Rom 3

PNG

‹ Chapter 2 Rom — All Chapters Chapter 4 ›

1 O ijo was, ni�gi kamba e merbqab kiyo, “O Pol, ni degsi maronum deqa u�gum, iga Juda tamo unum di la�a. Iga mulu� aiyem di dego la�a.” O was ni�gi e degsib merbaib. 2 Ni�gi quiy. Qotei a Juda na�go ba�q di i�gi bole bole atej. I�gi bole bei agiende. A na Juda na�gi aqa anjam taqatqa osiq wau enjrej. 3 Bole, Juda qudei na�gi Qotei aqa anjam di na�go areqaloq di si�gilatosaieqnub. Osib aqa anjam di dauryosaieqnub. Deqa iga endegsi marqom kiyo, “Qotei a dego aqa segi anjam di dauryosaieqnu”? 4 O ijo was, iga degsi marqasai bole sai. Iga endegsi marqom, “Tamo kalil na�gi gisa� tamo. Qotei a segi qujai gisa� tamo sai. A anjam bole gaigai maroqnsiq a olo uratosaieqnu.” Agi Qotei aqa anjam bei nami endegsib ne�gre�yeb unu, “O Qotei, ino anjam kalil bole. Deqa tamo qudei na ni pegimqa laqnibqa ni olo na�gi tula� bu�njrsim ni une saiqoji sqam." 5 Deqa ijo was, ni�gi kamba olo e endegsib merbqab kiyo, “O Pol, ni marobulonum, ‘Iga kumbra uge yoqnqom gam dena Qotei aqa segi kumbra bole olo brantoqnqas.’ O Pol, ni degsi marobulonum deqa iga kamba marqom, ‘Degwas di Qotei a kiyaqa gago une qa �iri�osim awai uge egwas? Qotei aqa kumbra di uge.’ Degsi marqom e?” O ijo was, iga degsi marqasai bole sai. Qotei a gaigai kumbra bole segi yeqnu. A kumbra bole yosai qamu a kiyersim tamo u�gasari kalil na�gi peginjrqas? Di keresai. Nu�go areqalo di mandam tamo na�go areqalo. 7 Ariya ni�gi olo e endegsib merbqab kiyo, “O Pol, ni marobulonum, ‘Iga gisa� anjam maroqnimqa gam dena Qotei aqa anjam bole olo brantoqnim aqa ñam tula� goge oqoqnqas.’ O Pol, ni degsi marobulonum deqa iga kamba marqom, ‘Degwas di Qotei a kiyaqa iga une tamo qa mergsim awai uge egwas?’” O ijo was, nu�go anjam di tula� uge. 8 Anjam uge deqaji tamo qudei na�gi mare mare laqnub. Agi na�gi endegsib mareqnub, “U�gum, iga kumbra uge uge yoqnqom. Yim gam dena kumbra bole olo brantoqnqas. Pol a anjam degsi palonteqnu.” O ijo was, tamo qudei na�gi degsib iga yomuigosib mareqnub. Di gisa� koba. Na�go kumbra uge dena Qotei na na�gi awai ugedamu enjrqas. 9 Deqa iga kiyersi marqom? Iga Juda tamo unum deqa iga na tamo kalil na�gi bu�njreqnum degsi marqom e? Iga degsi marqasai. E nami mer�gonum, iga Juda ti Grik ti kalil une na kabutgejunu. 10 Agi Qotei aqa anjam bei nami endegsib ne�gre�yeb unu, “Tamo bole bei sosai. Qujai bei a Qotei aqa kumbra bole dauryosaieqnu. Tamo dego bei sosai. 11 Tamo qujai bei a Qotei qa poiyosaieqnu. Qujai bei a Qotei itqa are qalosaieqnu. Tamo dego bei sosai. 12 Tamo kalil na�gi gam bole uratekriteqnub. Na�gi kalil tamo uge. Qujai bei a kumbra bole dauryosaieqnu. Sai bole sai. 13 Na�gi kalil anjam uge marele�eqnub. Tamo moiyo qaji sub waqesonaq tamo na�go jejamu sub miligiq di qusaeqnu dego kere tamo kalil na�go medabu na anjam tula� uge uge mareqnub. Na�gi gisa� anjam koba marele�eqnub. Amal uge na tamo uñinjreqnub dego kere tamo kalil na�go medabu na tamo na�gi tula� ugetnjreqnub. 14 Osib gaigai na�go medabu na tamo na�gi qa anjam uge maroqnsib na�gi qa are ugeinjreqnu. 15 Na�gi bati gaigai tamo ñumsib moiyotnjrqajqa urur ti gileqnub. 16 Na�gi na tamo na�gi ugeugeinjrqajqa are qaloqnsib gulbe koba enjreqnub. 17 Na�gi lawo kumbra qaliesai. 18 Na�gi Qotei yala ulaiyosaieqnub.” O ijo was, Qotei aqa anjam nami degsib ne�gre�yeb unu. 19 Iga qalie, Moses a tamo u�gasari dal anjam ejunub qaji na�gi qa are qalsiq dal anjam ne�gre�yej. Deqa tamo bei a endegsi marqa keresai, “E tamo bole. E une saiqoji.” A degsi marqa keresai. Iga tamo u�gasari kalil mandamq endi unum qaji iga Qotei aqa �amgalaq di une ti unum. 20 Deqa tamo bei a dal anjam dauryosim dena a Qotei aqa �amgalaq di tamo bole une saiqoji sqa keresai. Sai bole sai. Dal anjam na gago une iga osorgeqnu. Di segi. 21 O ijo was, iga Qotei aqa �amgalaq di tamo bole sqajqa gam bei unu. Iga dal anjam dauryqom gam dena sai. Qotei na gam bei babtosiq iga osorgej. Nami Moses a gam deqa marsiq dal anjamq di ne�gre�yej. Qotei aqa medabu o qaji tamo kalil na�gi dego gam deqa marsib anjam ne�gre�yeb. 22 Gam agiende. Tamo u�gasari kalil Yesus Kristus qa na�go areqalo si�gilateqnub qaji na�gi Qotei na tamo bole une saiqoji qa minjreqnu. Gam di segi. Gam bei saiqoji. 23 Iga kalil une ateqnum deqa iga la� qureq oqsim dia Qotei itqa keresai. 24 Iga degsi unum deqa Qotei na iga aqaryaigwa osiqa iga qa are boleiyosiq Kristus Yesus qari�yonaqa a bosiq iga awaigej. Gam dena Qotei na iga tamo bole une saiqoji qa mergeqnu. Di gago segi kumbra bole na sai. Qotei a Kristus Yesus aqa wau na iga la�a awaigej. 25 Agi Qotei a endegsi are qalej. A na Yesus qari�yim bosim moiyim aqa le� aisim tamo u�gasari kalil a qa na�go areqalo si�gilateqnub qaji na�go une taqal waiyosim Qotei aqa minji� kobotqas. Wau dena Qotei na iga tamo bole une saiqoji qa mergeqnu. Aqa wau di a na boleq atsiq iga osorgej. Nami Qotei a tamo na�gi qa tari�sokobaiyoqnej. Deqa a na�go une qa na�gi urur kambatnjrosaioqnej. 26 Ariya bini bati endi Qotei na iga endegsi osorgeqnu, a gaigai kumbra bole ti�ti� yeqnu. A na tamo u�gasari Yesus qa na�go areqalo si�gilateqnub qaji na�gi tamo bole une saiqoji qa minjreqnu di a la�a minjrosaieqnu. A Yesus aqa wau na na�gi tamo bole une saiqoji qa minjreqnu. Dena iga qalieonum, a kumbra bole ti�ti� yeqnu. 27 Deqa tamo yai na aqa segi ñam soqtqa kere? Tamo dego bei sosai. Iga gago segi ñam soqtqajqa kumbra di torei koboej. Gam kiye na kumbra di koboej? Iga dal anjam dauryqom gam dena sai. Iga Yesus qa gago areqalo si�gilatqom gam dena qujai iga gago ñam soqtqajqa kumbra di koboej. 28 Bini iga qalieonum, iga Yesus qa gago areqalo si�gilatqom gam dena qujai iga Qotei aqa �amgalaq di tamo bole une saiqoji sqom. Iga dal anjam dauryqom gam dena sai. 29 Deqa iga kiyersi marqom? Qotei a Juda na�go segi Qotei e? A sawa bei bei qaji na�go Qotei sai e? Di sai. A sawa bei bei qaji na�go Qotei dego. 30 Qotei a segi qujai Qotei bole. Deqa mulu� aiyo qaji tamo na�gi ti mulu� aiyosaieqnub qaji tamo na�gi ti Yesus qa na�go areqalo si�gilatqab di Qotei a na�gi kalil turtnjrsim tamo bole une saiqoji qa minjrqas. 31 Iga maronum, iga Yesus qa gago areqalo si�gilatqom di iga tamo bole une saiqoji sqom. Gago anjam dena iga dal anjam ugeteqnum e? Sai. Iga dal anjam olo si�gilateqnum.

‹ Chapter 2 Rom — All Chapters Chapter 4 ›

Rom 3

Cite / Share This Page