kú taari sari nigↄ̃ de ma zĩkɛri ũ.

⁷ Mani we gbɛ̃sãtɛri gↄ̃ kú ma bɛaro, mani tó manafikide zɛ ma arɛro.

⁸ Manigↄ̃ ma bùsu gbɛ̃ vãninↄ láka lákũ gu dìgↄ̃ dↄ nà, manigↄ̃ yãvãnikɛrinↄ buri bo Dikiri wɛ̃tɛ gũn.