Matyu 8
PNG1 Yesus a manaq dena aiyeqnaqa tamo uĆgasari tulaĆ gargekoba naĆgi a dauryosib aiyeb. 2 Onaqa tamo bei yu na aqa jejamu ugeeleĆej qaji a Yesus aqa areq bosiqa aqa siĆgaq di siĆga pulutosiqa minjej, “O Tamo Koba, ni e boletbqa are soqnimqa e boletbe." 3 Degsi minjnaqa Yesus a baĆ waiyosiq tamo di ojsiqa minjej, “E ni boletmqa are unu. Deqa ino jejamu olo boleeme.” Onaqa bati qujai deqa aqa yu kalil mosoosiq aqa jejamu boleej. 4 Onaqa Yesus na olo minjej, “Ni que. Ino jejamu boleqo deqa ni tamo qudei naĆgi minjraim. Ni gilsim ino jejamu atra tamo osoryosim atraiyqajqa iĆgi iĆgi Moses a nami marej qaji di osim Qotei atraiyime. Yimqa tamo uĆgasari naĆgi ni numsib marqab, ‘Bole, ino jejamu boleqo.’" 5 Onaqa Yesus a walwelosiq Kaperneam qureq di brantej. Dia qaja tamo gate bei soqnej. A Rom tamo. A Yesus aqa areq bosiqa pailyosiq minjej, 6 “O Tamo Koba, ijo kaĆgal tamo a makobaiyqo. Aqa tanu kalil laiyosiq jejamu tulaĆ jaqatiĆyqoqa talq di Ćeiejunu." 7 Onaqa Yesus na minjej, “E gilsiy boletqai." 8 Degsi minjnaqa qaja tamo gate na olo minjej, “O Tamo Koba, e tamo bolesai deqa ni ijo talq baim. Ni anjam segi marimqa ijo kaĆgal tamo a boleqas. 9 E dego tamo kokba qudei naĆgo sorgomq di unum. Ijo qaja tamo naĆgi ijo sorgomq di unub. E bei minjqai, ‘Ni gile.’ Yimqa a gilqas. Bei minjqai, ‘Ni au.’ Yimqa a bqas. Ijo kaĆgal tamo bei minjqai, ‘Wau di ye.’ Degsi minjitqa a ijo anjam dauryqas." 10 Onaqa Yesus a qaja tamo gate aqa anjam di qusiqa tulaĆ prugugetej. Osiqa bulosiq tamo uĆgasari gargekoba a dauryoqneb qaji naĆgi minjrej, “E bole merĆgwai. Qaja tamo gate endi a e qa aqa areqalo tulaĆ siĆgilatqo. Israel tamo nami e qa degsi aqa areqalo siĆgilato qaji bei unosai. 11 “Deqa e niĆgi endegsi merĆgwai. Tamo uĆgasari gargekoba naĆgi sawa guta na guma na ti bosib koroosib Abraham, Aisak, Jekop naĆgi koba na awoosib iĆgi uyoqnqab. Yimqa Qotei laĆ qureq di unu qaji a naĆgo Mandor Koba sosim naĆgi taqatnjrqas. 12 Ariya tamo qudei Qotei a nami taqatnjrqa osiq metnjrej qaji naĆgi a qa naĆgo areqalo siĆgilatosai deqa a naĆgo Mandor Koba sosim naĆgi taqatnjrqasai. A na naĆgi osim qalaq di breinjrimqa naĆgi sawa ambruq di sqab. Sawa dia naĆgi akamkobaoqnsib pailoqnsib naĆgo jaqatiĆ qa qalagei anjam atoqnqas." 13 Osiqa Yesus a qaja tamo gate di minjej, “Ni gile. Ni e qa ino areqalo siĆgilatonum deqa ni gilsim unime. Ino kaĆgal tamo a boleosiq unu.” Degsi minjnaqa bati qujai deqa aqa kaĆgal tamo aqa ma koboonaqa a boleej. 14 Onaqa Yesus a Pita aqa tal gogetosiqa Pita aqa mimibe makobaiyonaqa jejamu kaĆkaĆyonaq bijalq di Ćeiesonaq unej. 15 Unsiqa aqa baĆ ojsiqa tigeltonaqa aqa jejamu kaĆkaĆ di koboonaqa a tigelosiqa iĆgi goiyetej. 16 SeĆ aiqa laqnaqa tamo uĆgasari mondor uge uge na ojeleĆo qaji naĆgo was naĆgi na joqsib Yesus aqa areq osi boqneb. Osi beqnabqa Yesus a anjam segi minjreqnaqa mondor uge naĆgi aqa anjam quoqnsib jaraiyoqneb. Tamo ma utru segi segi so qaji naĆgi dego osi beqnab Yesus na boletnjroqnej. 17 A kumbra di yoqnej deqa anjam bei Qotei aqa medabu o tamo Aisaia nami marej qaji di aqa damu brantej. A endegsi marej, “Kristus a gago ma utru segi segi kalil yaiyetgoqnsiq taqal waiyeqnu." 18 Bati deqa Yesus a Ćam atej di tamo uĆgasari tulaĆ gargekoba naĆgi aqa areq di koroesonab unjrej. Deqa a na aqa aĆgro naĆgi minjrej, “Iga qobuĆ gogetosim jaraiyosim ya agu taqal beiq gilqom." 19 Degsi minjrsiqa naĆgi joqsiq koba na gilqa laqnabqa dal anjam qalie tamo bei a Yesus aqa areq bosiqa minjej, “O Qalie Tamo, ni sawa sawaq giloqnimqa e ni daurmoqnqai." 20 Onaqa Yesus na minjej, “BauĆ juwaĆ naĆgi tal ti. Agi sub miligiq di ĆereĆeqnub. Qebari naĆgi simi ti. Deqa naĆgi simiq di ĆereĆeqnub. Ariya e Tamo AĆgro Ćeiqajqa tal saiqoji. Deqa ni e daurbqajqa gulbe koba." 21 Onaqa Yesus aqa aĆgro bei na minjej, “O Tamo Koba, ni e odbimqa e mati aisiy ijo abu qa tariĆoqnqai. A moiyimqa subq atsiy di e ni daurmqai." 22 Onaqa Yesus na minjej, “UĆgum. Tamo moiyo qaji naĆgi segi na tamo moiyo qaji naĆgi subq ateleĆoqnqab. Ariya ni bosim e daurbe." 23 Osiqa Yesus a qobuĆ gogetonaqa aqa aĆgro naĆgi a dauryosib koba na qobuĆ gogetosib gileb. 24 NaĆgi gileqnabqa Yesus a qobuĆ miligiq di Ćeisiq qambumtej. Onaqa jagwa tulaĆ koba tigelosiq ya korkortosiqa qobuĆ qaloqnsiqa mormaĆ miligiq aiyeqnaqa ya maqej. 25 Deqa Yesus aqa aĆgro naĆgi tulaĆ ulaugetosib aqa areq bosib dudumyosib minjeb, “O Tamo Koba, ni iga aqaryaige. Iga padalqa laqnum." 26 Onaqa Yesus a tigelosiqa minjrej, “NiĆgi e qa nuĆgo areqalo siĆgilatqa yonub tulaĆ keresaiiĆgwo. NiĆgi kiyaqa ulaonub?” Degsi minjrsiqa jagwa ti ya ti ĆiriĆtnjrnaqa naĆgi laeb. 27 Onaqa Yesus aqa aĆgro naĆgi are koba qalsib segi segi maroqneb, “Yesus a tamo kiyero deqa jagwa ti ya ti minjrqoqa aqa anjam qusib laonub?" 28 Onaqa Yesus aqa aĆgro naĆgi ti qobuĆ na gilsib ya agu taqal beiq di brantosib Gadara naĆgo sawaq di tiryeb. Tiryonabqa tamo aiyel naĆgi tamo sub ato sawaq dena brantosib walwelosib Yesus aqa areq beb. Tamo naĆgi di mondor uge uge na ojeleĆo qaji. NaĆgi aiyel qaja ani. Deqa tamo kalil naĆgi gam dena walwelqa keresai. 29 NaĆgi aiyel Yesus aqa areq bosib leleĆkobaosib minjeb, “O Qotei aqa Ćiri, ni iga kiyergwajqa bonum? Iga padalqajqa bati bosaisonaqa ni laĆa ambleq di iga jaqatiĆ egwa bonum e?" 30 Bati deqa isaq yala dia bel tulaĆ gargekoba naĆgi suwaroqneb. 31 Deqa mondor uge naĆgi siĆgila na pailosib Yesus minjeb, “Ni iga qariĆgimqa iga bel naĆgo jejamuq gileleĆqom." 32 Onaqa Yesus na minjrej, “Di kere. NiĆgi jaraiyosibqa bel naĆgo jejamuq gileleĆoiy.” Degsi minjrnaqa mondor uge naĆgi na tamo aiyel di uratnjrsib bel naĆgo jejamuq gileleĆeb. Gilnabqa bel kalil naĆgi gurgurosib botau dena prugeleĆosib yaq aisib ya uysib moreĆeb. 33 Onaqa bel taqatoqneb qaji tamo naĆgi kumbra di unsibqa jaraiyosib qure miligiq aiyeb. Aisib bel qa ti tamo aiyel mondor uge uge na ojeleĆo qaji naĆgi qa ti saoqnsib laqneb. 34 Onaqa qure deqaji kalil naĆgi qusibqa Yesus unqajqa aqa areq beb. Bosib Yesus unsib minjeb, “Ni gago sawa endi uratosim sawa beiq gile."