Matyu 6

PNG

‹ Chapter 5 Matyu — All Chapters Chapter 7 ›

1 “Tamo qudei na�gi endegsib are qaleqnub, ‘E la�a baba� na kumbra bole yoqnit tamo na�gi e nuboqnsib ijo ñam soqtetboqnqab.’ Ariya ni�gi degyaib. Ni�gi degyqab di nu�go Abu la� qureq di unu qaji a ni�gi awai bole e�gwasai. 2 “Ni�gi gisa� tamo na�go kumbra dauryaib. Gisa� tamo na�go kumbra agiende. Na�gi na tamo i�gi i�gi saiqoji na�gi aqaryainjrqa oqnsib tamo qudei qari�njreqnab na�gi qa namooqnsib gul anjameqnub. Gul anjameqnab tamo u�gasari na�gi na gisa� tamo na�gi di unjroqnsib na�go ñam soqtetnjreqnub. Gisa� tamo na�gi di Qotei tal miligiq di, gam kokbaq di kumbra degyeqnub. Deqa e bole mer�gwai. Qotei a tamo na�gi di awai bole enjrqasai. Na�go awai agi tamo u�gasari na�gi na na�go ñam soqtetnjreqnub di kere. 3 Deqa ni degyaim. Ni tamo i�gi i�gi saiqoji na�gi aqaryainjrqa osimqa ba� qona� a uli na aqaryainjrimqa ba� wo a qalieqasai. 4 Di yawo anjam. Aqa damu endegsi unu. Ni uli na tamo i�gi i�gi saiqoji na�gi aqaryainjrimqa tamo u�gasari kalil na�gi qalieqasai. Ni kumbra di uli na yoqnim ino Abu a segi unoqnqas. Deqa a segi na ino ñam soqtetmosim ni awai bole emoqnqas." 5 Osiqa Yesus a olo marej, “Ni�gi Qotei pailyqa osibqa gisa� tamo na�gi pailyeqnub degsib pailyaib. Gisa� tamo na�gi Qotei pailyqa oqnsib tamo u�gasari kalil na�go �amdamuq di tigeleqnab unjroqnsib na�go ñam soqtetnjreqnub. Tamo na�gi di Qotei tal miligiq di, qure ambleq di, gam kokba qalaq di kumbra degyeqnub. Deqa e bole mer�gwai. Qotei a na�gi awai bole enjrqasai. Na�go awai agi tamo u�gasari na�gi na na�go ñam soqtetnjreqnub di kere. 6 Deqa ni degsi pailyaim. Ni Qotei pailyqa osimqa ino segi warum miligiq gilsim sira� qandimtosim ino Abu uliejunu qaji a pailyimqa tamo kalil na�gi ni numqasai. Ni kumbra di uli na yoqnim ino Abu a segi unoqnqas. Deqa a segi na ino ñam soqtetmosim ni awai bole emoqnqas. 7 “Tamo na�gi Qotei qaliesai qaji na�gi la�a la�a pailyo olekokba yoqnsibqa endegsib are qaleqnub, ‘Iga pailyo olekokba yoqnimqa Qotei a gago pailyo quqwas.’ Di gisa�. Deqa ni�gi Qotei pailyqa osibqa degsib pailyaib. 8 Ni�gi na�go kumbra di dauryaib. Ni�gi i�gi bei qa truquosib nu�go Abu pailyosaisoqnibqa a nami qalieqo. 9 “Deqa ni�gi endegsib Qotei pailyoqniy, ‘O gago Abu, ni la� qureq di unum. Ino ñam tula� getento. 10 Ni bosim gago Mandor Koba sosim iga taqatgoqnime. La� qureq di na�gi ino areqalo dauryeqnub dego kere iga mandamq endi ino areqalo dauryoqnqom. 11 O Abu, gago i�gi uyo bati gaigai keretgoqnime. 12 Tamo na�gi iga qa une ateqnub qaji na�go une kalil iga na kobotetnjreqnum deqa ni kamba gago une kalil dego kobotetgime. 13 Gulbe bei na iga walawalaigosim uneq waigwa laqnimqa ni iga aqaryaigime. Yim Satan na iga ugetgwasai.’ 14 “O ijo a�gro, ni�gi degsib Qotei pailyoqniy. Ni�gi quiy. Ni�gi tamo bei qa anjam soqnimqa ni�gi na aqa une kobotiy. Yimqa nu�go Abu la� qureq di unu qaji a na kamba nu�go une kalil kobotet�gwas. 15 Ni�gi aqa une kobotetqasai di nu�go Abu a dego nu�go une kobotet�gwasai." 16 Osiqa Yesus a olo marej, “Ni�gi qurie�qa marsibqa gisa� tamo na�gi qurie�eqnub ni�gi degsib qurie�aib. Gisa� tamo na�gi qurie�oqnsibqa ulatamu ugeinjreqnu. Tamo u�gasari kalil na�gi na unjrsib na�go ñam soqtetnjrqajqa deqa na�gi kumbra degyeqnub. Deqa e bole mer�gwai. Tamo na�gi di Qotei na awai bole enjrqasai. Na�go awai agi tamo u�gasari na�gi na na�go ñam soqtetnjreqnub di kere. 17 Ariya ni kumbra degyaim. Ni qurie�qa osimqa ino ulatamu geregere yansoqnsim ino gate ba�ga pra�yoqnsim ino jejamu gereiyoqnsim laqne. 18 Yimqa tamo u�gasari kalil na�gi ni numoqnsib ni qurie� ti unum di na�gi qalieqasai. Ni kumbra di uli na yoqnim ino Abu a segi na unoqnqas. Deqa a segi na ino ñam soqtetmosim awai bole emoqnqas." 19 Osiqa Yesus a olo marej, “Ni�gi mandam qa i�gi i�gi koroiyaib. Di sisimbi� na ugetqab. Baisuwi ojqas. Baji� tamo na�gi tal paratosib oqab. 20 Deqa ni�gi la� qure qa i�gi i�gi koroiyiy. Di sisimbi� na ugetqasai. Baisuwi ojqasai. Baji� tamo na�gi tal paratosib oqasai dego. 21 Sawa qabia ino ñoro bole unu dia ino are miligi dego si�gilatim sqas." 22 Osiqa Yesus a olo marej, “Ino �amdamu a ino jejamu qa pulo� bul. Deqa ino �amdamu boleqas di ino jejamu kalil suwa�esqas. 23 Ariya ino �amdamu ugeqas di ino jejamu kalil ambruesqas. Deqa pulo� ino are miligiq di unu qaji a olo ambruqas di ino are miligi kalil ambruekritqas." 24 Osiqa Yesus a olo marej, “Tamo qujai a tamo kokba aiyel na�gi wauetnjrqa keresai. A tamo kobaquja bei qalaqalaiyosim olo tamo kobaquja bei jeutqas. Bei aqa anjam dauryosim olo bei qoreiyqas. Dego kere ni�gi silali ti Qotei ti turtnjrsib na�gi wauetnjrqa keresai." 25 Osiqa Yesus a olo marej, “Ni�gi mandamq endi bole sqajqa deqa areqalo kobaiyaib. Osib endegsib maraib, ‘Iga i�gi ti ya ti qabe na osim uyqom? Gara qabe na osim gago jejamu kabutqom?’ Ni�gi degsib maraib. Ni�gi i�gi uyo na segi �ambile oqasai. Ni�gi gara jugoqnqab dena segi nu�go jejamu bole sqasai. 26 Ni�gi qebari na�gi unjriy. Na�gi i�gi yagosaieqnub. I�gi otorosib talq di atosaieqnub. Ariya nu�go Abu la� qureq di unu qaji a na qebari na�gi i�gi anainjreqnu. Ni�gi qalie, qebari na�gi qunu� saiqoji. Ni�gi tamo qunu� ti. Ni�gi na qebari na�gi tula� bu�njrejunub. 27 Ni�gi mandamq endi sokobaiyqajqa deqa are koba qalaib. Ni�gi are koba qalqab dena ni�gi nu�go segi sqajqa bati olo yala totoryqa keresai. Sai bole sai. 28 “Deqa ni�gi kiyaqa gara qabe na osib jejamu kabutqajqa are koba qaleqnub? Ni�gi �am so unjriy. Na�go wala kiyersib branteqnub di ni�gi qaliesai. Na�gi segi wauosaieqnub. Na�go segi wala gereiyosaieqnub. 29 Deqa e ni�gi endegsi mer�gwai. Nami Solomon a gara wala boledamu jugoqnej. Ariya �am so aqa wala dena Solomon aqa wala tula� bu�yejunu. 30 Ma� la�aj a bini oqwas nebe tamo na�gi na gi�ge�yosib �amyuwoq waiyqab. Ma� la�aj di Qotei na wala enjreqnu. Deqa ni�gi kiyaqa Qotei qa nu�go areqalo si�gilatqa yonub keresaii�gwo? Ni�gi ma� la�aj sai. Ni�gi tamo qunu� ti. Deqa ni�gi endegsi poi�gem, Qotei a ni�gi dego gara e�goqnqas. 31 Ni�gi areqalo kobaiyosib endegsib maraib, ‘Iga i�gi ti ya ti qabe na osim uyqom? Gara qabe na osim gago jejamu kabutqom?’ Ni�gi degsib maraib. 32 Tamo u�gasari Qotei qaliesai qaji na�gi i�gi i�gi deqa are koba qaleqnub. Ariya ni�gi deqa are koba qalaib. Nu�go Abu la� qureq di unu qaji a qalie, ni�gi la�a sqa keresai. Ni�gi i�gi i�gi deqaji oqnsib sqab. 33 Deqa ni�gi kumbra qujai endi yoqniy. Ni�gi Qotei na taqat�gosim nu�go Mandor Koba sqajqa ti aqa kumbra bole bole dauryqajqa ti si�gilaoqniy. Ni�gi degyqab di Qotei na kamba i�gi uyo ti gara ti dego e�goqnqas. 34 Deqa nebe kumbra kiye nu�goq di brantqas ni�gi deqa are koba qalaib. Nebe a bati bei. Nebe qa gulbe di aqa segi gulbe. Bati segi segi aqa gulbe di na�go segi segi. Deqa ni�gi are koba qalaib."

‹ Chapter 5 Matyu — All Chapters Chapter 7 ›

Matyu 6

Cite / Share This Page