Uli Anjam 7
PNG1 Onaqa laĆ aĆgro qolqe naĆgi laĆ utru qolqeq di tigelesonab e unjrem. Jagwa qolqe naĆgi na mandam ti yuwal ti Ćam baĆga ti puynjraib deqa laĆ aĆgro qolqe naĆgi dena jagwa qolqe di getentnjresoqneb. 2 LaĆ aĆgro naĆgi di Qotei na mandam ti yuwal ti niñaqnjrqajqa siĆgila enjrej. Onaqa laĆ aĆgro bei seĆ oqo sawaq dena brantonaq e unem. A na Qotei Ćambile gaigai unu qaji aqa toqor ojesosiqa tulaĆ leleĆosiqa laĆ aĆgro qolqe naĆgi di minjrej, 3 “NiĆgi mandam ti yuwal ti Ćam baĆga ti nami niñaqnjraib. Iga mati gago Qotei aqa wau tamo naĆgo lanjaq di toqor atnam soqnimqa di niĆgi na iĆgi iĆgi kalil di niñaqnjriy." 4 Onaqa tamo gembub toqor eleĆeb di marnab e quem. Tamo 144,000 naĆgo lanjaq di toqor ateleĆeb. Tamo naĆgi di Israel naĆgo moma utru 12 naĆgo leĆ. 5 Juda aqa leĆ na tamo 12,000 naĆgi toqor eleĆeb. Ruben aqa leĆ na tamo 12,000 naĆgi toqor eleĆeb. Gat aqa leĆ na tamo 12,000 naĆgi toqor eleĆeb. 6 Aser aqa leĆ na tamo 12,000 naĆgi toqor eleĆeb. Naptali aqa leĆ na tamo 12,000 naĆgi toqor eleĆeb. Manase aqa leĆ na tamo 12,000 naĆgi toqor eleĆeb. 7 Simeon aqa leĆ na tamo 12,000 naĆgi toqor eleĆeb. Livai aqa leĆ na tamo 12,000 naĆgi toqor eleĆeb. Isakar aqa leĆ na tamo 12,000 naĆgi toqor eleĆeb. 8 Sebulun aqa leĆ na tamo 12,000 naĆgi toqor eleĆeb. Josep aqa leĆ na tamo 12,000 naĆgi toqor eleĆeb. Benjamin aqa leĆ na tamo 12,000 naĆgi toqor eleĆeb. 9 Onaqa bunuqna e olo Ćam atsimqa tamo uĆgasari tulaĆ gargekoba koroesonab unjrem. Tamo uĆgasari naĆgi di tamo bei na sisiyqa keresai. NaĆgi leĆ segi segi, sawa segi segi, jejamu segi segi, anjam maro segi segi. NaĆgi awo jaram ti Kaja Du ti naĆgo areq di tigelosibqa gara jugo qat olekokba jigeleĆosib naĆgo baĆ na tuwom baĆga ojeleĆesoqneb. 10 Osib naĆgi siĆgila na endegsib maroqneb, “Iga padalqa laqnamqa gago Qotei awo jaram kobaq di awejunu qaji naĆgi Kaja Du wo na iga eleĆosib boletgeb." 11 Onaqa laĆ aĆgro kalil naĆgi na awo jaram ti tamo gate naĆgi ti wagme qolqe Ćambile so qaji naĆgi ti agutnjrsib tigelesoqneb. Tigelesosibqa awo jaram namoq di siĆga pulutoqnsib Qotei qa endegsib louoqneb, 12 “Bole. Gago Qotei a bati gaigai arebolebole ti riaĆ ti powo ti ñam ti siĆgila ti sqas. Deqa iga a biĆiyoqnsim sqom. Bole." 13 Onaqa tamo gate bei na nenembej, “Tamo uĆgasari gara qat olekokba jigejunub qaji di yai naĆgi? NaĆgi tal qabe?" 14 Onaqa e na kamba minjem, “O ijo tamo koba, ni segi qalie.” Onaqa merbej, “Tamo uĆgasari naĆgi di jeu tamo naĆgi na tulaĆ ugeugeinjrsib gulbe ti jaqatiĆ ti enjreb. NaĆgi Kaja Du aqa leĆ aiyej qaji dena naĆgo gara yanseleĆonab qatej. 15 Deqa naĆgi Qotei aqa awo jaram namoq di tigeloqnsibqa bati gaigai qanam ti qolo ti Qotei aqa atra tal miligiq di sosibqa a waueteqnub. Qotei awo jaram kobaq di awejunu qaji a segi naĆgi koba na sosimqa taqatnjroqnqas. 16 Deqa naĆgi olo bunu mamnjrqasai. NaĆgi bunu ya qarnjrqasai. SeĆ na olo naĆgi kaĆkaĆnjrqasai. IĆgi bei na dego naĆgi kaĆkaĆnjrqasai. 17 Kaja Du awo jaram jojomq di unu qaji a naĆgo Mandor Koba gaigai sqas. A naĆgi joqoqnsim Ćambile gaigai sqajqa ya jumbumq giloqnqas. Qotei na naĆgo Ćam ya kalil nuntetnjrimqa naĆgi olo bunu akamqasai."