Uli Anjam 5
PNG1 Onaqa e olo Ćam atsimqa tamo awo jaramq di awesoqnej qaji aqa baĆ woq di buk bei ojesonaq unem. Buk di aqa baĆga olekokba. BaĆga di lulumesonaq unem. Buk aqa miligiqsi qoreqsi neĆgreĆ ti soqnej. Buk di tamo bei na plaltosim aqa miligi unaim deqa naĆgi na aqa baĆga lulumyosib kandel aqa namur na qandrato 7 yeb. 2 Onaqa e olo Ćam atsimqa laĆ aĆgro siĆgila koba bei brantonaq unem. LaĆ aĆgro di a tulaĆ leleĆosiq marej, “Tamo yai a tamo bole unu deqa a na kandel aqa namur waqtosim buk di plaltqa kere?" 3 Onaqa tamo bei na buk di plaltosim aqa miligi unqajqa tamo dego bei sosai. LaĆ qureq di, mandamq di, mandam sorgomq di tamo dego bei sosai. 4 E degsi unsim deqa e tulaĆ akamugetem. 5 Onaqa tamo gate bei na merbej, “O Jon, ni akamaim. Ni que. Laion a Juda aqa leĆ na Ćambabej deqa a qoto siĆgilaosiq aqa jeu tamo naĆgi tulaĆ buĆnjrej. A Mandor Koba Devit aqa leĆ na Ćambabej deqa a na kandel aqa namur waqtosim buk di plaltqa kere." 6 Onaqa e olo Ćam atsim Kaja Du tigelesonaq unem. A qalnab moiyej olo Ćambile so bulonaq unem. A awo jaram ti wagme Ćambile so qaji qolqe naĆgi ti tamo gate naĆgo awo jaram kokba ti ambleq di tigelesonaq unem. A qala 7 ti Ćamdamu 7 ti soqnej. Ćamdamu 7 dena Qotei aqa Mondor 7 naĆgi sigitnjrejunub. Mondor di Qotei na qariĆnjrnaqa sawa sawa kalilq gileleĆeb qaji. 7 Onaqa Kaja Du a bosiqa tamo awo jaramq di awesoqnej qaji aqa baĆ woq dena buk di yaiyej. 8 Buk di yaiyonaqa wagme Ćambile so qaji qolqe naĆgi ti tamo gate 24 naĆgi ti bosib Kaja Du aqa areq di siĆga puluteb. NaĆgi kalil segi segi gombiĆ ti tabir gol na gereiyo qaji ti ojeleĆesoqneb. Tabirq dena qurem oqoqnsiqa Qotei aqa ulatamuq di branteqnu. Qurem di quleq boledamu. Qurem di aqa utru agiende. Qotei aqa segi tamo uĆgasari naĆgo pailyo qurem bul oqoqnsiqa aqa ulatamuq di branteqnu. 9 Wagme qolqe naĆgi ti tamo gate naĆgi ti bosib Kaja Du aqa areq di siĆga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Ni lumnab moisim ino leĆ aiyej deqa ni na ino segi tamo uĆgasari naĆgi awainjrsimqa Qotei aqa baĆq di ateleĆem unub. Od, ni na tamo uĆgasari leĆ segi segi, anjam maro segi segi, jejamu segi segi, sawa segi segi naĆgi awainjrsimqa Qotei aqa baĆq di ateleĆem. 10 Ni na naĆgi giltnjrem deqa naĆgi Qotei aqa atra tamo ti mandor kokba ti sosib mandamq di tamo uĆgasari naĆgi taqatnjroqnqab." 11 Ariya e olo Ćam atsimqa laĆ aĆgro tulaĆ gargekoba tigelesonab unjrem. NaĆgi di iga na sisiyqa keresai. NaĆgi handet milion dego. NaĆgi tigelosibqa awo jaram ti wagme Ćambile so qaji naĆgi ti tamo gate 24 naĆgi ti agutnjresosibqa tulaĆ murqumyeqnab e naĆgo kakro quem. 12 NaĆgi endegsib leleĆoqnsib maroqneb, “Kaja Du agi nami qalnab moiyej qaji a siĆgila ti ñoro ti powo ti ñam ti riaĆ ti arebolebole ti oqa kere. Deqa tamo uĆgasari kalil naĆgi aqa ñam soqtoqnsibqa a qa tulaĆ areboleboleinjroqnimqa a biĆiyoqnsib sqab." 13 Onaqa iĆgi iĆgi kalil Qotei na gereinjrej qaji naĆgi anjam mareqnab e naĆgo kakro quem. IĆgi iĆgi kalil laĆ qureq di, mandamq di, mandam sorgomq di, yuwal miligiq di unub qaji naĆgi anjam mareqnab e naĆgo kakro quem. Od, iĆgi iĆgi kalil sawa sawa kalilq di unub qaji naĆgo kakro quem. NaĆgi endegsib maroqneb, “Tamo awo jaramq di awejunu qaji naĆgi Kaja Du wo bati gaigai arebolebole ti ñam ti riaĆ ti siĆgila ti oqnsib sqab. Deqa iga bati gaigai naĆgi aiyel biĆinjroqnqom." 14 Onaqa wagme qolqe Ćambile so qaji naĆgi maroqneb, “Anjam di bole.” Degsib mareqnabqa tamo gate naĆgi siĆga pulutoqnsib louoqneb.