Mak 5
PNG1 Onaqa Yesus aqa aĆgro naĆgi ti qobuĆ na gilsib ya agu taqal beiq di brantosib Gerasa sawaq di tiryeb. 2 Tiryosib Yesus a qobuĆ uratosiq mandamq ainaqa tamo bei a tamo sub ato sawaq dena brantosiq Yesus aqa areq bej. Tamo di a mondor uge uge na ojeleĆo qaji. 3 A bati gaigai tamo sub ato sawaq di Ćeioqnej. A tamo siĆgila koba. Tamo bei na a ojqa keresai. Sil kokba na a tontqa keresai dego. 4 Bati gargekoba tamo qudei naĆgi aqa siĆga ti baĆ ti sil kokba na tonteqnabqa a olo kukoqyoqnej. Tamo bei na a ojqa keresai bole sai. 5 A bati gaigai qolo ti qanam ti tamo sub ato sawaq di tulaĆ leleĆoqnsiqa aqa segi jejamu meniĆ na pupoiyoqnej. A manaq di dego kumbra di yoqnej. 6 Deqa a isaq na Ćam atsiqa Yesus unsiqa urur ti aqa areq bosiqa aqa siĆgaq di siĆga pulutej. Onaqa Yesus na mondor uge di minjej, “O mondor uge, ni tamo di uratosim ulaĆ.” Degsi minjnaqa mondor uge dena tulaĆ leleĆosiqa siĆgila na pailosiq Yesus minjej, “O Yesus, Qotei Goge Koba aqa Ćiri, ni e kiyerbqajqa bonum? E Qotei aqa ñam na ni mermqai, ni e jaqatiĆ ebaim." 9 Onaqa Yesus na mondor uge di nenemyej, “Ino ñam yai?” Degsi nenemyonaqa minjej, “Ijo ñam Qoto Tamo Gargekoba. Iga mondor tulaĆ gargekoba tamo endi aqa jejamuq di unum." 10 Osiqa siĆgila na pailosiq Yesus minjej, “Ni iga sawaq beiq waigaim." 11 Bati deqa bel tulaĆ gargekoba naĆgi mana goge dia suwaroqneb. 12 Deqa mondor uge naĆgi na Yesus minjeb, “Ni iga qariĆgimqa iga bel naĆgo jejamuq gileleĆqom." 13 Mondor uge naĆgi degsib Yesus minjnabqa a na naĆgi odnjrnaqa tamo di uratosibqa bel naĆgo jejamuq gileleĆeb. Gilnabqa bel kalil naĆgi gurgurosib botau dena prugeleĆosib yaq aisib ya uysib moreĆeb. Bel moreĆeb qaji naĆgi sisiyeb 2,000. 14 Onaqa bel taqatoqneb qaji tamo naĆgi kumbra di unsibqa jaraiyosib qure miligiq aisib tamo uĆgasari kalil naĆgi sainjroqnsib laqneb. Gamq di dego sainjroqnsib laqneb. Onaqa tamo uĆgasari naĆgi kumbra di unqajqa beb. 15 Bosib Yesus aqa areq di koroosib Ćam ateb di tamo nami mondor uge ti soqnej qaji aqa areqalo boleosiq gara tigsiq awesonaq uneb. Unsib tulaĆ ulaugeteb. Di kiyaqa? Mondor uge tulaĆ gargekoba nami tamo di aqa jejamuq di soqneb deqa. 16 Onaqa tamo naĆgo Ćamdamu na Yesus a mondor uge di winjrnaq uneb qaji naĆgi bel qa ti mondor uge qa ti tamo uĆgasari naĆgi sainjrnab queb. 17 Qusibqa Yesus minjeb, “Ni gago sawa endi uratosim sawa beiq gile." 18 Onaqa Yesus a qobuĆ gogetosiq gilqa laqnaqa tamo aqaq na Yesus na mondor uge uge winjretej qaji a siĆgila na pailosiq minjej, “E ni daurmqai." 19 Onaqa Yesus na saidyosiq minjej, “Ni olo ino segi qureq gile. Gilsim Tamo Koba a ni qa dulosiqa kumbra tulaĆ boledamu emqo deqa ino was naĆgi sainjre." 20 Onaqa a puluosiq aqa qureq gilsiq Yesus na a kumbra tulaĆ boledamu yej deqa Dekapolis sawa (ñam di aqa damu, Qure 10) dia tamo uĆgasari kalil naĆgi sainjroqnsiq laqnej. Sainjreqnaqa naĆgi aqa anjam quoqnsib tulaĆ prugoqneb. 21 Onaqa Yesus a olo qobuĆ gogetosiqa ya agu taqal beiq gilej. Gilsiq qobuĆ tiryonaq mandamq aisiq alile di sonaqa tamo uĆgasari tulaĆ gargekoba bosib aqaq di korooqneb. 22 Koroosib sonabqa Qotei tal taqato tamo bei aqa ñam Jairus a walwelosiq Yesus unsiqa aqa areq bosiqa siĆga pulutosiqa siĆgila na pailyosiq minjej, “O Tamo Koba, ijo aĆgro sebiĆ a moiqa laqnu. Deqa ni bosim ino baĆ aqa jejamuq di atimqa a olo boleosim Ćambile sqas." 24 Onaqa Yesus na Jairus odyosiqa a dauryosiq gileqnaqa tamo uĆgasari tulaĆ gargekoba naĆgi dego naĆgi aiyel daurnjrsib jujuĆosib giloqneb. 25 Gileqnabqa naĆgo ambleq di uĆa bei ma ti soqnej qaji a naĆgi daurnjrsiq giloqnej. UĆa di a nami bai na unej leĆ aiyoqnsiq degsi soqnej wausau 12 uratej. 26 Yu qaĆgra tamo gargekoba naĆgi nami a boletqa yeqnab a jaqatiĆkobaiyoqnej. A ma gereiyo talq giloqnsiqa silali koba urateqnaqa naĆgi aqa jejamu gereiyeqnabqa a boleosaioqnej. Aqa ma olo kobaqujaoqnej. 27 Deqa a Yesus aqa ñam qusiqa are qalej, “E aqa gara mutu segi baĆ na ojitqa ijo ma koboqas.” Degsi are qalsiqa Yesus aqa qoreq na dadauryosiqa baĆ waiyosiq aqa gara mutu ojej. 29 Ojnaqa aqa leĆ aiyoqnej qaji di koboej. Koboonaqa a aqa segi jejamu qalieosiqa marej, “Bole, ijo ma saiqo." 30 Onaqa Yesus a poiyej, “SiĆgila qudei ijo jejamu uratosiq gilqo.” Degsi poiyonaqa bulosiq tamo uĆgasari tulaĆ gargekoba soqneb qaji naĆgi unjrsiqa nenemnjrej, “Yai na ijo gara ojqo?" 31 Degsi nenemnjrnaqa aqa aĆgro naĆgi na minjeb, “Ni kiyaqa degsi nenemonum? Ni une. Tamo uĆgasari tulaĆ gargekoba naĆgi ni daurmosib jujuĆmejunub." 32 Onaqa Yesus a uĆa gara mutu ojej qaji di unqajqa Ćam atoqnej. 33 Onaqa uĆa di a endegsi qalieej, “Ijo ma saiqo deqa Yesus a e nubqajqa Ćam ateqnu.” A degsi qalieosiqa tulaĆ ulaugetosiq are toĆtoĆyonaqa jiĆga na bosiq Yesus aqa areq di siĆga pulutosiq a segi qa ubtosiq minjej, “E na ino gara mutu ojonum." 34 Onaqa Yesus na minjej, “O uĆa, ni ino areqalo e qa siĆgilatosim ijoq bonum deqa ino ma agi koboqo. Deqa ni are lawo na gilsim bole soqnime." 35 Yesus a uĆa degsi minjeqnaqa tamo qudei naĆgi Jairus aqa talq dena bosibqa gamq di Jairus Yesus wo turosib naĆgi na Jairus minjeb, “UĆgum. Ino aĆgro a nami moiqo. Deqa ni na Qalie Tamo a laĆa wau koba yaim. Uratim aiyem." 36 Onaqa Yesus a naĆgo anjam di qusiqa Jairus minjej, “Ni ulaaim. Ni e qa ino areqalo siĆgilatime." 37 Degsi minjsiqa tamo uĆgasari kalil naĆgi a dauryqa saidnjrsiqa Jems aqa was Jon wo Pita ombla naĆgi segi joqsiqa Jairus koba na gilsib aqa talq di branteb. Brantosib Yesus a Ćam atej di tamo uĆgasari gargekoba naĆgi qatroĆ koba yoqnsib akam murqumyeqnab unjrej. Unjrsiqa tal gogetosiqa minjrej, “NiĆgi kiyaqa qatroĆ koba yoqnsib akameqnub? AĆgro di a moiyosai. A laĆa Ćeisiq qambumtejunu." 40 Degsi minjrnaqa naĆgi Yesus kikiyeb. NaĆgi qalieeb, “AĆgro a nami moiyoboletqo.” Degsib qalieosib deqa Yesus kikiyeb. Onaqa Yesus a naĆgi kalil minjrej, “NiĆgi sasaloiy.” Degsi minjrnaqa naĆgi sasalonabqa Yesus a aĆgro moiyej qaji aqa ai abu osiqa aqa segi aĆgro qalub naĆgi dego joqsiqa aĆgro aqa warum miligiq gilej. 41 Gilsiq aĆgro aqa baĆ titosiqa minjej, “Talita, kum.” Di Hibru anjam. Anjam di aqa damu, “O aĆgro, ni tigel." 42 Degsi minjnaqa aĆgro di a olo Ćambile osiqa urur tigelej. Tigelosiq walwelej. AĆgro aqa wausau 12. Onaqa naĆgi kalil Yesus aqa maĆwa di unsibqa tulaĆ prugeb. 43 Onaqa Yesus a naĆgi siĆgila na endegsi minjrej, “NiĆgi ijo maĆwa endi unonub deqa tamo qudei minjraib.” Osiqa marej, “NiĆgi aĆgro endi iĆgi anaiyiy."