Taitus 3
PNG1 O Taitus, ni na Kristen tamo uĆgasari naĆgi anjam endegsim minjroqne, “NiĆgi na mandor naĆgi ti sawa taqato qaji tamo kokba ti naĆgo sorgomq di sosibqa naĆgo anjam dauryoqniy. Osib gaigai wau bole yqajqa are qaloqniy. 2 NiĆgi tamo qudei naĆgi misiliĆ anjam minjroqnaib. Osib anjam na qotoqnaib. Gaigai lawo na sosib tamo uĆgasari kalil naĆgi kumbra bole osornjroqniy.” O Taitus, ni na Kristen tamo uĆgasari naĆgi anjam degsim minjroqne. 3 Ni qalie, iga dego nami areqalo uge ti sosimqa Qotei aqa anjam gotraĆyoqnem. Bati deqa Satan na iga gisa gisaĆgeqnaqa iga Qotei aqa gam bole dauryqa uratoqnsim kumbra uge uge dauryqajqa are pruggeqnaqa gago segi jejamu qa tulaĆ areboleboleigoqnej. Kumbra dena iga siĆgila na taqatgesoqnej. Deqa iga minjiĆ ti are uge ti sosim walweloqnem. Tamo qudei na iga jeutgeqnabqa iga kamba dego naĆgi jeutnjroqnem. 4 Ariya bati di Qotei agi iga eleĆej qaji a na iga tulaĆ qalaqalaigosiqa iga qa are boleiyosiq kumbra boledamu egej. Aqa kumbra di a segi na boleq atej. 5 Osiqa iga eleĆej. Gago segi wau bole bole iga yoqnem qaji a deqa osiq iga eleĆosai. A iga qa dulosiqa iga laĆa eleĆej awai saiqoji. Osiqa gago are miligi yansetgosiqa aqa Mondor Bole egsiqa iga aĆgro bunuj bul Ćambabtgej. 6 Yesus Kristus agi iga eleĆej qaji aqa wau na Qotei na aqa Mondor Bole qariĆyonaqa gago are miligiq aiyej. 7 Yesus a iga qa are boleiyej deqa iga Qotei aqa Ćamgalaq di tamo bole une saiqoji unum. Deqa mondoĆ iga Ćambile gaigai sqom. Iga Ćambile di oqajqa tariĆoqnsim unum. 8 Qotei aqa anjam di tulaĆ boledamu. Deqa iga anjam di gago areqaloq di siĆgilatqom. O Taitus, ni Qotei aqa anjam di siĆgila na palontoqnimqa tamo uĆgasari Qotei qa naĆgo areqalo siĆgilateqnub qaji naĆgi quoqnsib kumbra bole bole yoqnqab. Anjam dena tamo uĆgasari naĆgi aqaryainjreqnu. 9 Tamo qudei naĆgi laĆa laĆa ĆiriĆoqnsib nanari anjam maroqnsib laqnub. NaĆgi Moses aqa dal anjam qa ti naĆgo moma naĆgo ñam qa ti anjam na qoteqnub. NaĆgi anjam di marqajqa tulaĆ arearetnjreqnu. Iga qalie, anjam dena iga aqaryaigwa keresai. Deqa Taitus, ni tamo deqaji naĆgo anjam di quetnjraim. Torei urat. 10 Tamo bei na Kristen tamo uĆgasari naĆgo areqalo ugetetnjrsim naĆgi pupoinjrimqa ni na tamo di minjimqa aqa kumbra di uratem. A ni quetmosaiamqa olo minje. Minjimqa olo quetmosaiamqa ni a uratosim torei qoreiye. 11 Ni qalie, tamo deqaji naĆgi Qotei aqa gam torei urateqnub. NaĆgi une yo qaji tamo unub. NaĆgo une dena naĆgi osornjreqnu, naĆgi tamo uge. 12 Ariya Taitus, ni que. E na Artemas kiyo Tikikus kiyo qariĆyitqa a inoq gilqas. Gilsim mermimqa ni urur bosim Nikopolis qureq di e itbe. Yuwal ugeo bati qa e dia sqai. Soqnit ni bosim dia e itbe. 13 Apolos wo dal anjam qalie tamo Senas wo naĆgi aiyel ino qure uratosib walwelqa laqnibqa ni na aqaryainjrimqa naĆgi gamq di iĆgi bei qa truquqasai. 14 Ni na Kristen naĆgi anjam plaltosim minjroqnimqa naĆgi wau bole yoqnqajqa geregere qalieosib tamo qudei iĆgi iĆgi qa truqueqnub qaji naĆgi aqaryainjroqnebe. NaĆgi laĆa sosib wau bole bole yosaio uge. 15 Kristen kalil e koba na endi unum qaji naĆgi na ni kaiyeimonub. Deqa ni na kamba tamo uĆgasari iga tulaĆ qalaqalaigeqnub qaji naĆgi gago kaiye anjam endi minjrime. Tamo uĆgasari naĆgi di iga koba na Yesus qa gago areqalo siĆgilateqnum. O ijo was, Qotei a niĆgi kalil qa are boleiyeme. Bole.