Matyu 4

1 Onaqa bati deqa Mondor a Yesus wadau sawaq osi gilsiqa di uratonaqa Satan bosiqa Yesus a une bei atqa marsiqa walawalaiyoqnej. 2 Qanam 40 qolo 40 Yesus a wadau sawaq di soqnej. Sosiqa iÅgi uratoqnsiqa qurieÅ ti soqnej. Deqa bati 40 di koboonaqa a mamyej. 3 Onaqa walawalaiyo tamo Satan a Yesus aqa areq bosiqa minjej, “Ni Qotei aqa Åiriamqa meniÅ kalil endi minjrim bem bulyibqa ni uye." 4 Degsi minjnaqa Yesus na kamba minjej, “Qotei aqa anjam bei nami endegsib neÅgreÅyeb unu, ‘Tamo naÅgi iÅgi uyo na segi Åambile sqasai. Anjam kalil Qotei aqa medabuq na branteqnu qaji dena naÅgi Åambile sqab.’" 5 Onaqa Satan na Yesus olo osiqa Qotei aqa qure koba Jerusalem gilsiq atra tal quraq oqsiq goge dia Yesus atsiqa minjej, 6 “Ni Qotei aqa Åiriamqa endena prugosim mandamq aiye. Agi Qotei aqa anjam bei nami endegsib neÅgreÅyeb unu, ‘Qotei na aqa laÅ aÅgro naÅgi minjrimqa bosib ni taqatmqab.’ Anjam bei dego neÅgreÅq di unu. Anjam agiende, ‘LaÅ aÅgro naÅgi bosib baÅ na ni soqtmibqa ino siÅga meniÅ na qalqasai.’" 7 Onaqa Yesus na kamba Satan minjej, “Qotei aqa anjam bei dego neÅgreÅq di unu. Anjam agiende, ‘Ni ino Tamo Koba Qotei aqa siÅgila laÅa tenemtqa osim a gisaÅyaim.’" 8 Degsi minjnaqa Satan a Yesus olo osiqa mana goge kobaq oqsiq dia Yesus tigeltosiqa sawa sawa kalil mandor kokba naÅgi na taqatejunub qaji naÅgo siÅgila ti ñoro ti di Yesus osoryosiqa minjej, 9 “Ni ijo ulatamuq endi siÅga pulutosim e qa louimqa sawa sawa kalil di naÅgo siÅgila ti ñoro ti ni emqai." 10 Onaqa Yesus na minjej, “Satan, ni ulaÅ. Qotei aqa anjam bei nami endegsib neÅgreÅyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’" 11 Degsi minjnaqa Satan a Yesus uratosiq ulaÅej. Onaqa Qotei aqa laÅ aÅgro naÅgi bosib Yesus siÅgilatoqneb. 12 Bati bei Jon a tonto talq di waiyonab sonaqa Yesus a di qusiqa olo tigelosiq Galili sawaq gilej. 13 Gilsiq Nasaret qureq di brantej. Dena walwelosiqa Kaperneam qureq gilsiq di soqnej. Kaperneam qure agi Galili ya agu kobaquja qalaqsi unu. Ya agu jojomq di Sebulun sawa ti Naptali sawa ti unub. 14 Yesus a Kaperneam qureq gilej deqa anjam bei Qotei aqa medabu o tamo Aisaia nami marej qaji di aqa damu brantej. A endegsi marej, 15 “Gam kobaquja Jordan ya qalaq dena aiyejunu qaji di Galili sawa ambleq na aiyejunu. Aisiq yuwalq di diÅejunu. Gam qalaq di Sebulun ti Naptali ti unub. Sawa bei bei qaji naÅgi beleÅosib Galili di unub. 16 Deqa tamo uÅgasari ambruq di unub qaji naÅgi puloÅ kobaquja unqab. Tamo uÅgasari padalo gam dauryosib ambruq di unub qaji naÅgi puloÅ dena suwantnjrqas." 17 Bati deqa Yesus na aqa wau utru atsiqa Qotei aqa anjam palontoqnsiqa tamo uÅgasari naÅgi endegsi minjroqnej, “Qotei laÅ qureq di unu qaji a nuÅgo Mandor Koba sosim niÅgi taqatÅgwajqa bati jojomqo. Deqa niÅgi are bulyiy." 18 Osiqa a Galili ya agu qalaq aisiq alile dia walweloqnsiqa Åam atej di Saimon aqa ñam bei Pita aqa was Andru wo sonab unjrej. NaÅgi aiyel qe o qaji tamo soqneb deqa naÅgi kakaÅ waiyeqnab unjrsiqa minjrej, 19 “NiÅgi e daurbiy. NiÅgi qe o qaji tamo unub deqa niÅgi qe eqnub. Dego kere e wau eÅgitqa niÅgi olo tamo oqnqab." 20 Yesus a naÅgi degsi minjrnaqa naÅgi naÅgo kakaÅ uratosib Yesus dauryeb. 21 Onaqa Yesus a olo walwelosiq aisiqa Sebedi aqa Åiri Jems aqa was Jon wo naÅgi aiyel qobuÅ miligiq di naÅgo abu ti kakaÅ braÅo qandimeqnabqa unjrsiqa metnjrej. 22 Metnjrnaqa naÅgo abu Sebedi a qobuÅ miligiq di sonaqa uratosib Yesus dauryeb. 23 Yesus a dena walwelosiqa Galili sawa keretoqnsiqa Juda naÅgo Qotei tal miligiq giloqnsiqa dia Qotei aqa anjam palontoqnej. Qotei na aqa segi tamo uÅgasari naÅgi taqatnjrsim naÅgo Mandor Koba sqas anjam bole di Yesus na palontoqnej. Osiqa tamo ma utru segi segi kalil naÅgi boletnjroqnej. 24 Yeqnaqa tamo uÅgasari kalil Siria sawaq di soqneb qaji naÅgi Yesus qa quoqnsib deqa tamo ma utru segi segi joqsib aqa areq boqneb. Tamo jejamu jaqatiÅnjro qaji naÅgi ti tamo mondor uge uge na ojeleÅo qaji naÅgi ti tamo nanarioqnsib maÅgaloqneb qaji naÅgi ti tamo jejamu lainjro qaji naÅgi ti kalil joqsib beqnab Yesus na boletnjroqnej. 25 Bati deqa tamo uÅgasari tulaÅ gargekoba naÅgi Yesus dauryoqnsib laqneb. Galili sawa naÅgi ti Dekapolis sawa naÅgi ti Jerusalem qure naÅgi ti Judia sawa naÅgi ti qure qure Jordan ya taqal beiq di soqneb qaji naÅgi ti kalil Yesus dauryoqnsib laqneb.