Qotei qa Lou 93

1 Tamo Koba Qotei a Mandor sosiqa iga taqatgeqnu. A ñam koba ti unu. A siŋgila koba ti unu. Aqa siŋgila dena a gara bul kabuejunu. A na mandam endi torei siŋgilatej unu. Deqa mandam a loumqa keresai. 2 O Tamo Koba, iŋgi iŋgi kalil brantosaisonabqa ni nami soqnem. Ni gaigai ino awo jaram kobaq di awesqam. Od, ni gaigai Mandor sqam. 3 O Tamo Koba, ni Qotei Goge Koba. Ni siŋgila koba ti unum. Ino siŋgila dena yuwal aqa siŋgila tulaŋ buŋyeqnu. Iga qalie, jagwa a tigeloqnsiqa yuwal korkortoqnsiqa alile qaloqnsiq anjam ateqnu. Ariya yuwal aqa siŋgila ti ino siŋgila ti ombla kerekere sai. 5 O Tamo Koba Qotei, ino dal anjam a tulaŋ bole gisaŋ sai. A bati gaigai sqas. Ino atra tal a dego bati gaigai sqas. A bole tiŋtiŋ getento koba.