Menu

Uli Anjam 15

PNG

1 Onaqa maÅwa kobaquja bei laÅ goge di brantonaq e unem. Unsimqa tulaÅ prugugetem. LaÅ aÅgro 7 naÅgi gulbe uge uge 7 ojesoqneb. Gulbe uge uge di koboamqa Qotei aqa minjiÅ torei koboqas. Amqa gulbe uge deqaji olo bunu brantqasai. 2 Onaqa e iÅgi bei yuwal baÅga bul unem. A tulaÅ jeqilosiq qunuÅ bulej. Yuwal babaÅ gogeq di Åamyuwo puloÅoqnej. Tamo uÅgasari nami qoto siÅgilaosib wagme juwaÅ ti aqa sulum ti aqa ñam aqa toqor ti gotraÅnjreb qaji naÅgi yuwal qalaq di tigelosib Qotei aqa gombiÅ ojeleÅesoqneb. 3 Osib Qotei aqa wau tamo Moses aqa lou ti Kaja Du aqa lou na ti endegsib louoqneb, “O Tamo Koba Qotei, siÅgila kalil inoq di unu. Wau kalil ni yeqnum qaji di siÅgila koba. Iga ino wau di unoqnsim deqa tulaÅ prugeqnum. Tamo uÅgasari sawa sawa kalilq di unub qaji naÅgo Mandor Koba agi ni segi. Kumbra kalil ni yeqnum qaji di tulaÅ boledamu. 4 O Tamo Koba, ni segi qujai kumbra tulaÅ bolequja yeqnum. Ino jejamuq di une bei saiqoji. Deqa tamo uÅgasari kalil naÅgi bati gaigai ni biÅimoqnsibqa ino ñam soqtoqnsib sqab. Tamo uÅgasari sawa sawa kalilq di unub qaji naÅgi ino areq boqnsib ni qa louoqnqab. Ino kumbra bole kalil ni segi na boleq babtekritonum." 5 Onaqa e olo Åam atsimqa Qotei aqa atra tal laÅ qureq di unu qaji aqa siraÅ waqesonaq unem. Tal dia Qotei na aqa anjam bole babteqnu. 6 Onaqa laÅ aÅgro 7 gulbe uge uge 7 di ojesoqneb qaji naÅgi Qotei aqa atra talq dena brantosib oqedeb. NaÅgi gara jugo qat tulaÅ boledamu jigeleÅosib alalag gol na gereiyo qaji dena naÅgo are targaq di kaiÅyosib soqneb. 7 Onaqa wagme Åambile so qaji bei a brantosiq tabir 7 gol na gereiyo qaji di eleÅosiqa laÅ aÅgro 7 naÅgi di enjrej. Tabir 7 di Qotei bati gaigai sqas qaji aqa minjiÅ na maqesoqneb. 8 Onaqa Qotei aqa riaÅ ti aqa siÅgila ti dena qurem koba oqsiqa Qotei aqa atra tal getentej. Deqa tamo bei a Qotei aqa atra tal miligiq gilqa keresai. LaÅ aÅgro 7 naÅgi gulbe uge uge 7 di bilentib koboamqa bati deqa tamo naÅgi olo Qotei aqa atra tal miligiq gilqa kere.

Everything we make is available for free because of a generous community of supporters.

Donate